ច្បាស់ណាស់ថាកម្ម៉ង់ទិញរ៉ូបព្រះនាង តែពេលមកដល់ដៃបែរជារ៉ូបអ្នកបំរើទៅវិញ
- 2020-03-24 06:50:00
- ចំនួនមតិ 0 | ចំនួនចែករំលែក 0
ច្បាស់ណាស់ថាកម្ម៉ង់ទិញរ៉ូបព្រះនាង តែពេលមកដល់ដៃបែរជារ៉ូបអ្នកបំរើទៅវិញ
អ្វីដែលឈឺចាប់ជាងពេលទិញរ៉ូបខុសទៀតនោះគឺ សម្ដីអ្នកលក់នៅតែខ្លាំង ទោះបីជាខ្លួនលក់ទំនិញឲ្យគេខុសហើយក៏ដោយ។
បើនិយាយពីការផុងខ្លួនដោយសារទិញទំនិញអនឡាញខុសនោះ ទោះបីជានិយាយដល់ស្អែកក៏មិនចប់ដែរ។ យ៉ាងណាក្ដី ទោះបីជាឃើញឧទាហរណ៍ជាក់ស្ដែងចំពោះមុខស្ដែងៗយ៉ាងណាក៏ដោយ ក៏មិត្តៗនារីមិនអាចកាត់ចិត្ត មិនទិញអនឡាញបានដែរ។
ជាក់ស្ដែង ថ្មីៗនេះ នារីម្នាក់មកពីទីក្រុងហូជីមិញ ប្រទេសវៀតណាម បានក្លាយជាជនរងគ្រោះថ្មី នៃចំណូលចិត្តទិញអនឡាញនេះ។ តាមនោះដែរ នារីរូបនេះ បានត្រេកអរជាខ្លាំង នៅពេលឃើញមានប្រម៉ូសិនលក់រ៉ូបស្អាតដូចព្រះនាង ដោយតម្លៃវិញត្រឹមតែ៥ដុល្លារប៉ុណ្ណោះ។
ខ្លាចបាត់បង់ឱកាស ទិញបានរបស់ល្អ ហើយថោក នាងក៏កម្ម៉ង់ទិញភ្លាម។ ខណៈក្នុងចិត្តគិតថា ខ្លួនជិតបានរ៉ូបព្រះនាងស្លៀកហើយនោះ ការពិតបានធ្វើឲ្យនាង ខកចិត្តជាខ្លាំង ដោយរ៉ូបមែនទែន ដូចជារបស់អ្នកបំរើរបស់ព្រះនាងច្រើនជាង។
ទ្រាំមិនបាន នាងបានសួរនាំអ្នកលក់ ហេតុអ្វីរូបភាពផ្សេង ដល់ពេលបានឥវ៉ាន់ផ្សេងនោះ នាងរឹតតែស្លឈាមលើសដើម នៅពេលអ្នកលក់ឆ្លើយថា តម្លៃលុយប៉ុណ្ណឹង គឺបានតែរ៉ូបប៉ុណ្ណឹងឯង។ មនុស្សជាច្រើនបានបញ្ចេញមតិរបស់ខ្លួនថា ទោះបីជាតម្លៃប៉ុណ្ណឹង មិនអាចទាមទារខ្ពស់បានក៏ដោយ តែអ្នកលក់ក៏មិនគួរ ដាក់រូបផ្សេង ហើយឥវ៉ាន់ផ្សេងនោះដែរ៕
អានបន្ត តួរងស្រីរឿង Itaewon Class ទាក់ទាញចំណាប់អារម្មណ៍ខ្លាំង ព្រោះមុខ និងរាងស្អាតឥតខ្ចោះ