៨ វិធីជួយបង្កើនប្រព័ន្ធសុំាឲ្យរឹងមាំប្រឆាំងនឹង COVID-19

  • 2020-03-25 04:45:00
  • ចំនួនមតិ 0 | ចំនួនចែករំលែក 0

ក្រៅពីការពាក់ម៉ាស លាងដៃឲ្យបានស្អាត មិនមែនមានន័យថាអ្នកគ្រប់គ្នារួចផុតពីការឆ្លងមេរោគ COVID-19 នោះងាយឡើយៗ។ បន្ថែមពីអនាម័យខ្លួនបា្រណអ្នក អ្នកគប្បីថែរក្សាសុខភាពឲ្យរឹងមាំពិសេសគឺ​ប្រព័ន្ធសុំា​របស់​អ្នកតែម្តង។ តើធ្វើយ៉ាងណាទើបអ្នកអាចរក្សាប្រព័ន្ធសុំារបស់អ្នកឲ្យបានរឹងមាំ? តោះ​មកដឹង​ទាំង​អស់​គ្នា​រួម​មាន៖

រូបតំណាង

យោងតាមគេហទំព័រសុខភាពរបស់ Havard បានឲ្យដឹងថា មនុស្សធម្មតាមាន​ប្រព័ន្ធសុំា​ដែល​ជួយ​ការពារ​ពួក​គេ​ពីធាតុបង្កផ្សេងៗបាន។ ប៉ុន្តែប្រសិនបើមេរោគ​ជ្រាប​ចូលរាង​កាយ​របស់​អ្នកកាន់​តែច្រើន​ប្រព័ន្ធ​​សុំារបស់​អ្នក​ក៏​មិនអាចទប់ទល់នឹងវាបានដែរ បន្ទាប់មកទៀតអ្នកនឹងធ្លាក់ខ្លួនឈឺជាក់ជាមិនខាន។ ដូច្នោះ អ្នកត្រូវផ្លាស់ប្តូរទម្លាប់នៃការរស់នៅប្រចាំថ្ងៃរបស់អ្នកដើម្បីឲ្យប្រព័ន្ធសុំាកាន់តែរឹងមាំរួមមាន៖

១. ឈប់ជក់បារី

២. ទទួលបានបន្លែនិងផ្លែឈើឲ្យបានច្រើនជាងមុន

៣. ធ្វើលំហាត់ប្រាណឲ្យបានទៀងទាត់

៤. រក្សាទម្ងន់ឲ្យនៅថេរ

៥. កាត់បន្ថយការសេពគ្រឿងស្រវឹង

៦. គេងឲ្យបានគ្រប់គ្រាន់យ៉ាងតិច ៧ ម៉ោង

៧. ថែរក្សាសុខភាពកុំឲ្យផ្តាសាយញឹកនិងឧស្សាហ៍លាងដៃ

៨. កាត់បន្ថយការតានតឹង។

រូបតំណាង

ចំណែកឯចំណីអាហារដែលអ្នកគួរទទួលទានដើម្បីឲ្យប្រព័ន្ធសុំាកាន់តែរឹងមាំនោះរួមមានអាហារដែលមានជាតិស័ង្កសី សេលេញ៉ូម ដែក ស្ពាន់ អាស៊ីតហ្វូលិក និងវីតាមីន A B6 C និង E ដូចជា៖ ប៊ឺរទឹកដោះគោ ស៊ុត ថ្លើម ក្តាម បង្គា ប៉េងប៉ោះ ខ្ទឹមបារំាង ខ្ទឹមស ផ្កាខាត់ណា ពពួកស្ពៃ គ្រាប់ធញ្ញជាតិ សណ្តែកដី ក្រូច និងប្រេងអូលីវ។

ការថែរក្សាអនាម័យនិងការបរិភោគបានត្រឹមត្រូវនឹងជួយប្រព័ន្ធសុំារបស់អ្នកឲ្យកាន់តែរឹងមំាជាងមុនក្នុងការប្រយុទ្ធប្រឆាំងជំងឺ COVID-19 ជាក់ជាពុំខាន៕

រូបភាព៖ Pinterest

ចុចអានបន្ត៖

វិធីរក្សាផ្លែឈើឲ្យនៅស្រស់ទុកបានយូរថ្ងៃ ដោយមិនបាច់ដាក់ក្នុងទូទឹកកក

ក្រៅពីមានរសជាតិឆ្ងាញ់ហើយ អាហារ ៤ មុខនេះនៅដុតខ្លាញ់ក្បាលពោះរាបធេងទៀត

ប្រភព៖ Sanook ប្រែ​សម្រួល៖ សុវណ្ណ ស្រីពីន

អត្ថបទពេញនិយម