ចំណុចសំខាន់គួរដឹង ពេលCrush លើនរណាម្នាក់ កុំឲ្យគេចោទថាព្រាននារី

2019-09-26 04:00:00
ចំនួនមតិ 0 | ចំនួនចែករំលែក 0

ពេល Crush លើនរណាម្នាក់ អ្នកប្រាកដជាចង់បង្ហាញអារម្មណ៍ដើម្បីឲ្យនាងបានដឹងភ្លាមៗ។ តែកុំអាលសិន! មានរឿងខ្លះ អ្នកគួរប្រើពេលវេលាសិន ទើបអាចយកក្តីស្រលាញ់ពីនាងបាន។

ចង់ចូលក្នុងបេះដូង Crush មិនមែនជារឿងពិបាកទេ បើអ្នកពិតជាចាប់អារម្មណ៍លើនាងប្រាកដមែន។ សម្រាប់មនុស្សស្រី ថ្វីដ្បិតពេលខ្លះមានបេះដូងរឹង មិនសូវចូលចិត្តរញ៉េរញ៉ៃច្រើនក៏ពិតមែន តែនាងនៅត្រូវការបុរសម្នាក់ជាស្មាបង្អែក។ ម្ល៉ោះហើយ បើអ្នកចង់ក្លាយជាចំណែកមួយក្នុងជីវិត Crush គួរតែមើលប៉ុន្មានចំណុចនេះសិន។

១. បង្ហាញភាពស្មោះត្រង់របស់អ្នក

មនុស្សស្រីមិនត្រូវការអ្វីច្រើនពីបុរសទេ នាងចង់បានតែភាពស្មោះត្រង់ប៉ុណ្ណោះ។ ម្ល៉ោះហើយ បើអ្នកពិតជាចង់បានបេះដូងមនុស្សស្រីមែន កុំគ្រាន់តែចូលមកជីវិតនាង ហើយចាកចេញវិញ បន្សល់ភាពឈឺចាប់ឲ្យនាង។ បើអ្នកច្បាស់លាស់ហើយ នោះបង្ហាញភាពស្មោះត្រង់ទៅនាង អ្នកពិតជាយកបេះដូងនាងជាមិនខាន។

២. កុំប្រញាប់និយាយថា ស្រលាញ់

បើទើបតែស្គាល់គ្នាមិនទាន់បានប៉ុន្មានផង ក៏និយាយថាស្រលាញ់ ស្ដាប់មើលទៅវាងាយស្រួលពេក។ យ៉ាងហោចអ្នកគួរចំណាយពេលយល់ពីនាងឲ្យច្បាស់ថានាងជាមនុស្សប្រភេទណា ចូលចិត្តអី ស្អប់អីជាដើម។ កុំឲ្យពេលស្រលាញ់គ្នាហើយមិនបានប៉ុន្មានផង ក៏របូតដៃចេញពីគ្នាបាត់។

៣. កុំប្រើសម្ដីផ្អែមពេក

ថ្វីដ្បិតពាក្យ Sweet Sweet របស់មនុស្សប្រុសនិយាយទៅមនុស្សស្រី ធ្វើឲ្យបេះដូងនាងស្រស់ថ្លា តែអ្នកក៏មិនគួរប្រើញឹកញាប់ពេកដែរ។ វាអាចបង្ហាញថា អ្នកជាព្រានបុរស ហើយនាងក៏មានអារម្មណ៍មិនស្រណុកស្រួល ដោយសារវាលឿនពេក។ តែ ក៏មិនមែនឈប់ឲ្យប្រើពាក្យផ្អែម ហើយប្រើសម្ដីទ្រគោះបោះបោកពេលជួប Crush ដែរ។

៤. បន្ថែមមន្តស្នេហ៍លើរូបរាងខាងក្រៅ

កុំងប់តែស្រលាញ់ Crush ហើយរហូតភ្លេចស្រលាញ់ខ្លួនឯង ព្រោះថា រូបរាងនិងមុខមាត់ខាងក្រៅក៏ជាកត្តាអាចយកបានបេះដូង Crush ដែរ។ ជាធម្មតាមនុស្សស្រីថែរក្សាសម្រស់នាងឲ្យស្រស់ស្អាតរាល់ថ្ងៃ ដូចនេះបើអ្នកស្រលាញ់នាង ក៏គួរចេះស្រលាញ់និងថែរក្សាខ្លួនឯងឲ្យស្អាតដែរ។

៥. ស្រលាញ់ពេញបេះដូង តែត្រូវទុកគម្លាត

ចង់សន្សំពិន្ទុពី Crush បុរសមួយចំនួនស្ទើរប្រើពេល ១០០ % របស់ខ្លួនចំណាយលើ Crush ។ មិនត្រឹមអត់បានពិន្ទុថែមទេ តែអ្នកបែរជាចូលក្នុងបញ្ជីខ្មៅរបស់នាងថាជាមនុស្សគួរឲ្យធុញ និងមិនចេះប្រើពេលឲ្យមានប្រយោជន៍។ ដូចនេះ អ្នកគួរទុកគម្លាតខ្លះ កុំឲ្យដូចស្រមោលអន្ទោលតាមប្រាណពេក។

៦. កុំសួរសំណួររសើប

តើអ្នកមានមិត្តប្រុសឬនៅ? នេះច្រើនជាសំនួរដែលបុរសតែងសួរញឹកញាប់ទៅ Crush ដើម្បីចង់ដឹងថាតើនាងនៅទំនេរឬមានម្ចាស់ចិត្តហើយ។ បន្ទាប់មក ដើម្បីចង់ដឹងពីគ្នាកាន់តែច្រើនទៀត អ្នកប្រហែលត្រៀមសំនួរច្រើនទៀត ដើម្បីបានជជែកលេងជាមួយគ្នា។ តែសំណួរខ្លះមិនគួរសួរទេ ព្រោះអាចធ្វើឲ្យទំនាក់ទំនងរបស់អ្នកដាច់កណ្ដាលទី និងធ្វើឲ្យមនុស្សស្រីឈឺចាប់ខ្លាំង។ ឧទាហរណ៍ដូចជា តើឪពុកម្ដាយអ្នកលែងគ្នាមែន ព្រោះអត់ដែលឃើញរូបថតប៉ារបស់អ្នកសោះ? តើពីមុនអ្នកធ្លាប់មានសង្សារប៉ុន្មាននាក់ហើយ? តើអ្នកធ្លាប់ថើបគ្នាជាមួយសង្សារចាស់ដែរអត់?

ចុចអាន៖ សូមឈប់ជូនពរស្រលាញ់គ្នា១០០ឆ្នាំ ឆ្លងឲ្យតែផុត២ឆ្នាំសិនទៅ ចាំនិយាយទៀត

ប្រភព៖ sistacafe ប្រែសម្រួល៖ លឹម សុនា