ពេលមានសង្សារ ស្រីៗចង់បានរបស់ ៦ យ៉ាងនេះ តែខាងប្រុសឲ្យមិនបាន

2017-06-06 08:08:41
ចំនួនមតិ 0 | ចំនួនចែករំលែក 0

របស់ដែលមនុស្សស្រីចង់បាននោះ មិនសំដៅលើវត្ថុមានតម្លៃអ្វីទេ។ ចង់ដឹងថាអ្វីដែលមនុស្សស្រីចង់បាន ពេលជាសង្សារនឹងគ្នានោះ អានអត្ថបទខាងក្រោម៖

១.ឲ្យបេះដូងមកយើងគ្រប់គ្រង៖ មនុស្សស្រីមិនចង់បានវត្ថុមានតម្លៃអ្វីទេ សុំត្រឹមតែទុកបេះដូងឲ្យយើងតែម្នាក់គឺគ្រប់គ្រាន់ហើយ តែចំណុចនេះ បុរសៗធ្វើមិនបានទេ។

២.ឲ្យតម្លៃ និងកិត្តិយស៖ ទោះមិនទាន់ក្លាយជាភរិយាមែន តែស្រីៗក៏ចង់ឲ្យសង្សារផ្ដល់តម្លៃ និងកិត្តិយសដែរ ដោយការអញ្ជើញទៅចូលរួមកម្មវិធីនៅផ្ទះគេ ហើយណែនាំឲ្យសាច់ញាតិគេស្គាល់យើងបានពេញមុខពេញមាត់។ គ្រាន់តែរឿងប៉ុណ្ណេះមនុស្សប្រុសធ្វើមិនបាន ព្រោះគេនៅមានជម្រើសផ្សេងទៀត។

រូបតំណាង

**៣**.ស្រលាញ់ស្មោះត្រង់តែម្នាក់៖ គ្មានស្រីណាដែលមិនចង់ឲ្យសង្សារខ្លួនស្រលាញ់ខ្លួនតែម្នាក់ឡើយ។ តែមនុស្សប្រុសភាគច្រើនចូលចិត្តចែករំលែកការស្រលាញ់នោះ ទៅឲ្យស្រីផ្សេង ធ្វើឲ្យយើងឈឺចិត្តឥតល្ហែ។

៤.ទុកចិត្តគ្នា៖ ប្រគល់បេះដូង និងក្ដីស្រលាញ់មកឲ្យយើងអស់ហើយ ការជឿទុកចិត្តគ្នា ក៏ជាកាដូខ្វះមិនបានដែរ។ ផ្ទុយទៅវិញបុរសភាគច្រើនព្រោះតែខ្លាចបាត់បង់ពេករហូតដល់ប្រចែប្រចណ្ឌមិនឲ្យខាងស្រីទាក់ទងមិត្តភ័ក្ដិប្រុស។

៥.ឲ្យពេលផ្ទាល់ខ្លួន៖ ដឹងថាព្រោះស្រលាញ់ទើបចង់នៅក្បែរ តែយ៉ាងហោចណាស់ក៏គួរតែឲ្យពេលវេលាផ្ទាល់ខ្លួនសម្រាប់យើងបន្តិច ព្រោះអាចនៅក្បែរគ្រួសារ និងមិត្តភ័ក្ដិបានខ្លះ។

៦.ការពារ និងយកចិត្តទុកដាក់៖ ពេលយើងបាក់ទឹកចិត្ត ឬជួបនឹងបញ្ហាអ្វីមួយ គឺយើងរំពឹងចង់ឲ្យគាត់ដែលជាមនុស្សសំខាន់នៅក្បែរគ្រប់ពេល និងចង់ឮពាក្យថា "មិនអីទេអូន អូនរឹងមាំឡើងណា បងនៅក្បែរ និងការពារអូនរហូត"។ គ្រាន់តែពាក្យមួយឃ្លានេះ បែរជាមិនអាចឮចេញពីបបូរមាត់គេបាន៕