កំហុស៧យ៉ាងពេលផាត់មុខ បើស្រីៗហ៊ានធ្វើ ដឹងតែមុខចាស់ជាងវ័យ

2017-06-29 00:25:00
ចំនួនមតិ 0 | ចំនួនចែករំលែក 0

មនុស្សស្រី គិតថាតុបតែងមុខ គឺព្រោះតែចង់បិទបាំងនូវភាពមិនស្អាតរបស់ខ្លួន ហើយក៏ចង់ធ្វើឲ្យសម្រស់មើលទៅក្មេងជាងវ័យផងដែរ។ ប៉ុន្តែមានរឿង៧យ៉ាងដែលស្រីៗតែងធ្វើពេលផាត់មុខ វាធ្វើឲ្យមុខរបស់អ្នក មើលទៅឃើញកាន់តែចាស់ជាងអាយុ។ កុំបារម្ភ កញ្ញានឹងបង្ហាញវិធីចៀសវាងកំហុសទាំងនេះ៖

១. ការលាបក្រែមស្ងួត ហើយមានពណ៌ស្រអាប់

ការប្រើប្រាស់ក្រែមលាបមាត់ស្ងួត ហើយមានពណ៌ស្រអាប់ វាធ្វើឲ្យបបូរមាត់របស់អ្នកស្ងួត ហើយជាលទ្ធផលគឺអ្នកនឹងមើលទៅចាស់ជាងវ័យ ដែលធ្វើឲ្យការតុបតែងមុខរបស់អ្នកមិនស្អាត។

២. លាប eye concealer ក្រាស់ពេក

ត្បិតតែ concealer ត្រូវបានប្រើប្រាស់ដើម្បីបិទបាំងស្នាមខ្មៅក្រោមភ្នែកពិតមែន ប៉ុន្តែបើយើងលាបវាក្រាស់ពេក វានឹងធ្វើឲ្យសាច់របស់យើងទៅជាជ្រួញ ហើយមើលទៅឃើញមុខចាស់។

៣. ការប្រើ mascara មិនបានត្រឹមត្រូវ

ស្រីៗភាគច្រើន ចូលចិត្តលាប mascara ដើម្បីឲ្យរោមភ្នែកមើលទៅវែង ហើយក្រាស់ ប៉ុន្តែបើលាបមិនត្រឹមត្រូវ គឺមើលទៅអាក្រក់ជាងពេលអត់លាបទៅទៀត។ ការលាប mascara មួយចំនួន ក៏ធ្វើឲ្យមើលទៅឃើញមុខចាស់ជាងអាយុផងដែរ ដូចជាលាបអត់ស្មើ ឃើញរដិបរដុប អត់លាបពីគល់ដល់ចុងរោមភ្នែក ប្រើពណ៌ខ្មៅពេក ឬភ្លឺពេក និងការលាប mascaraថ្មីពីលើ mascara ចាស់ដោយមិនព្រមជូតអាចាស់ចេញសិន។

៤. ផាត់ម្សៅស្អិត និងម្សៅហុយៗក្រាស់ពេក

ផាត់ម្សៅស្អិត ជាធម្មតានឹងធ្វើឲ្យផ្ទៃមុខរបស់អ្នកមើលទៅថ្លាក្មេង ប៉ុន្តែបើដាក់ម្សៅស្អិត និងម្សៅហុយៗក្រាស់ពេក មុខរបស់អ្នកអាចមើលទៅចាស់ជាងវ័យ ១០ឆ្នាំឯណោះ។

៥. លាបត្របកភ្នែកក្រាស់

ការប្រើប្រាស់កូល័រលាបភ្នែក គឺដើម្បីធ្វើឲ្យភ្នែករបស់អ្នក មើលទៅធំ ឬតូចស្អាតតាមបែបធម្មជាតិ ប៉ុន្តែបើដាក់ក្រាស់ជ្រុល វាមិនត្រឹមតែមិនស្អាតទេ ប៉ុន្តែអាចធ្វើឲ្យអ្នកមើលទៅចាស់ជាងម្តាយរបស់អ្នកទៀត។

ចុចអាន៖ ៥ យ៉ាងត្រូវដឹង បើមិនចង់ខ្ជះខ្ជាយលុយឥតប្រយោជន៍លើការតរោមភ្នែក

៦. ប្រើខ្មៅដៃគូសបបូរមាត់ជ្រុលពេក

ការប្រើខ្មៅដៃគូសបបូរមាត់ អាចជួយឱ្យលេចចេញទម្រង់បបូរមាត់ស្អាត ប៉ុន្តែបើអ្នកគូសញឹកញាប់ ហើយក្រាស់ពេក វាមិនល្អសម្រាប់រង្វង់បបូរមាត់របស់អ្នកនោះទេ។

៧. ខ្វះការថែទាំស្បែកមុខប្រចាំថ្ងៃ

ជាពិសេសគឺមិនលុបគ្រឿងសម្អាងចេញ មុនពេលគេង ប្រការនេះ វានឹងធ្វើឲ្យស្បែកមុខរបស់អ្នកឆាប់ចាស់ មិនត្រឹមប៉ុណ្ណឹងគឺធ្វើឱ្យស្បែកឡើងខូចដល់ថ្នាក់ពិបាកនឹងស្រោចស្រង់ផងក៏ថាបាន៕

ប្រភព៖ tinyurl

ប្រែសម្រួល៖ ភារី