កំពុងរៀបការជាមួយប្រពន្ធទី៣ ប្រពន្ធដើមទម្លាយរឿងពិត ត្រូវគេវាយប៊ិះស្លាប់

2020-02-17 02:55:00
ចំនួនមតិ 0 | ចំនួនចែករំលែក 0

ពិធីមង្គលការមួយនៅខេត្ត Karachi ប្រទេសប៉ាគីស្ថាន បានក្លាយជាពិធីអពមង្គលវិញ នៅពេលប្រពន្ធដើមរបស់កូនកម្លោះមកបកអាក្រាតថាលោកមានប្រពន្ធរួចហើយ។

យោងតាមបណ្ដាញព័ត៌មាន BBC លោក Asif Rafiq Siddiqi មកពីប្រទេសប៉ាគីស្ថានត្រូវបានសមាជិកគ្រួសារកូនក្រមុំវាយឡើងទក់សាច់។ អ្នកមានវត្តមាននៅហេតុការណ៍បានឲ្យដឹងថា កូនកម្លោះត្រូវបានគេវាយឡើងរហែកខោអាវ ហើយត្រូវរត់ទៅពួនក្រោមឡានក្រុង មុនពេលត្រូវបានជនចម្លែកមុខរំដោះចេញ។

ហេតុការណ៍នេះត្រូវបានគេលម្អិតថា កូនកម្លោះរូបនេះ កំពុងរាំលេងសប្បាយនៅភោជនីយដ្ឋានមួយនៅទីក្រុង Karachi ប្រទេសប៉ាគីស្ថាន ស្រាប់តែប្រពន្ធដើមរបស់លោក នាង Madiha Siddiqi ស្រាប់តែបង្ហាញមុខមកកាត់ចង្វាក់មង្គលការខាងលើ។

នារីជាប្រពន្ធដើមបានស្រែកខ្លាំងៗថា៖ គេជាប្ដីរបស់ខ្ញុំ និងជាឪពុករបស់កូននេះ។ គេកុហកខ្ញុំថាទៅធ្វើការនៅ Hyderabad ៣ ថ្ងៃ។ ក្រោយមកគ្រួសារខាងប្រពន្ធដែលកំពុងការនេះ បានអូសប្រពន្ធដើមចូលបន្ទប់ដើម្បីសាកសួរ។ ក្រោយពេលប្រពន្ធដើមទម្លាយថា កូនកម្លោះមិនត្រឹមមានប្រពន្ធតែ១ តែមានដល់ទៅ២ហើយនោះ ខាងស្រីក៏ទ្រាំលែងបាន។ ប្រពន្ធដើមបានបន្ថែមថា គឺប្រពន្ធទី២នេះហើយ ដែលប្រាប់ឲ្យនាងដឹងថា ប្ដីរបស់ខ្លួនកំពុងរៀបការប្រពន្ធទី៣។

តាមច្បាប់របស់ប៉ាគីស្ថាន មនុស្សប្រុសអាចយកប្រពន្ធ៤នាក់ ប៉ុន្តែត្រូវតែមានការអនុញ្ញាតពីប្រពន្ធដើម។ ក្រោយពេលដឹងថាការពិត គ្រួសារប្រពន្ធទី៣ បានព្រួតគ្នាវាយកូនកម្លោះ មុនពេលប៉ូលិសចុះមកអន្តរាគមន៍ ប៉ុន្តក្រោយពេលត្រូវបានដោះលែងរួច គ្រួសារកូនក្រមុំ បានលាក់ខ្លួននៅខាងក្រៅប៉ុស្តិ៍ប៉ូលិសស្រាប់ ហើយបានចាប់កូនកម្លោះវាយម្ដងទៀត ដល់ថ្នាក់កូនកម្លោះត្រូវរត់ពួនក្រោមឡានក្រុង។

ក្ដៅខ្លាំងពេក គ្រួសារដដែលបានគំរាមដុតឡានក្រុងបើបុរសខាងលើនៅតែពួន។ រហូតដល់អ្នកភូមិចេញមុខមកជួយទើបរឿងនេះស្ងាត់វិញ។ ប៉ូលិសបានណែនាំឲ្យគ្រួសារខាងស្រីដាក់ពាក្យបណ្ដឹង៕

អានបន្ត៖ រៀបការរដូវវីរុសកូរ៉ូណារាលដាល ថ្វាយបង្គំបាន២នាទី មិនអាចថើបគ្នា គ្មានភ្ញៀវសូម្បីតែម្នាក់

ប្រភព៖ news.zing.vn ប្រែសម្រួល៖ Caramel