ការសិក្សាបង្ហាញថា អ្នកស្លៀកពាក់ពណ៌ខ្មៅមើលមកកាន់តែមានទំនុកចិត្ត ឆ្លាត និងទាក់ទាញ

2020-02-17 02:45:00
ចំនួនមតិ 0 | ចំនួនចែករំលែក 0

ការស្លៀកសម្លៀកបំពាក់ពណ៌ខ្មៅមិនត្រឹមតែធ្វើឲ្យអ្នកមើលទៅស្គមជាងធម្មតាប៉ុណ្ណោះទេ តែវានៅមានគុណសម្បត្តិជាច្រើនទៀតដែលអ្នកមិនធ្លាប់ដឹង។ យោងតាមការសិក្សាមួយដែលបានសាកសួរទៅមនុស្សចំនួន ១០០០ នាក់ អំពីការជ្រើសរើសពណ៌សម្លៀកបំពាក់ផ្សេងៗ ក្នុងនោះពួកគេបានប្រាប់ថា ពណ៌ខ្មៅគឺធ្វើឲ្យពួកគេមានទំនុកចិត្ត ទាក់ទាញ និងភាពឆ្លាតវៃ។ សម្លៀកបំពាក់ពណ៌ខ្មៅមានលក្ខណៈពិសេសនោះរួមមាន៖

ពណ៌ខ្មៅទាក់ទងជាមួយនឹងភាពវៃឆ្លាត

រូបតំណាង

«ការយល់ឃើញទៅលើពណ៌សម្លៀកបំពាក់» ជាការសិក្សាដែលបានសាកសួរទៅកាន់អ្នកចូលរួមដើម្បីចែករំលែកពីពណ៌សម្លៀកបំពាក់ទាក់ទងទៅនឹងចរិតលក្ខណៈនិងការគិតរបស់ពួកគេ។ ជាលទ្ធផលបានឲ្យឃើញថា ពណ៌ខ្មៅជាពណ៌ឈានមុខគេ ក្រៅពីពណ៌ផ្សេងទៀត ហើយវាហាក់បីដូចជាផ្តល់នូវទំនុកចិត្ត ការគួរឲ្យជឿទុកចិត្ត និងភាពវៃឆ្លាត។ យោងតាមការស្រាវជ្រាវមួយបានឲ្យដឹងថា ពណ៌ផ្កាឈូកវិញគឺច្រើនមានទំនាក់ទំនងទៅនឹងន័យអវិជ្ជមាន។ មានតែអ្នកចូលរួម ៥% ប៉ុណ្ណោះបានជ្រើសរើសថា អ្នកវ័យឆ្លាតច្រើនតែពាក់សម្លៀកបំពាក់ពណ៌ផ្កាឈូក។ ទន្ទឹមនឹងប្រើពណ៌ខ្មៅ អ្នកបោះឆ្នោតអស់ទាំងនោះបានជ្រើសរើសយកពណ៌ខៀវ ស និងបៃតង ជាសញ្ញានៃភាពវៃឆ្លាត។

ពណ៌ខ្មៅជាពណ៌ល្អឥតខ្ចោះសម្រាប់ការបង្កើតចំណាប់អារម្មណ៍លើកដំបូង

រូបតំណាង

វាត្រូវបានគេរកឃើញថា ជាពណ៌ដ៏ល្អឥតខ្ចោះនៅពេលអ្នកចង់ឲ្យនរណាម្នាក់ចាប់អារម្មណ៍ដោយមិនមើលមកមិនសមរម្យនោះទេ។ បន្ថែមពីនេះ ៦៦% នៃស្ត្រីគិតថាវាជាពណ៌ដែលគួរឲ្យទាក់ទាញទៅកាន់បុរស រីឯ ៤៨% នៃបុរសចូលចិត្តស្ត្រីស្លៀកពណ៌ខ្មៅខ្លំាង។

ពណ៌ខ្មៅជួយជម្រុញទឹកចិត្តអ្នក

រូបតំណាង

ពណ៌ខ្មៅត្រូវបានគេជឿជាក់ថា ជម្រុញទឹកចិត្តអ្នកខ្ពស់បំផុត។

ពណ៌ខ្មៅ ជាពណ៌ដែលបង្ហាញភាពស៊ិចស៊ីខ្លាំង

រូបតំណាង

ពណ៌ខ្មៅត្រូវបានគេចាត់ទុកថាជាពណ៌ស៊ិចស៊ីខ្លាំង ទោះបីពីដើមឡើយ មនុស្សមួយចំនួនគិតថាជាពណ៌បង្ហាញពីភាពក្រអឺតក្រទមក៏ដោយ។ ជឿជាក់ថា សុភាពនារីភាគច្រើនមានសម្លៀកបំពាក់ពណ៌ខ្មៅក្នុងទូសម្លៀកបំពាក់ប្រាកដណាស់៕

រូបភាព៖ Pinterest

ចុចអានបន្ត៖

ចំណុចខុសគ្នារវាងមនុស្សកំពូលរវល់ និងមនុស្សសាច់ការ

ប្រភព៖ Brightside ប្រែសម្រួល៖ សុវណ្ណ ស្រីពីន