ខ្វល់តែរឿងពាក់ម៉ាសនិងលាងដៃ បើមិនពង្រឹងប្រព័ន្ធភាពស៊ាំរឹងមាំនោះវីរុសងាយវាយលុកបំផុត

2020-03-13 03:40:00
ចំនួនមតិ 0 | ចំនួនចែករំលែក 0

ដើម្បីការពារពីជំងឺផ្សេងៗដែលបណ្ដាលពីវីរុស វិធីមួយអ្នកត្រូវពង្រឹងលក្ខខណ្ឌសុខភាពឲ្យបានមាំទាំ។ ដូច្នេះហើយ ការពង្រឹងប្រព័ន្ធសុខភាពបានល្អ ដាច់ខាតស្របតាមភាពត្រឹមត្រូវនិងវិទ្យាសាស្ត្រផងដែរ។

រូបតំណាង

លោកវេជ្ជបណ្ឌិត Nguyen Thi Thanh Nhan នៃសាកលវិទ្យាល័យឱសថសាស្ត្រក្នុងប្រទេសវៀតណាម ណែនាំថា ការបង្កើនភាពធន់ដល់ប្រព័ន្ធភាពស៊ាំជួយបានច្រើន មិនឲ្យរាងកាយងាយឈឺ ឬវាយលុកបានពីវីរុសផ្សេងៗ។ ដូច្នេះហើយ ការហូបអាហារមានជីវជាតិពិតជាសំខាន់ណាស់។

រូបតំណាង

របៀបការពារប្រព័ន្ធភាពស៊ាំឲ្យបានរឹងមាំ៖

១. ឈប់ជក់បារី

២. ញ៉ាំបន្លែនិងផ្លែឈើឲ្យបានច្រើន

៣. ធ្វើលំហាត់ប្រាណឲ្យបានទៀងទាត់

៤. រក្សាទម្ងន់៥. កុំផឹកស្រា មិនត្រូវផឹកស្រាច្រើនឬញឹកញាប់ឡើយ

៦. គេងឲ្យបានគ្រប់គ្រាន់រាល់យប់

៧. ចៀសវាងភាពតឹងតែងផ្នែកអារម្មណ៍

៨. មានទម្លាប់លាងដៃក្រោយចេញពីបង្គន់

រូបតំណាង

ម្ល៉ោះហើយ អាហារចាំបាច់ដែលផ្ទុកវីតាមីន C វីតាមីន A វីតាមីន Car រួមទាំងសង្ក័សី ប៉ូលីហ្វេណុល មានមុខងារប្រឆាំងបាក់តេរីនិងទ្រទ្រង់ប្រព័ន្ធភាពស៊ាំមិនឲ្យជំងឺវាយលុកបានស្រួលៗ។ ក្នុងនោះរួមមាន ផ្លែឆឺរី ក្រូច ទំពាំងបាយជូ ម្ទេសហាវៃ ផ្លែត្របែក ព្រមទាំងបន្លែបៃតង ដែលសម្បូរដោយវីតាមីន C និង E ជួយបង្កើនប្រព័ន្ធភាពស៊ាំដល់រាងកាយយ៉ាងខ្លាំងក្លា។

បន្ថែមពីនេះ ដូចជាទឹកដោះគោស្រស់ ស៊ុត គ្រឿងសមុទ្រ ក៏សម្បូរដោយវីតាមីន D ជួយការពារនិងកំណត់ការឆ្លងមេរោគផ្លូវដង្ហើមផងដែរ។ លើសពីនេះ គ្រាប់ធញ្ញជាតិរួមមាន គ្រាប់ល្ពៅ គ្រាប់ផ្កាឈូករ័ត្ន គ្រាប់ស្វាយចន្ទី គ្រាប់វាល់ណាត់ជាដើម សុទ្ធសឹងសម្បូរជាតិសង្ក័សីនិងប៉ូលីហ្វេណុល ។ ដែលទាំងនេះ ក៏មាននាទីសំខាន់ឲ្យប្រព័ន្ធរំលាយអាហារដំណើរការល្អផងដែរ។

រូបតំណាង

ចំពោះអាហារមានគុណសម្បត្តិពិសេសដូចជា តែ ខ្ទឹមស ខ្ទឹមបារាំង ខ្ញី ចេក ដំឡូងផ្អែម ក្នុងសមាសភាពរបស់វាមានធាតុប្រឆាំងនឹងការរលាករួមទាំងជួយប្រព័ន្ធភាពស៊ាំ។ ដែលវាដើរតួនាទីកម្ចាត់បាក់តេរីក្នុងពោះវៀន ជួយប្រយុទ្ធប្រឆាំងការបង្ករោគរបស់វីរុសទៀតផង។

ក្រៅពីផ្ដល់ជីវជាតិលើរបបអាហារប្រចាំថ្ងៃ ត្រូវផឹកទឹកឲ្យបានគ្រប់គ្រាន់យ៉ាងហោច ១ .៥ លីត្រក្នុងមួយថ្ងៃ បូករួមនឹងការធ្វើលំហាត់ប្រាណថែមទៀត។ ដោយសារទឹកមានតួនាទីសំខាន់ក្នុងរាងកាយ ដូច្នេះបើរាងកាយខ្សោះជាតិទឹក នោះនឹងធ្វើឲ្យជំងឺផ្សេងៗមានឥទ្ធិពលចូលលុកលុយរាងកាយយ៉ាងងាយស្រួល។

រូបតំណាង

លោកវេជ្ជបណ្ឌិតបានបន្ថែមថា សម្រាប់អ្នកខ្វះអាហាររូបត្ថម្ភ ប្រព័ន្ធភាពស៊ាំចុះខ្សោយស្រាប់ ឬអ្នកកំពុងមានជំងឺ ពួកគេអាចលេបថ្នាំបំប៉ន ឬគ្រាន់តែយកវីតាមីនរ៉ែពីថ្នាំដើម្បីបំពេញបន្ថែមសារជាតិចិញ្ចឹមដែលបាត់បង់។ ប៉ុន្តែមុនទទួលទានថ្នាំណាមួយត្រូវពិគ្រោះជាមួយគ្រូពេទ្យជាមុនសិន។

ដូច្នេះនៅពេលរាងកាយពេញដោយជីវជាតិហើយ ពួកយើងក៏មានប្រព័ន្ធភាពស៊ាំល្អនិងអាចប្រយុទ្ធប្រឆាំងនឹងវីរុសកាចសាហាវបាន៕