៥ យ៉ាងត្រូវដឹង បើមិនចង់ខ្ជះខ្ជាយលុយឥតប្រយោជន៍លើការតរោមភ្នែក

2017-06-26 03:24:28
ចំនួនមតិ 0 | ចំនួនចែករំលែក 0

ភ្នែកជាកន្លែងដែលទាក់ទាញបំផុតសម្រាប់ស្ត្រី ដូចនេះដើម្បីឲ្យកាន់តែមានភាពស្រស់ស្អាត យុវតីសម័យឥឡូវភាគច្រើនជ្រើសយកការតរោមភ្នែក។ តែមុននឹងតរោមភ្នែក កញ្ញា សូមបង្ហាញពីចំណុចអវិជ្ជមានមួយចំនួន ដើម្បីឲ្យបងប្អូនស្រីៗពិចារណា។ រឿងទាំង ៥ យ៉ាងខាងក្រោម យើងគួរតែដឹង បើមិនចង់ខ្ជះខ្ជាយលុយលើការតរោមភ្នែកដោយឥតប្រយោជន៍៖

១.មានតម្លៃថ្លៃ៖ ការតរោមភ្នែកទាំងសងខាងមានតម្លៃខ្ពស់ចាប់ពី ២០-៣៥ ដុល្លារ។ នេះអាចចាត់ទុកថាថ្លៃហើយ ព្រោះបើប្រៀបធៀបទៅនឹងសាក់ ឬប៉ាក់ចិញ្ចើមដែលចំណាយពេល និងវត្ថុធាតុដើមច្រើនជាងនេះ តែតម្លៃប្រហាក់ប្រហែលគ្នា។ តែការតរោមភ្នែកមិនសូវអស់អ្វីសោះដោយគ្រាន់តែអង្គុយឈ្ងោកមុខត្រឹម ១ ម៉ោងប៉ុណ្ណោះ។

២.ពិបាកថែរក្សា៖ ការតរោមភ្នែកយ៉ាងយូរ ៤ សប្ដាហ៍ ឬលើសនេះបន្តិចបន្តួច សម្រាប់អ្នកពូកែថែណាស់។ តែបើសម្រាប់អ្នកមិនសូវចេះថែតែ ២ សប្ដាហ៍យ៉ាងយូរបំផុត ហើយវាកាន់តែលំបាកខ្លាំងនៅពេលត្រូវទឹក ដូចនេះត្រូវជូតសម្អាតមុខសើមភ្លាមៗបន្ទាប់ពីងូតទឹក ព្រោះបើមានទឹកយូរនៅលើរោមភ្នែក អាចជ្រុះរោមភ្នែកដែលតនោះបាន។

៣.ថែមរោមភ្នែកបន្ត៖ បន្ទាប់ពីជ្រុះរោមភ្នែកខ្លះៗហើយ ១សប្ដាហ៍ម្ដងយើងត្រូវទៅថែម ដោយថែមរោមភ្នែកម្ដងអស់ ៥ ដុល្លារទៀត។ ដូចនេះធ្វើឲ្យការចំណាយលើរោមភ្នែកត កាន់តែច្រើនឡើងៗ។

៤.ជ្រុះរោមភ្នែក៖ ពេលដែលតរោមភ្នែកក្លែងក្លាយយូរៗទៅ នឹងធ្វើឲ្យរោមភ្នែកពិត និងមិនជ្រុះមកឯងៗទាំងអស់ ព្រោះទាំងរបស់ពិត និងក្លែងក្លាយសុទ្ធតែត្រូវប្រជ្រៀតគ្នានៅគល់រោមភ្នែក។

៥.ឈឺភ្នែក៖ ជាធម្មតាពេលក្រាកពីគេងតែងមានរោមភ្នែកជ្រុះចូលភ្នែក តែមិនសូវបង្កភាពឈឺចាប់ដល់កែវភ្នែកឡើយ។ តែពេលតរោមភ្នែកក្លែងក្លាយវានឹងជ្រុះចូលភ្នែក ហើយមានភាពឈឺចាប់ខ្លាំង ព្រោះរោមភ្នែកតមានសភាពរឹងខ្លាំង៕

ចុចអាន៖ចង់បានស្បែកស្រស់ស្អាតក្មេងជាងវ័យ កុំភ្លេចញ៉ាំផ្លែឈើ ៧ មុខនេះ

ប្រភព៖ glamour ប្រែសម្រួល៖ ទ្រី រ៉ាវី