សារខ្លីមួយផ្ញើរជូនបុរសម្នាក់ដែលខ្ញុំរកមិនទាន់ឃើញគឺ"អនាគតស្វាមីខ្ញុំ"

2020-04-09 08:00:00
ចំនួនមតិ 0 | ចំនួនចែករំលែក 0

នេះជាសារខ្លីមួយដែលខ្ញុំចង់ផ្ញើទៅកាន់មនុស្សម្នាក់ដែលខ្ញុំនឹងហៅថា "ស្វាមី" តែបច្ចុប្បន្នមិនទាន់រកឃើញ៖

ខ្ញុំមានរឿងច្រើនចង់ប្រាប់អ្នក តែនិយាយចេញមិនកើត ព្រោះមិនដឹងថាអ្នកនៅឯណានៅឡើយ ដូចេ្នះមានតែរ៉ាយរ៉ាប់រឿងក្នុងចិត្តតាមរយៈសារខ្លីមួយនេះ៖

រូបតំណាង

- រឿងដំបូង ខ្ញុំចង់ប្រាប់ គឺខ្ញុំមិនប្រញាប់ទេ ជាពិសេសក្នុងការកសាងគ្រួសារ ព្រោះខ្ញុំចង់ប្រើប្រាស់ពេលវេលានៅម្នាក់ឯងនេះដើម្បីយល់ច្បាស់ពីខ្លួនឯង និង អ្វីដែលខ្ញុំចង់បាន។

ហើយខ្ញុំចង់ឲ្យអ្នកដឹងថា ខ្ញុំនឹងស្រឡាញ់អ្នកឲ្យអស់ពីបេះដូង ប្រសិនបើអ្នកព្រមធ្វើដូចគ្នា។ ខ្ញុំចំណាយពេលនៅម្នាក់ឯងឡើងសុំាទៅហើយ ហើយខ្ញុំក៏សប្បាយចិត្តនឹងជីវិតបែបនេះស្រាប់ទៅហើយ ដូចេ្នះបើខ្ញុំសម្រេចចិត្តថាស្រឡាញ់អ្នក គឺវាមកពីអ្នកមានអ្វីដែលពិសេសដែលធ្វើឲ្យខ្ញុំរីករាយជាងការនៅម្នាក់ឯង។

រូបតំណាង

អ្នកដឹងអត់? ពេលខ្លះខ្ញុំឆ្ងល់ខ្លួនឯងថា ហេតុអ្វីបានតែងតែមើលរំលងមនុស្សនៅក្បែរខ្លួន ហើយ មិនដែលផ្ដល់ឱកាសឲ្យគេអ៊ីចឹង តែខ្ញុំគិតថាហេតុផលគឺប្រហែលជាខ្ញុំកំពុងរង់ចាំមនុស្សដូចអ្នកហើយ។
ខ្ញុំទុកចិត្តលើពេលវេលា ព្រោះខ្ញុំដឹងថា វានឹងនាំខ្ញុំឲ្យរកឃើញអ្នកនៅពេលមួយដែលសមស្របសម្រាប់យើងទាំងពីរ ហើយ រំពេចនោះខ្ញុំនឹងស្រាយរាល់ចម្ងល់ដែលខ្ញុំកំពុងមានសព្វថ្ងៃ៕