ទម្លាប់ប្រចាំថ្ងៃទាំង ៩ របស់នារីៗដែលអាចបណ្តាលឲ្យសុខភាពចុះខ្សោយដោយមិនដឹងខ្លួន

  • 2020-02-13 04:25:00
  • ចំនួនមតិ 1 | ចំនួនចែករំលែក 116

ការ​ទទួល​ទាន​ជាតិ​ស្រវឹង ការ​មិន​គោ​រព​ចាស់​ទុំ និង​ការ​ប្រើ​ប្រាស់​ពាក្យពេចន៍​មិន​ល្អ​សុទ្ធ​តែ​ជា​ទម្លាប់​អាក្រក់​ដែល​អ្នក​តែង​តែ​ចៀស​វាង​ឲ្យ​បាន។ ចុះ​អ្នក​មាន​ដែល​ចាប់​អារ​ម្ម​ណ៍​ពី​ទម្លាប់​ប្រ​ចាំ​ថ្ងៃ​របស់​អ្នក​ឬ​ទេ? អ្នក​គួរតែ​ប្រុង​ប្រ​យ័ត្ន​យ​បាន​ច្រើន​ចំ​ពោះ​ទម្លាប់​រស់​នៅ​ប្រចាំ​ថ្ងៃ​របស់​អ្នក​ដែល​អាច​ជះឥទ្ធិពល​ដល់​សុខ​ភាព​រាង​កាយ​របស់​អ្នក​បាន​យ៉ាង​ងាយ។ ចង់​ដឹង​ថា​ទម្លាប់​ទាំង​អស់​នោះ​មាន​អ្វី​ខ្លះ សូម​អាន​នូវ​ខាង​ក្រោម​ដូច​ជា៖

១. ការ​ពាក់​ក្រចក​វែង​ពេក

រូបតំណាង

អ្នក​វិទ្យា​សាស្ត្រ​បាន​រក​ឃើញ​ថា ភ្នាក់​ងារ​បង្ក​រោគ​ជា​ច្រើន​តែង​តែ​រស់​កក​កុញ​នៅ​ក្រោម​ក្រចក​ដែល​អ្នក​ពាក់។ នៅ​ក្នុង​ក្រចក​វែងៗ​ដែល​អ្នក​ពាក់​មាន​បាក់​តេរី​រស់​នៅ​ច្រើន​ជាង​ក្រចក​ធម្មតា​របស់​អ្នក។ ដូច្នេះ​អ្នក​គប្បី​ឧស្សាហ៍​សម្អាត​ក្រចក​ដៃ​របស់​អ្នក​អំឡុង​ពេល​ដែល​អ្នក​ពាក់​ក្រចក​វែងៗ។

២. លាប​សក់​ពណ៌​ខ្មៅ

រូបតំណាង

ថ្នាំ​លាប​សក់​ជាច្រើន​សុទ្ឌ​តែ​មាន​ផ្ទុក​សារធាតុ​ប៉ា​រ៉ា​ហ្វេន​អ៊ីមេ​ឌីន​ដែល​ផ្តល់​ពណ៌​ខ្មៅ​ និង ពណ៌ត្នោត​ខ្មៅ។ វា​អាច​ប​ណ្តា​ល​ឱ្យ​មាន​ប្រតិ​កម្ម​​ធ្ងន់​ធ្ងររហូត​សន្លប់​ហើយ​បញ្ហា​មិ​ន​បាន​លេច​ឡើង​ភ្លាមៗ​ទេ​ បន្ទាប់​ពី​ការ​លាប​លើក​​ដំ​បូង។ សារ​ធាតុ​ពណ៌​ខ្មៅ​ក៏​មាន​ធាតុ​ពុល​ផ្សេង​ទៀត​ដែរ ឧទាហរណ៍​ជ័រ​ធ្យូង​ថ្ម​បង្ក​ឱ្យ​មាន​ការ​វិវត្ត​នៃ​ជំងឺ​ម​ហា​រី​ក​ខណៈ​ពេល​ដែល​ស្ថិត​នៅ​ក្នុង​ខ្លួន​ហើយ​រក្សា​ទុក​នៅ​ក្នុង​ឆ្អឹង។

៣. ការ​ពាក់​ស្បែក​ជើង​ជំ​ពៀម

រូបតំណាង

នៅ​ពេល​អ្នក​ពាក់​ស្បែក​ជើង​ជំ​ពៀម ប្រអប់​ជើង​របស់​អ្នក​មិន​បាន​ទ្រំា​ទ្រ​បាន​ស្រួល​បួល​នោះ​ទេ​ហើយ​វា​អាច​បណ្តា​ល​ឲ្យ​មាន​ការ​ខូច​ខាត​សរសៃ​ពួរ ការ​ឈឺចាប់ សន្លាក់​កែងជើង ជង្គង់ និង​ភ្លៅ​ជា​ដើម។ លើស​ពី​នេះ​ទៀត ស្បែក​ជើង​ប្រភេទ​នេះ​មួយ​ចំនួន​មាន​ផ្ទុក​សារធាតុ​គីមី​ដូចជា bisphenol A ដែល​អាច​បង្ក​ជា​ជំងឺ​មហារីក​បាន​ទៀត​ផង។ ហេតុ​ដូច​នេះ​អ្នក​គួ​រ​តែ​ពិនិត្យ​មើល​ឲ្យ​ច្បាស់​អំពី​ផលិត​ផល​ដែល​ប្រើប្រាស់​ដើម្បី​សុខភាព​និង​ភាព​ងាយ​ស្រួល​សម្រាប់​ខ្លួន​ឯង​ផង​ដែរ។

៤. ការ​ទុក​ដាក់​គ្រឿង​សម្អាង​ក្នុង​បន្ទប់​ទឹក

រូបតំណាង

ការ​ប្រែ​ប្រួល​នៃ​សំ​ណើ​ម​និង​សី​តុ​ណ្ហ​ភាព​អាច​ធ្វើ​ឲ្យ​ផលិត​ផល​អស់​ទាំង​នោះ​ធ្លាក់​ចុះ​សុ​ពល​ភាព​លឿន។ មួយ​វិញ​ទៀត​នោះ​គឺ ភ្លើង​អំពូល​ក៏​មាន​ផល​ប៉ះ​ពាល់​ដែរ​ដោយ​វា​អាច​ធ្វើ​ឲ្យ​ឡើង​ក​ម្តៅ​និង​ខូច​គុណ​ភាព​បាន។ ជា​ការ​ល្អ អ្នក​គប្បី​រក្សា​ទុក​ផលិត​ផល​ទាំង​នោះ ក្នុង​សីតុណ្ហ​ភាព​ចន្លោះ​ពី ១០ ទៅ ២១ អង្សារ​សេ​នៅ​កន្លែង​ង​ងឹ​តៗ​ដូច​ជា​ទូរ​ជា​ដើម។

៥. ការ​ទទួល​ទាន​ទឹក​ដប

រូបតំណាង

មនុស្ស​មួយ​ចំ​នួន​គិត​ថា​ទឹក​ដប​គឺ​ល្អ​ជា​ទឹក​ដែល​ច្របាច់​ចេះ​ពី​ធុង​ឬ​ម៉ា​សុី​ន​ចម្រោះ។ អ្នក​គិត​បែប​នោះ​គឺ​យល់​ខុស​ហើយ ប្រហែល​ជា ៥០% នៃ​ទឹក​ដប​កើត​ចេញ​ពី​ទឹក​ច្របាច់​ដោយ​ម៉ា​សុីន ដូច្នេះ​អ្នក​មិន​ដឹង​ថា​ទឹក​ច្របាច់​នោះ​បាន​សម្អាត​ដិត​ដល់​ឬ​យ៉ាង​ណា​ទេ។ យល់​ល្អ​អ្នក​គ​ប្បីតំ​ឡើង​ទឹក​ច្របាច់​សម្រាប់​ប្រើ​នៅផ្ទះ​ទើប​ជា​កា​រប្រ​សើរ។

៦. ការ​ជូត​សម្អាត​មុខ​ជា​មួយ​កន្សែង​ពោះ​គោ

រូបតំណាង

អ្នក​ធ្វើ​ប្លុក​ទាក់ទង​នឹង​សម្រស់​ជាច្រើន​បាន​ណែនាំ​ឲ្យ​ប្រើ​ប្រាស់​ក្រដាស​អនាម័យ​សម្រាប់​ជូត​មុខ​ប្រ​សើរ​ជាង​ប្រើ​កន្សែង​ពោះ​គោ។ ព្រោះ​នៅ​ពេល​អ្នក​ប្រើ​កន្សែង​ពោះ​គោ​ស្បែក​មុខ​របស់​អ្នក​នឹង​ងាយ​កើត​ស្នាម​ជ្រួញ។ អ្នក​គប្បី​ប្រើ​ក្រដាស​អនាម័យ​ ​ឬ​ កន្សែង​ទន់ៗ​សម្រាប់​ជូត​មុខ​ទើប​ជា​ការ​ល្អ។

៧. រុំ​សក់​ជា​មួយ​កន្សែង​ពោះ​គោ​បន្ទាប់​ពី​កក់​សក់​រួច

រូបតំណាង

ការ​ប្រើ​ប្រាស់​កន្សែង​ពោះ​គោ​រ​យៈ​ពេល​យូរ​បន្ទាប់​ពី​មុជ​ទឹក​រួច អាច​ធ្វើឲ្យ​មាន​ឥទ្ធិ​ពល​ដូច​ចូល​សោ​ណា​។ ស្បែក​ក្បាល​របស់​អ្នក​នឹង​មាន​ជាតិ​ខ្លាញ់ ប្រេង និង​កាន់​តែ​កខ្វក់។

៨. ការ​ទទួល​ទាន​ផលិត​ផល​ទឹក​ស​ណ្តែក​ច្រើន​ពេក

រូបតំណាង

ការ​ទទួល​ទាន​ផលិត​ផល​ប្រភេទ​នេះ​ពិត​ជា​ជួយ​សម្រាប់​សុខភាព​អ្នក​មែន​ដូចជា​កាត់​បន្ថយ​ជំងឺ​មហារីក​និង​ជំងឺ​ភ្លេច​ភ្លាំង​ច្រើន​ជា​ដើម។ប៉ុន្តែ​អ្នក​ក៏​គួរ​ដឹង​ដែរ​ថា​ការ​ទទួល​ទាន​ទឹក​ស​ណ្តែក​ច្រើន​ពេក​ក៏​អាច​បណ្តា​ល​ឲ្យ​ហើម​ពោះ ក្អួត​ចង្អោរ និង​ដំណើរ​ការ​មិន​ល្អ​ចំ​ពោះ​ក្រពេញ​ទី​រ៉ូ​អុីត​ផង​ដែរ។

៩. ការប្រើ​ប្រាស់​ប៉ុង​លាង​ចាន

រូបតំណាង

អ្នក​វិទ្យាសាស្ត្រ​បាន​គណនា​តួលេខ​ឲ្យដឹង​ថា អេ​ប៉ុង​ប្រវែង ១ សង់​ទី​ម៉ែត្រ​មាន​បាក់​តេ​រីចំ​នួន ៥០ កោដិ។ នៅ​ពេល​អ្នក​ប៉ះ​វា​ហើយ​អ្នក​ក៏​ប៉ះ​មុខ ខ្លួន​ប្រាណ​របស់​អ្នក​ដោយ​មិន​បាន​ចាប់​អារម្មណ៍។ បន្ទាប់មក វា​នឹង​បណ្តាល​ឲ្យ​អ្នក​មាន​បញ្ហា​ស្បែក​កន្ទួល​និង​ជំងឺ​ស្បែក​ជាដើម។ ដើម្បី​សម្អាត​អេ​ប៉ុង​ឲ្យ​បាន​ល្អ​អ្នក​គួរ​ត្រាំ​ទឹក​ក្តៅ​ក្នុង​កម្រិត ១០០ អង្សារ​សេ ឬ​ក៏​ប្រើ​ប្រាស់​ប្រភេទ​អេប៉ុង Jute sponge ដែល​ងាយ​វារ​លាយ​លឿន។

ចុចអានបន្ត៖

ទម្លាប់​ទាំង​ ៥​ ធ្វើ​ឱ្យ​កូន​មិន​អាច​លូត​កម្ពស់​ដូច​គេ​

ប្រភព៖ Brightside ប្រែ​សម្រួល៖ សុវណ្ណ ស្រីពីន