ទៅស្នាក់នៅសណ្ឋាគារ ត្រូវប្រយ័ត្នចំពោះរបស់ប្រើប្រាស់អស់ទាំងនេះ

2020-02-06 08:30:00
ចំនួនមតិ 0 | ចំនួនចែករំលែក 0

នៅពេលអ្នកធ្វើដំណើរកម្សាន្ត អ្នកតែងតែគិតអំពីកន្លែងស្នាក់នៅ ប្រសិនបើអ្នកចំណាយពេលច្រើនថ្ងៃ។ គ្រប់គ្នាប្រហែលជាគិតអំពីបន្ទប់សណ្ឋាគារគឺជាជម្រើសដ៏អស្ចារ្យ ប៉ុន្តែអ្នកប្រហែលជាមិនដឹងទេថា មានបន្ទប់សណ្ឋាគារមួយចំនួនមិនដូចអ្វីដែលគិតនោះទេ។ ជាក់ស្តែង ដូចជារបស់របរប្រើប្រាស់មួយចំនួនគឺពោរពេញទៅដោយបាក់តេរី។ របស់របរអស់ទាំងនោះរួមមាន៖

១. កន្សែងជូតខ្លួន

រូបតំណាង

នៅក្នុងបន្ទប់សណ្ឋាគារតែងមានផ្តល់កន្សែងជូតខ្លួនសម្រាប់ភ្ញៀវម្នាក់ៗ។ អ្នកគួរតែប្រុងប្រយ័ត្នចំពោះការប្រើកន្សែងនោះដោយសារតែ អ្នកមិនដឹងថាមាននរណាខ្លះបានប្រើកន្សែងនោះពីមុនឡើយ ទោះបីជាគេបានបោកសម្អាត តែបាក់តេរីនៅក្នុងកន្សែងក៏មិនបានសម្លាប់ទាំងអស់ដែរ។ បើសិនជាអាចអ្នកគួរតែមានកន្សែងយកទៅតាមខ្លួនទើបជាការប្រសើរ។

២. អាងមុជទឹក

រូបតំណាង

មានមនុស្សជាច្រើនចូលចិត្តមុជទឹកក្នុងអាងទឹក តើអ្នកមានដឹងទេថា វាមានបាក់តេរីច្រើន? ពីព្រោះបុគ្គលិកសណ្ឋាគារមួយចំនួនមិនបានសម្អាតស្អាតទាំងស្រុងនោះទេ ដូច្នេះ អ្នកគួរតែមុជទឹកមុន រួមចាំចូលត្រាំក្នុងអាងទឹក។

៣. កម្រាលឥដ្ឋ

រូបតំណាង

មានអ្នកស្នាក់នៅជាច្រើនដើរជាន់លើនៅលើកម្រាលឥដ្ឋ រីឯអ្នកសម្អាតគឺច្រើនតែប្រើម៉ាស៊ីនបូមធូលីតែប៉ុណ្ណោះ។ ដូច្នេះហើយ មានបាក់តេរីច្រើនៅលើកម្រាលឥដ្ឋដែលអ្នកមើលមិនឃើញ។ នៅមានពេលខ្លះមានភេសជ្ជៈ ឬម្ហូបអាហារកំពប់លើកម្រាលដែលអាចបង្កើតជាបាក់តេរីផ្សិតផ្សេងៗ។

៤. ដបទឹកក្តៅ

រូបតំណាង

ចំពោះសម្ភារៈបែបនេះវិញ អ្នកគួរតែប្រុងប្រយ័ត្នដោយសារដបទឹកក្តៅ ឬបំពង់ទឹកក្តៅអ្នកមិនដឹងថាគេធ្លាប់យកវាទៅប្រើអ្វីខ្លះទេ។ ដូច្នេះ បើសិនជាអាចអ្នកគួរតែប្រុងប្រយ័ត្នបន្តិច។

៥. ទូរស័ព្ទ

រូបតំណាង

រីឯរបស់ចុងក្រោយដែលអ្នកគួរតែប្រុងប្រយ័ត្ននោះគឺទូរស័ព្ទនៅសណ្ឋាគារ។ មានអ្នកប្រើច្រើនអាចបង្កជាបាក់តេរី ឬសារធាតុកខ្វក់ផ្សេងៗ។ ប្រសិនបើអ្នកចង់ប្រើអ្នកគួរតែសម្អាតជាមួយក្រណាត់សើមសម្រាប់សម្លាប់បាក់តេរីជាមុនសិនសឹមប្រើ៕

រូបភាព៖ Pinterest

ចុចអានបន្ត៖

ដំណើរកម្សាន្តម្នាក់ឯងអាចធ្វើឲ្យអ្នកកាន់តែមានភាពឯករាជ្យ

ប្រភព៖ tagsis ប្រែសម្រួល៖ សុវណ្ណ ស្រីពីន