ហេតុអ្វីមានស្នេហានៅវ័យម្ភៃក្រាស់ប្រសើរជាងមានស្នេហានៅវ័យម្ភៃស្ដើង
- 2020-03-16 04:25:00
- ចំនួនមតិ 0 | ចំនួនចែករំលែក 0
ហេតុអ្វីមានស្នេហានៅវ័យម្ភៃក្រាស់ប្រសើរជាងមានស្នេហានៅវ័យម្ភៃស្ដើង
គេតែងថា ខ្ញីកាន់តែចាស់ កាន់តែហិរ មនុស្សយើងក៏ដូចគ្នា នៅពេលមានវ័យច្រើនបន្តិច ចាំចាប់ផ្ដើមមានមនោសញ្ចេតនាក៏នឹងជួយឲ្យអ្នករក្សាបានស្នេហារបស់ខ្លួនល្អជាងពេលនៅក្មេងដូចគ្នា។ ខាងក្រោមនេះគឺជាហេតុផលជាច្រើនដែលបង្ហាញថា មានស្នេហានៅវ័យម្ភៃក្រាស់ ប្រសើរជាងនៅពេលទើបពេញវ័យច្រើនណាស់។
**១. អ្នកជឿជាក់លើខ្លួនឯងខ្លាំង**
នៅពេលវ័យច្រើនបន្តិច ហិរញ្ញវត្ថុ ក៏ដូចជាការងារររបស់អ្នកសុទ្ធតែរឹងមាំអស់ហើយ។ គ្រប់រឿងរ៉ាវទាំងអស់ គឺអ្នកសុទ្ធតែធ្វើការសម្រេចចិត្តបានដោយខ្លួនឯង។ អាស្រ័យហេតុនេះហើយ អ្នកជឿជាក់លើខ្លួនឯង ហើយមិនពឹងផ្អែកលើអ្នកណាទាំងអស់។
២. អ្នកដឹងថាបេះដូងខ្លួន ត្រូវការអ្វី
ពីមួយឆ្នាំទៅមួយឆ្នាំ យើងកាន់តែដឹងច្បាស់ថា ខ្លួនយើងផ្ទាល់ចង់បានអ្វីឲ្យប្រាកដ។ មិនថាមិត្តភ័ក្ដិដែលសេពគប់ ឬមនោសញ្ចេតនានោះឡើយ។ ហើយនៅវ័យក្បែរសាមសិប យើងក៏រឹងមាំគ្រប់គ្រាន់អំពីជំហរខ្លួនឯងថា ចង់បានស្នេហាបែបយ៉ាងម៉េចឲ្យពិតប្រាកដដូចគ្នា។
៣. មនោសញ្ចេតនារបស់អ្នកជ្រាលជ្រៅជាងមុន
នៅពេលទើបពេញវ័យ យើងប្រញាប់ស្រវាយកស្នេហាដោយមិនគិតគូច្រើន ដែលជាហេតុធ្វើឲ្យងាយបែក ប្រៀបដូចពពុះសាប៊ូ។ ប៉ុន្តែនៅពេលអាយុម្ភៃក្រាស់ហើយ យើងដឹងច្បាស់ខ្លួនឯងថា បើខុសមួយគ្រាគឺខុសធ្ងន់ណាស់ ដូចនេះអ្នករមែងរកស្នេហាដែលជ្រាលជ្រៅ មិនមែនតែមួយឆាវៗ ដូចពេលទើបពេញវ័យទៀតហើយ៕
អានបន្ត៖ រឿងតូចតាច ដើម្បីចងភ្ជាប់បេះដូងបុរសឲ្យស្រលាញ់យើងកាន់តែខ្លាំង មិនអាចចាកចេញបាន