៣ ត្រណមមហាកាច អ្នកកំពុងចង់សង់ផ្ទះថ្មីគួរចៀសវាង ប្រយ័ត្នរករហូតតែមិនសល់

2020-02-12 02:55:00
ចំនួនមតិ 0 | ចំនួនចែករំលែក 0

ផ្ទះសម្បែងគឺជារឿងមួយដែលសំខាន់បំផុតក្នុងជីវិតមនុស្សគ្រប់រូប ផ្ទះដ៏កក់ក្ដៅមួយ នឹងនាំមកសុភមង្គលដល់ម្ចាស់ផ្ទះ។ ហេតុនេះហើយ មុនពេលសាងសង់គេហដ្ឋាន អ្នកគួរចៀសវាងត្រណមទាំងនេះ។

រូបតំណាង

**១. ចំនួនបន្ទប់ និងចំនួនកាំជណ្ដើរ**

កាំជណ្ដើរក្នុងផ្ទះគឺពាក់ព័ន្ធដល់សុខទុក្ខរបស់សមាជិកក្នុងគ្រួសារ។ ដូចនេះ ក្បួនហុងស៊ុយបានបញ្ចេញត្រណមថា មានតែសេស គ្មានគូ។ រីឯទាក់ទងនឹងបន្ទប់វិញ ចំនួនសេសដូចជា ១ ៣ ៥ ៧ សុទ្ធតែជាលេខនាំសំណាងទាំងអស់។ តាមជំនឿ លេខគូ នឹងធ្វើឲ្យរបស់អរូបមកស្នាក់នៅក្នុងផ្ទះ ដូចបើអាចចៀសបាន គួរចៀស។ សម្រាប់ផ្ទះដែលមានជណ្ដើរឡើងនៅមុខផ្ទះ ដែលមានចំនួនកាំជណ្ដើរតិចនោះ គួរជៀសលេខ៤ ដ្បិតលេខនេះអានក្នុងភាសាចិន ស្រដៀងនឹងពាក្យស្លាប់។

២. គ្រោងផ្ទះ

គ្រឹះ៖ ដាច់ខាតគ្រឹះផ្ទះត្រូវចាក់ឲ្យមាំ ដ្បិតក្រៅពីមូលហេតុសុវត្ថិភាពនោះ គ្រឹះផ្ទះប្រៀបដូចជាសរសរទ្រូងផ្ទះដែរ បើសង់មិនមាំ នោះគ្រួសារទាំងមូលនឹងមិនរឹងមាំ។

បន្ទប់គេង៖ បន្ទប់គេងត្រូវសង់យ៉ាងម៉េចមិនឲ្យខ្ពស់ជាង ធំជាង បន្ទប់ទទួលភ្ញៀវ ទ្វារធំខាងមុខ មិនឲ្យទល់មុខនឹងបន្ទប់ទឹក។ បន្ទប់គេងមិនអាចតាំងហឹងបានឡើយ។

រូបតំណាង

៣. ពណ៌តំណម

ការច្នៃពណ៌ផ្ទះបែបដំបូលមានពណ៌ដិតជាង ដងខ្លួនផ្ទះ គឺភាគច្រើនសម្រាប់ទីសក្ការៈ ដូចជាវត្តអារាម អាស្រមជាដើម។ បើសង់សម្រាប់ស្នាក់នៅធម្មតា គឺមិនស័ក្ដិសមឡើយ។ ដោយការច្នៃបែបនេះ នឹងធ្វើឲ្យផ្ទះមានសភាពធ្ងន់ធ្ងរ និងចំណាយអាក្រក់ច្រើន។ អាស្រ័យហេតុនេះហើយ គួរប្រក់ដំបូលពណ៌ស្រាលៗ កុំដិតពេក ដើម្បីគ្រួសារបានធូរស្រាល៕