ថ្លើមនិងតម្រងនោមងាយខូចបំផុត បើអ្នកទម្លាប់ផឹកទឹករបៀបនេះ

2020-02-13 04:20:00
ចំនួនមតិ 0 | ចំនួនចែករំលែក 0

អ្នកអាចនឹងភ្ញាក់ផ្អើលនៅពេលដឹងថា គ្រាន់តែផឹកទឹកមិនត្រឹមត្រូវ តែអាចប៉ះពាល់ដល់សុខភាពធ្ងន់ធ្ងរដល់ថ្នាក់នេះ។

រូបតំណាង

**១. មិនផឹកទឹកច្រើនគ្រប់គ្រាន់**

កំហុសមួយរបស់មនុស្សជាច្រើន គឺមិនសូវរវីរវល់រឿងផឹកទឹកឲ្យបានច្រើននោះទេ គឺផឹកតែពេលណាដែលស្រេកប៉ុណ្ណោះ។ គុណវិបត្តិនេះ មើលទៅហាក់ដូចជាស្រាល ប៉ុន្តែវានឹងបង្កឲ្យរាងកាយមិនអាចរំលាយកាកសំណល់បាន ដែលយូរទៅវានឹងបំផ្លាញសរីរាង្គមួយចំនួនដូចជា ថ្លើម និងតម្រងនោមជាដើម។ លើសពីនេះ ពេលផឹកទឹកតិចពេកវាប៉ះពាល់ដល់កំហាប់ទឹកនោម បណ្ដាលឲ្យងាយរងគ្រោះដល់ក្លាយជាជំងឺគ្រួសក្នុងតម្រងនោម រួមទាំងរលាកតម្រងនោមផងដែរ។

រូបតំណាង

២. ផឹកទឹកច្រើនជ្រុល

សូម្បីតែផឹកទឹកច្រើនជ្រុលពេក ក៏មិនល្អសម្រាប់សុខភាពដែរ ព្រោះរាងកាយនឹងមិនអាចទ្រទ្រង់បាន។ ពេលរាងកាយទទួលបរិមាណទឹកលើស វាបណ្ដាលឲ្យមានភាពមិនប្រក្រតីនៃអេឡិចត្រូលីតក្នុងឈាម។ សមាសធាតុអេឡិចត្រូលីតក្នុងឈាមមានកម្រិតទាប ជះឥទ្ធិពលអាក្រក់ដល់កោសិកា ពិសេសកោសិកាខួរក្បាល ធ្វើឲ្យអ្នកឆាប់អស់កម្លាំង វិលមុខថែមទៀត។ ដូច្នេះ ក្នុងមួយថ្ងៃគួរផឹក ១.៥ - ២ លីត្រក្នុង១ថ្ងៃ ជាការល្អបំផុត។

រូបតំណាង

៣. ផឹកទឹកដាំពុះម្ដងហើយម្ដងទៀត

មនុស្សមួយចំនួនទម្លាប់ផឹកទឹកក្ដៅ ដូច្នេះក៏យកទឹកទៅដាំឲ្យពុះ ដល់ពេលត្រជាក់ក៏យកទៅដាំម្ដងទៀតច្រើនលើកច្រើនសា។ ទម្លាប់នេះហាក់ដូចជាល្អសម្រាប់សុខភាព ព្រោះសីតុណ្ហភាពរបស់កម្ដៅបានសម្លាប់បាក់តេរី។ ប៉ុន្តែអ្នកយល់ខុសហើយ ព្រោះវានឹងចូលរួមផលិតកាដ្យូមមីញ៉ូមនីត្រាតក្នុងទឹកដែលមិនល្អសម្រាប់សុខភាពឡើយ។ បើសិនអ្នកបន្តផឹកទឹកបែបនេះរយៈពេលយូរ នឹងធ្វើឲ្យបេះដូងលោតលឿនជាងធម្មតា ប្រព័ន្ធផ្លូវដង្ហើមធ្វើការកាន់តែធ្ងន់ បណ្ដាលឲ្យក្រលៀននិងថ្លើមខ្សោយ៕

អានបន្ត៖ វិធីសាស្រ្តបំបាត់ការក្អក បានរហ័ស

ប្រភព៖ Phunutoday ប្រែសម្រួល៖ លឹម សុនា