ព្យាយាមថែស្នេហានោះហើយ តែនៅតែបរាជ័យ អ្នកគួរតែគិតរឿងទាំងនេះ

2017-06-15 02:56:27
ចំនួនមតិ 0 | ចំនួនចែករំលែក 0

រឿងខ្លះទោះបីអ្នកព្យាយាមថែយ៉ាងណាក៏វានៅតែបាត់បង់ដែរ ដូច្នេះវាមិនមែនជាកំហុសអ្នកនោះទេ ព្រោះមនុស្សដែលចាកចេញសុទ្ធតែមានមូលហេតុរបស់គេ។ បើស្នេហាមួយនោះអ្នកមិនអាចថែរក្សាបានទេ អ្នកគួរតែបណ្ដោយវាទៅហើយគិតថា៖

១. ទទួលយកថាអ្នកមិនអាចធ្វើឲ្យគេសប្បាយចិត្ត ៖ បើគេរីករាយពេលដែលនៅជាមួយអ្នកហើយ គេប្រហែលជាមិនចាកចេញនោះទេ នេះគឺមកពីគេមិនអាចទទួលបានសេចក្ដីសុខពីអ្នក ដូច្នេះអ្នកគួរតែជូនពរគេឲ្យរកឃើញសុភមង្គលពិតប្រាកដ។

រូបតំណាង

**២. អ្នកមិនអាចគ្រប់គ្រងអារម្មណ៍គេបានទេ ៖** បើគេចង់ទៅហើយនោះ អ្នកមិនអាចឃាត់គេ ឬចង់គ្រប់គ្រងជីវិតគេនោះឡើយ ព្រោះគេមានសិទ្ធិនឹងជ្រើសរើសផ្លូវជីវិតរបស់គេ។

៣. អ្នកបានធ្វើគ្រប់យ៉ាងដើម្បីស្នេហានេះហើយ ៖ ទោះយ៉ាងណាក៏អ្នកបានព្យាយាមថែរក្សាការស្រឡាញ់មួយនេះហើយដែរ ទោះបីជាវាបាត់បង់ក៏អ្នកមិនបានខុសលើស្នេហានេះទៀតដែរ។

៤. ត្រូវជឿថាគ្រប់យ៉ាងកើតឡើងសុទ្ធតែមានហេតុផល ៖ គេចង់ចាកចេញ គេប្រាកដជាមានហេតុផល ហើយទោះអ្នកទទួលបាន ឬ មិនទទួលបានក៏គេនៅតែសម្រេចចិត្តថាបញ្ចប់វា។

៥. សម្រេចចិត្តថាគួរតែរាប់អានគ្នា ឬបញ្ចប់សូម្បីតែមិត្តភ័ក្ដិ ៖ ត្រូវគិតឲ្យច្បាស់ថាអ្នកអាចរាប់អានគ្នាបានទេ បើសិនជាទំនាក់ទំនងជាមិត្តភ័ក្ដិនោះមិនល្អដល់អ្នក និងគេ នោះអ្នកមិនគួរឡើយ ព្រោះកុំឲ្យមានរឿងមិនល្អកើតឡើងទៀត។

រូតំណាង

៦. ត្រូវគិតថាពេលវេលាជាថ្នាំព្យាបាលអ្វីទាំងអស់ ៖ ប្រហែលជាពេលនេះអ្នកពិបាកទ្រាំ អ្នកឈឺចាប់ អ្នកខូចចិត្ត តែអ្នកត្រូវដឹងថាពេលវេលាដើរទៅមុខរហូត មិនយូរទេអ្នកនឹងធូរស្រាលជាងនេះ គ្រាន់តែអ្នកមិនអាចលុបការចងចាំបាន។

ថែបានគួរតែថែ ប៉ុន្តែបើថែមិនបានហើយគួរតែលែងគេទៅ ព្រោះអ្នកមិនអាចឃាត់មនុស្សដែលចង់ទៅនោះទេ៕

ចុចអាន៖

ប្រភព៖ relrules ប្រែសម្រួល៖ ផេង ផលធិតា