រឿងសំខាន់ ៨ យ៉ាង ដែលយើងរៀនសូត្របានពីការបែកបាក់មិត្តភាពជាមួយមិត្តសម្លាញ់

2017-06-23 06:44:05
ចំនួនមតិ 0 | ចំនួនចែករំលែក 0

ការបែកបាក់រវាងមិត្តមិត្តភ័ក្ដិ និងស្នេហា មានភាពឈឺចាប់ដូចគ្នា តែបែកគ្នាជាមួយមិត្តសម្លាញ់ឈឺចាប់ជាង។ ដូចនេះយើងនឹងអាចរៀនសូត្រពីរឿងសំខាន់ៗទាំង ៨ យ៉ាងនេះបាន ពេលបែកគ្នាជាមួយមិត្តភ័ក្ដិស្រីៗដូចគ្នា៖

១.យើងនឹងដឹងពីរបៀបទំនាក់ទំនង៖ ការបែបបាក់នេះ នឹងធ្វើឲ្យដឹងថា ទំនាក់ទំនងយើង និងមិត្តមានភាពស្និទ្ធស្នាល ឬមិនស្និទ្ធស្នាល បានជាឈានដល់ការឈប់រាប់អានគ្នាបែបនេះ។ ណាមួយវាជាបទពិសោធល្អ ទុកសម្រាប់រាប់អានមិត្តភ័ក្ដិក្រោយៗទៀតដែរ។

រូបតំណាង

**២**.តើមិត្តភាពបែបណាដែលយើងចង់បាន៖ ដោយសារការបែកបាក់មិត្តភ័ក្ដិម្ដងហើយ ដូចនេះយើងនឹងដឹងថាមិត្តភ័ក្ដិក្រោយបែបណា ដែលយើងចង់រាប់អាន។

៣.ដឹងពីរបៀបបដិសេធមិត្តមិនល្អ៖ កាលពីពេលមុនព្រោះតែមិនដឹងទើបយើងចេះតែរាប់អានគ្រប់ប្រភេទមិត្តភ័ក្ដិ តែក្រោយពីឈប់រាប់អានគ្នាម្ដង នោះយើងនឹងយល់ពីរបៀបបដិសេធមិត្តមិនល្អចោល។

៤.រៀនមើលអ្វីបានវែងឆ្ងាយ៖ បន្ទាប់ពីបែកបាក់ពីមិត្តភ័ក្ដិស្រីៗរួចមក យើងនឹងចេះមើលអ្វីបានវែងឆ្ងាយជាងមុន។

៥.សារៈសំខាន់នៃភាពទៀងត្រង់៖ ពេលដែលមិត្តបានក្បត់យើង នោះយើងនឹងដឹងច្បាស់ពីភាពទៀងត្រង់ ដូចនេះពេលយើងមានពួកម៉ាកក្រោយ យើងនឹងមិនក្បត់គេ ដូចមិត្តមុនក្បត់យើងទេ។

៦.អ្វីជាសារៈសំខាន់នៃទំនាក់ទំនង៖ ពេលមានមិត្តក្បត់ស្របពេលយើងកំពុងលំបាក ហើយមានមិត្តល្អដែលនៅក្បែរគ្រប់ពេល នោះយើងនឹងដឹងច្បាស់ពីទំនាក់ទំនងរវាងមិត្តភ័ក្ដិពីរប្រភេទ។

៧.អ្វីដែលជាភាពទន់ខ្សោយរបស់យើង៖ ពេលខ្លះការបែកបាក់ជាមួយមិត្តមិនមែនមកពីគេទាំងស្រុងឡើយ តែអាចជាចំណុចអវិជ្ជមានណាមួយរបស់យើង។ ពេលបែកគ្នាហើយនោះ ទើបយើងដឹងថាត្រង់ណាជាចំណុចខ្សោយយើង។

៨.របៀបដោះស្រាយជាមួយអតីតមិត្តភ័ក្ដិ៖ ក្រោយឈប់និយាយរកគ្នា ទើបយើងដឹងថាអ្វីដែលជាវិធីដោះស្រាយជាមួយអតីតមិត្ត៕