កុំខ្លាចជីវិត Single ចាំជួបបុរសពិតក្នុងបេះដូង សឹមរៀបការជាមួយ

2020-04-17 06:45:00
ចំនួនមតិ 0 | ចំនួនចែករំលែក 0

តើអ្នកដឹងទេ នៅពេលអ្នកកំពុងរអ៊ូពីជីវិតដែលមិនទាន់ដល់គូ ខណៈនោះក៏មានមនុស្សជាច្រើនកំពុងធុញទ្រាន់នឹងជីវិតស្នេហា ព្រោះតែរើសមនុស្សខុស។ ស្នេហានិងសុភមង្គល ពិតជាមកដល់នៅពេលអ្នកជួបបុរសពិតប្រាកដម្នាក់ ហើយអ្នកទាំងពីរតស៊ូរក្សាចំណងស្នេហ៍នោះដោយមិនរាថយ។

រូបតំណាង

ដូច្នេះ បើអ្នកមិនទាន់ជួបបុរសម្នាក់នោះនៅឡើយ វាមិនមែនជាបញ្ហាធំទេ។ គ្រាន់តែរស់នៅបែប Single សិន និងរីករាយឲ្យសប្បាយតាមវ័យរបស់អ្នក គឺពិតជាអស្ចារ្យខ្លាំងហើយ។ នៅថ្ងៃណាមួយ ខ្ញុំនឹងជួប Mr. Right ដែលមានភាពប្រាកដប្រជាមិនយកមនោសញ្ចេតនាខ្ញុំលេងសើច ព្រមដើរកាន់ដៃខ្ញុំលើវិថីមួយ ហើយតែងនៅក្បែរខ្ញុំជានិច្ច។ គាត់ជាមនុស្សប្រុសម្នាក់ហ៊ានប្រាប់គេគ្រប់គ្នាថា ខ្ញុំជាមនុស្សស្រីដែលគាត់ស្រលាញ់នៅកណ្ដាលហ្វូងមនុស្ស។ គាត់ក៏ហ៊ាននាំខ្ញុំឲ្យស្គាល់មិត្តភក្កិ រួមទាំងក្រុមគ្រួសាររបស់គាត់ផងដែរ។

រូបតំណាង

សុខចិត្តនៅ Single សិនរហូតដល់ប្រទះនឹងបុរសដែលខ្វល់ពីអ្នក គាត់រួចរាល់ដើម្បីដើរជាមួយគ្នាទោះអ្នកកំពុងមានបញ្ហាក៏ដោយ។ បុរសម្នាក់ដែលតែងរក្សាពាក្យសន្យា ស្គាល់ខុសត្រូវ និងហ៊ាននិយាយពាក្យសុំទោសពេលគាត់ធ្វើខុស។

សុខចិត្តនៅម្នាក់ឯងសិនរហូតដល់ជួបមនុស្សប្រុសដែលធ្វើឲ្យអារម្មណ៍អ្នកសប្បាយចិត្តពេញមួយថ្ងៃ សម្រស់កាន់តែស្អាតពេលនៅក្បែរគាត់។ មនុស្សប្រុសដែលនៅតែសម្លឹងអ្នកជាប់ជានិច្ច ទោះអ្នកពាក់អាវរយ៉េរយ៉ៃ ហើយគាត់នៅឱបអ្នកមិនលែង។

ព្រមនៅ Single សិន រហូតដល់ថ្ងៃអ្នកបានជួបមនុស្សដែលយល់ពីអ្នក ហើយមិនព្រមចាកចេញពីគ្នា។

រូបតំណាង

ជីវិតបែបម្នាក់ឯងក៏ជាពេលស្រស់ស្អាត ហើយក៏មិនគួរឲ្យខ្លាចដូចអ្នកគិតនោះទេ។ ប្រសិនបើ បុរសម្នាក់នោះមិនទាន់មកដល់ អ្នកក៏មិនត្រូវក្រៀមក្រំដែរ។ ត្រូវតែរីករាយ និងឆ្លៀតដើរលេងឲ្យបានច្រើន កុំអន្ទះសាចង់ជួបមនុស្សប្រុសម្នាក់នោះអី តែអ្នកក៏គួរចិត្តត្រជាក់ ហើយសប្បាយនឹងជីវិតនៅលីវឲ្យអស់ចិត្តសិន។

រូបតំណាង

ផ្តួចផ្តើមអំណរដើម្បីសេចក្តីសុខខ្លួនឯង កុំពឹងផ្អែកលើនរណាទាល់តែសោះ។ រស់បែបម្នាក់ឯង មិនទាមទារអ្វីច្រើនឡើយ ត្រឹមតែមានម្ហូបអាហារនិង អ៊ីនធឺណេតគឺអាចឲ្យជីវិតនេះដើរទៅមុខយ៉ាងគ្មានទុក្ខព្រួយបាត់ទៅហើយ។ អត់ស្នេហាអត់ទៅ តែត្រូវតែមានអាហារចម្អែតក្រពះ មានអ៊ីនធឺណេតសម្រាប់ធ្វើការ មានប្រាក់សម្រាប់ចាយ មានពេលអានព័ត៌មាន សប្បាយចិត្តឆាតជាមួយពួកម៉ាក ហើយផុសរូបដើរលេងឲ្យគេចុច Like បែកមេដៃ។

រូបតំណាង

ពេលនេះ ខ្ញុំអាចយកពេលថែទាំខ្លួនឯង រៀនពីរបៀបគ្រប់គ្រងផ្លូវចិត្ត បង្កើតគម្រោងសម្រាប់អនាគតខ្លួនឯង ព្រមទាំងចំណាយពេលបានច្រើនជាមួយមិត្តភក្កិ។ នេះជាពេលសម្រាប់ខ្ញុំអាចរៀបចំគ្រប់យ៉ាងបានប្រសើរ មុនពេល Mr. Right ដើរចូលក្នុងជីវិតខ្ញុំ។

រូបតំណាង

ដូច្នេះ សូមរង់ចាំជួបបុរសម្នាក់ដែលគេនឹងស្រលាញ់អ្នក ដោយស្តែងតាមសកម្មភាព ហើយត្រៀមចាំស្តាប់នូវពាក្យរបស់គាត់និយាយថា "យល់ព្រមធ្វើកូនក្រមុំបងបានទេ?”។ បើបុរសម្នាក់នោះមិនទាន់មកដល់ទេ សូមរក្សាចិត្តនៅ Single សិនដោយមោទកភាព រហូតដល់ចាំជួបមនុស្សប្រុសម្នាក់នោះនៅថ្ងៃណាមួយ៕

ចុចអាន៖ ចំណុចសំខាន់គួរដឹង ពេលCrush លើនរណាម្នាក់ កុំឲ្យគេចោទថាព្រាននារី

ប្រភព៖ bestie ប្រែសម្រួល៖ លឹម សុនា