ត្រលប់ជាខ្លួនឯងយ៉ាងសប្បាយរីករាយតាមវិធី៣យ៉ាង ក្រោយបែកបាក់ស្នេហា
- 2020-02-13 08:40:00
- ចំនួនមតិ 0 | ចំនួនចែករំលែក 0
ត្រលប់ជាខ្លួនឯងយ៉ាងសប្បាយរីករាយតាមវិធី៣យ៉ាង ក្រោយបែកបាក់ស្នេហា
ជាការពិត ការសងសឹកមិនមែនជារឿងល្អទេ ហើយកាលដែលចូលទៅបំផ្លាញជីវិតនរណាម្នាក់ក៏មិនមែនជារឿងត្រឹមត្រូវដែរ។ ដូច្នេះមានតែបង្កើតឲ្យជីវិតរីករាយ ស្រស់ស្អាត ដើម្បីកុំឲ្យសោកស្ដាយ។ ដូច្នេះ នៅពេលជួបស្នេហាបែកបាក់ អ្នកក៏ត្រូវវិលមកជួសជុលខ្លួនឯង កុំឲ្យក្រៀមស្វិត ដោយគួរអនុវត្តវិធីនេះ។
**១. រស់នៅជាមួយការពិត មិនមែនអតីតកាល**
មនុស្សស្រីជាច្រើន មិនទាន់អាចបំភ្លេចអតីតសង្សាររបស់ខ្លួនបានទេ។ មិនមែនមកពីស្រលាញ់គេខ្លាំងពេកទេ តែមកពីយើងមិនព្រមរំដោះខ្លួនចេញពីអតីតកាល។ ទទួលស្គាល់ការពិត គឺមិនទាន់ហួសពេលឡើយ។ មិនមានអ្នកណានៅខាងណានោះទេ គ្រាន់តែនិយាយប្រាប់ខ្លួនឯងការពិតទោះវាឈឺចាប់បន្តិចក៏ដោយ។ ប៉ុន្តែវាមិនមែនជារឿងដែលត្រូវចៀសវាង ទោះជាយ៉ាងណា ត្រូវទទួលស្គាល់ថាវាបញ្ចប់ហើយនៅថ្ងៃនេះ ដែលយើងត្រូវដើរឆ្ពោះទៅមុខ។ ញញឹមដើម្បីអ្វីដែលអ្នកអាចធ្វើបាន ទោះបីត្រូវធ្វើវាតែម្នាក់ឯងក៏ដោយ។ អតីតកាលវាមិនអាចវិលត្រលប់មកវិញទេ ដូច្នេះត្រូវសម្លឹងមើលបច្ចុប្បន្នដែលនៅសេសសល់ ថាពួកយើងត្រូវធ្វើអ្វីបន្តទៀត។
២. យកបេះដូងរបស់អ្នកត្រលប់មកវិញ ដើម្បីស្រលាញ់ខ្លួនឯង
ឈប់ស្រក់ទឹកភ្នែក ហើយងើបទៅងូតទឹក លុបមុខ បន្ទាប់មកស្លៀកពាក់។ យកក្រែមម្សៅ មកផាត់មុខឲ្យស្អាត។ បើគីឡូឡើងពេក ត្រូវសម្រកយករាងស្លីម ធ្វើយ៉ាងណាឲ្យស្អាតមួយតួខ្លួន។ អ្វីដែលអ្នកចង់ធ្វើជាយូរមកហើយ ត្រូវធ្វើនៅពេលនេះ។
៣. ផុសរូបដែលបង្ហាញពីភាពសប្បាយរីករាយ កុំផុសអីដ្រាម៉ា
ផុសរូបស្អាតៗ រូបដែលមានស្នាមញញឹម ហើយកុំសរសេរអីដែលទុក្ខសោក តែត្រូវសរសេរអីដែលសប្បាយៗវិញ។ យ៉ាងណាក៏ដោយ កុំផុសរូបដែលសិចស៊ី ឬរូបដែលធ្វើឲ្យអ្នកដទៃវាយតម្លៃអ្នកក្នុងក្រសែភ្នែកមិនល្អ។ ត្រូវធ្វើឲ្យខ្លួនអ្នក ជាមនុស្សស្រស់ស្អាតពីខាងក្នុង មិនមែនតែរូបរាងខាងក្រៅ៕
អានបន្ត៖ រក្សាគោលជំហរឲ្យរឹងមាំ កុំបណ្តោយជីវិតខ្មៅងងឹតដូចស្លាប់ដោយសារស្នេហា