ទម្លាប់ ៥ យ៉ាងគួរចៀសវាងអំឡុងពេលជំងឺកូវីដ១៩ បើមិនចង់ឲ្យប្រព័ន្ធសុំារបស់អ្នកអន់ខ្សោយ

2020-04-02 06:32:01
ចំនួនមតិ 0 | ចំនួនចែករំលែក 0

គិតមកត្រឹមថ្ងៃនេះ នៅក្នុងពិភពលោកទាំងមូលមាន ២០៣ ប្រទេសហើយបានឆ្លងជំងឺកូរ៉ូណាឬកូវីដ១៩។ ក្នុងចំណោមនោះ ប្រទេសកម្ពុជាក៏ជាប្រទេសមួយបានឆ្លងជំងឺមួយប្រភេទនេះដែរ ថ្វីត្បិតតែអ្នកត្រូវរក្សាគម្លាតសង្គមទីប្រជុំជន រក្សាអនាម័យខ្លួនក៏ដោយ អ្នកក៏ត្រូវតែរក្សាប្រព័ន្ធសុំាខាងក្នុងរាងកាយរបស់អ្នកឲ្យរឹងមំាផងដែរទើប អ្នកអាចការពារខ្លួនពីជំងឺមួយនេះបាន។ ហេតុដូចនេះហើយខាងក្រោមនេះគឺជាទម្លាប់ទាំង ៥ ដែលអ្នកគួរតែចៀសវាងដើម្បីការពារប្រព័ន្ធសុំាឲ្យរឹងមាំរួមមាន៖

១. ភាពតានតឹង

រូបតំណាង

ប្រសិនបើអ្នកមានភាពស្មុគស្មាញ សរីរាង្គជាច្រើនក្នុងរាងកាយរបស់អ្នកនឹងផ្អាកដំណើរការ រួមបញ្ចូលទាំងប្រព័ន្ធសុំាដែលមានប្រសិទ្ធភាពទាបក្នុងការបំពេញការងារ។

២. ការគេងមិនបានគ្រប់គ្រាន់

ការគេងមិនបានគ្រប់គ្រាន់ក៏ធ្វើឲ្យសុខភាពរបស់អ្នកចុះខ្សោយផងដែរ។ ក្រៅពីនេះ វាក៏ធ្វើឲ្យប្រព័ន្ធសុំារបស់អ្នកចុះខ្សោយដែលបណ្តាលឲ្យអ្នកមានជំងឺដូចជា សរសៃឈាមបេះដូង សម្ពាធឈាមមិនធម្មតា ជំងឺធាត់លើស និងជំងឺបាក់ទឹកចិត្តជាដើម។

៨ វិធីជួយបង្កើនប្រព័ន្ធសុំាឲ្យរឹងមាំប្រឆាំងនឹង COVID-19

៣. ការទទួលទានស្ករច្រើនពេក

សម្រាប់អ្នកចូលចិត្តទទួលអាហារសម្បូរជាតិស្ករច្រើនពេកនឹងធ្វើឲ្យមានតុល្យភាពជាតិរ៉ែនៅក្នុងរាងកាយដែលធ្វើឲ្យប្រព័ន្ធសុំាចុះខ្សោយនិងងាយមានជំងឺ។

៤. ការទទួលទានគ្រឿងស្រវឹងច្រើនពេក

រូបតំំណាង

យោងតាមAlcohol Helpline Center បានថ្លែងថា មានការសិក្សាជាច្រើនលើការទទួលទានគ្រឿងស្រវឹងក្នុងបរិមាណច្រើនងាយធ្វើឲ្យរាងកាយឆាប់ឆ្លងនឹងមេរោគ។ ជាលទ្ធផលវានឹងនាំឲ្យអ្នកកើតជំងឺដូចជា ការរលាកថ្លើម ការឈឺចាប់ ការហើម ជំងឺរបេង ជំងឺសរសៃប្រសាទ និងជំងឺរលាកស្រោមសួតជាដើម។

៥. ការមិនបរិភោគសារធាតុចិញ្ចឹមវីតាមីនគ្រប់គ្រាន់

ដូចដែលអ្នកបានដឹងរួចមកហើយថា វីតាមីនដែលជួយបង្កើនប្រព័ន្ធសុំានោះគឺ វីតាមីន C។ ដូច្នោះ ប្រសិនបើអ្នកមិនបរិភោគវីតាមីនគ្រប់គ្រាន់ ប្រព័ន្ធសុំារបស់អ្នកនឹងចុះខ្សោយទៅតាមហ្នឹងដែរ។ ជារៀងរាល់ថ្ងៃ រាងកាយរបស់អ្នកត្រូវការវីតាមីននេះយ៉ាងតិច ១០០០ មីលីក្រាមក្នុងមួយថ្ងៃ។ ត្រូវចងចាំថា ការបរិភោគបន្លែ ផ្លែឈើឲ្យបានច្រើនគឺល្អមានដូចជា ផ្កាខាត់ណា សណ្តែកបារំាង ស្ពៃចង្កឹះ ស្លឹក kale មើមខ្ទឹម រីឯផ្លែឈើរួមមាន ក្រូច ត្របែក ក្រូចឆ្មា ល្ហុង ទំពាំងបាយជូរ និងស្ត្រប៊ឺរីជាដើមរួមទាំងផ្លែឈើផ្សេងៗទៀត៕