មនុស្សស្រីត្រគាកធំ មិនគួរស្លៀកសម្លៀកបំពាក់ ៦ ប្រភេទនេះ

កាលពីសប្ដាហ៍មុន កញ្ញា បានផ្សាយពីអត្ថបទមួយនិយាយពី មនុស្សស្រីត្រគាកតូច មិនគួរស្លៀកសំលៀកបំពាក់ ៦ ប្រភេទនេះ។ ថ្ងៃនេះយើងនឹងបង្ហាញពីមនុស្សស្រីត្រគាកធំវិញម្ដង។ ៦ ម៉ូដខាងក្រោមនេះស្រីៗមិនគួរស្លៀកទេ បើមានត្រគាកធំនោះ៖

១.រ៉ូបរឹបខ្លី

រ៉ូបរឹបរាងខ្លី គឺជាសត្រូវនឹងស្ត្រីត្រគាកធំ ព្រោះពេលស្លៀកទៅវាមិនសម។ រ៉ូបរឹបរាងខ្លី អាចធ្វើឲ្យឃើញភ្លៅទាំងមុខ និងក្រោមចេញសាច់កង់ៗ។

២.សំលៀកបំពាក់ខ្លីៗ

បើហ៊ានតែស្លៀកពាក់សំលៀកបំពាក់ខ្លីៗ នោះខោអាវរឹតតែខ្លីទៅទៀត ព្រោះវារអិលចេញពីស្បែក ហើយធ្វើឲ្យរូបរាងយើងធាត់កន្ទ្រល។

៣.ខោស

ប្រសិនបើត្រគាកធំ ហើយស្លៀកខោស នោះរូបរាងយើងដូចមិនស្លៀកពាក់ដែរ ព្រោះទាំងទំហំ និងរូបរាងគឺចេញមកលើគោកតែម្ដង។

៤.អាវជាប់ខោ

មនុស្សស្រីបើមានត្រគាកធំ ហើយស្លៀកបែបនេះនឹងចេញរាងដូចនំអន្សមជ្រូកដែរ ព្រោះមានបីគន្លាក់នៃរាងកាយ។

៥.ខោខោវប៊យ

ខោខោវប៊យ នឹងធ្វើឲ្យគូថមនុស្សស្រីមើលទៅរឹតតែឃើញរីកធំជាងពេលមុនទៅទៀត។ ដូចនេះមិនគួរស្លៀកវាទេ។

៦.ខោសាច់ទន់ៗ

យើងអាចហោម្យ៉ាងទៀតថាខោស្បែកកង្កែប។ មនុស្សស្រីត្រគាកធំ បើស្លៀកខោបែបនេះពេលដើរ សាច់នឹងលោតរយីករយាកមិនខាន៕