ទម្លាយហេតុផលនៃការប្រែប្រួលរសជាតិអង្ករមិនដូចដើម

2020-03-26 09:00:00
ចំនួនមតិ 0 | ចំនួនចែករំលែក 0

តើអ្នកទាំងអស់គ្នាមានចាប់អារម្មណ៍ដែរទេថា អង្ករដែលយើងយកមកដាំបាយរាល់ថ្ងៃមានរសជាតិខុសគ្នាពីមួយថ្ងៃ ទៅមួយថ្ងៃ ហើយលែងសូវឆ្ងាញ់ដូចថ្ងៃដំបូង?

ចង់ បាន អង្ករ ផ្កា ម្លិះ ប្រណីត ដាំ ដុះដោយ ធម្មជាតិ គុណ ភាព ល្អ ឥត ខ្ចោះ ដឹក ដល់ ផ្ទះ របស់ លោក អ្នក ចុច ត្រង់ នេះ

តាមការសម្គាល់ អង្ករមានរសជាតិឆ្ងាញ់ និងមានក្លិនក្រអូប នៅពេលដែលគេកិនរួច បន្ទាប់ពីទើបតែប្រមូលផល ហើយបញ្ចេញលក់ភ្លាមៗ។ ចំណែកឯមតិមួយទៀត ពីអ្នកលក់អង្ករនៅរាជធានីភ្នំពេញ កញ្ញា ម៉ី ម៉ី នៅម្តុំចំណុចផ្សារឈូកមាស បានឲ្យដឹងថា ក្នុងអំឡុងខែ តុលា ដល់ ធ្នូ រោងម៉ាស៊ីនស្រូវជាច្រើន ចាប់ផ្ដើមបញ្ចេញអង្ករលក់នៅលើទីផ្សារ។

កញ្ញា ម៉ីម៉ី បន្ថែមថា បើតាមការសម្គាល់ អង្ករក្រោយទិញរួចក្នុងរយៈពេល៣ខែ នឹងប្រែប្រួលរសជាតិដោយខ្លួនឯង លែងសូវមានក្លិនឈ្ងុយ ហើយបើទុកដល់៦ខែ សាច់អង្ករនឹងប្រែពណ៌ពីសទៅជាលឿងបន្តិច ហើយបាយដាំឆ្អិនរួច សភាពទៅរាងរឹង ហើយលែងស្អិតដូចមុន ដែលគេនិយមយកអង្ករទុកយូរខែប្រភេទនេះ សម្រាប់ឆាបាយញ៉ាំ ទើបមិនសូវជាប់ខ្ទះ។ ម្ល៉ោះហើយ បើទិញអង្ករ ត្រូវរកប្រភពឲ្យច្បាស់លាស់ និងអាចទុកចិត្តបាន៕