រក្សាគោលជំហរឲ្យរឹងមាំ កុំបណ្តោយជីវិតខ្មៅងងឹតដូចស្លាប់ដោយសារស្នេហា
- 2020-02-11 08:50:00
- ចំនួនមតិ 0 | ចំនួនចែករំលែក 0
រក្សាគោលជំហរឲ្យរឹងមាំ កុំបណ្តោយជីវិតខ្មៅងងឹតដូចស្លាប់ដោយសារស្នេហា
ចូលដល់ខែកុម្ភៈ ខែនៃក្ដីស្រលាញ់ គឺមានរឿងជាច្រើនចង់ចែករំលែកពាក់ព័ន្ធនឹងទំនាក់ទំនង។ ស្នេហាមានរូបភាពខុសគ្នាជាច្រើន ហើយគ្រប់ស្នេហាទាំងអស់ក៏សុទ្ធតែមិនបញ្ចប់ដោយសប្បាយរីករាយដែរ។ នៅពេលអ្នកដឹងថាស្នេហាធ្វើឲ្យឈឺចាប់ តើគិតថាចង់រក្សាគោលជំហរខ្លួនឯងបន្តិចទេ? ឬក៏អ្នកធ្លាប់គិតចង់បំផ្លាញខ្លួនឯង ដើម្បីបានការអាណិត?
ព្រោះយើងមានបេះដូង កាលដែលចេះស្រលាញ់នរណាម្នាក់វាមានទៅខុសអី ។ ហើយយើងខ្លួនឯងក៏យល់ថា វាជារូបភាពដ៏ស្រស់ស្អាតមួយ។ បើទោះពេលខ្លះ ជួបរឿងខកចិត្ត ពេលខ្លះស្ដាយក្រោយក៏ដោយ ប៉ុន្តែតើស្នេហាណាមួយទៅ ដែលមិនធ្លាប់ឆ្លងកាត់រសជាតិនេះ? បើយើងចាប់ផ្ដើមអស់កម្លាំងហើយ ចង់សម្រាកហើយ និងដឹងថាវាទៅលែងរួចទៀតហើយ យើងមានតែបណ្ដោយតាមយថាកម្មទៅចុះ។
ប៉ុន្តែមានរឿងមួយយើងមិនត្រូវបំភ្លេចខ្លួនឯងចោលនោះទេ។ បើសិនយើងបានប្រឹងប្រែងអស់ហើយ តែគេនៅតែមើលមិនឃើញ ស្នេហានេះនៅតែមិនទៅមុខ ចង់ផ្សះផ្សាតែនៅគ្មានលទ្ធផល អ៊ីចឹងជំហានដំបូងមានតែឈប់តោងទាមគេទៀត ។ អ្វីដែលយើងត្រូវធ្វើ គឺមានតែនៅឲ្យឆ្ងាយពីគេ។ កុំយំដើម្បីអង្វរគេ ព្រោះនេះជាវិធីរបស់មនុស្សអស់សង្ឃឹមប៉ុណ្ណោះ ដើម្បីឃាត់គេឲ្យនៅ។ យើងខ្លួនឯងមានតែត្រូវឈានមួយជំហានទៀតដើរទៅមុខ និងស្រលាញ់ខ្លួនឯងប៉ុណ្ណោះ។
ចុងបញ្ចប់ យើងចង់ឲ្យអ្នកដែលបានអានអត្ថបទនេះរើសយកពណ៌ស្រស់ឆើតមួយសម្រាប់ខ្លួនឯង ជាជាងយកពណ៌ខ្មៅងងឹតស្លុប។ បុរសម្នាក់នោះនឹងមិនអាចឲ្យអ្នកស្លាប់បានទេ ។ ថ្វីបើដំបូងអ្នកមិនសូវរឹងមាំ គេងយំរាល់យប់ ស្នេហាចប់ទៅដោយសោះកក្រោះ វាក៏គ្មានបញ្ហាអីដែរ។ ត្រលប់មកស្រលាញ់ខ្លួនឯងឲ្យបានគ្រប់គ្រាន់ នោះថ្ងៃណាមួយនឹងមានបុរសល្អម្នាក់មើលឃើញតម្លៃ និងផ្ដល់ក្ដីស្រលាញ់ដល់អ្នកវិញយ៉ាងជឿជាក់៕
អានបន្ត៖ គាត់គិតផ្សេង អ្នកគិតផ្សឹង វិធីនេះជួយឲ្យសម្ព័ន្ធស្នេហាមានទំនាក់ទំនងល្អឡើងវិញ