អំណោយទាំង ៦ កូនៗគួរជូនទៅកាន់អ្នកមានគុណនៅថ្ងៃនៃបុណ្យនៃក្តីស្រឡាញ់

2020-02-11 05:00:00
ចំនួនមតិ 0 | ចំនួនចែករំលែក 0

ក្តីស្រឡាញ់របស់ឪពុកម្តាយអ្នកបានចាប់ផ្តើមកើតមានឡើងតាំងពីថ្ងៃដែលអ្នកចាប់កំណើតក្នុងផ្ទៃមកម្ល៉េះ។ តាំងពីតូចក្រូចឆ្មារហូតមកដល់ធំដឹងក្តី អ្នកប្រហែលជាធ្លាប់ហែលឆ្លងរឿងរ៉ាវជីវិតផ្អែមល្វីងជូរចត់ជាមួយអ្នកមានគុណមិនតិចដងឡើយ។ ហេតុដូចនេះហើយ ប្រសិនបើអ្នកចង់បង្ហាញក្តីស្រឡាញ់របស់អ្នកទៅកាន់លោកទាំងពីរ កុំភ្លេចកាដូទាំង ៦ ប្រភេទនេះនៅថ្ងៃបុណ្យនៃក្តីស្រឡាញ់។ កាដូទាំងនោះរួមមាន៖

រូបតំណាង

**១. ប្រាក់កាស**

រូបតំណាង

ម្តាយឪពុកឯណាមិនសប្បាយចិត្តពេលដឹងថាកូនៗរបស់ខ្លួនមានការងារសមរម្យបន្ទាប់ពីបញ្ចប់ការសិក្សានៅថ្នាក់មហាវិទ្យាល័យ។ ប្រសិនបើអ្ននមានការងារធ្វើនិងមានប្រាក់ខែសមល្មម គប្បីបង្ហាញភាពកតញ្ញូទៅកាន់លោកអ្នកគុណទាំងពីរ មិនថាតិចក្តីឬធំក្តី គឺជាទឹកចិត្តរបស់អ្នក។

២. គ្រឿងអលង្ការ

រូបតំណាង

អ្នកអាចជ្រើសរើសគ្រឿងអលង្ការជាប្រភេទខ្សែក ក្រវិល ចិញ្ចៀន នាឡិកាដៃ ឬកងដៃ ជាអំណោយនៃក្តីស្រឡាញ់ទៅកាន់លោកទាំងពីរ។ ក្នុងការទិញអំណោយ អ្នកគួរតែគិតពីលទ្ធភាពដែលអ្នកអាចធ្វើបានសម្រាប់ឪពុកម្តាយ ព្រោះប្រសិនបើអ្នកចាយវាយមិនចេះគិត អ្នកទាំងពីរក៏មិនសូវជាសប្បាយចិត្តប៉ុន្មានដែរ។

៣. សម្លៀកបំពាក់

រូបតំណាង

ក្រៅពីគ្រឿងអលង្ការ កូនៗអាចជ្រើសរើសសម្លៀកបំពាក់សម្រាប់ជាអំណោយទៅកាន់លោកទាំងពីរ។ ពេលខ្លះប៉ាម៉ាក់របស់អ្នកអាចនឹងមិនមានពេលវេលាគ្រប់គ្រាន់ក្នុងការទិញសម្លៀកបំពាក់សម្រាប់ខ្លួនឯងព្រោះពួកគាត់រវល់ធ្វើការចិញ្ចឹមអ្នក។ បើសិនជាអ្នកមានលទ្ធភាព អ្នកអាចលៃលកសម្លៀកបំពាក់សម្រាប់លោកទាំងពីរដូចជា អាវ សំពត់ រ៉ូប និងខោ ជាដើម។ នៅពេលឃើញកូនជូនអំណោយ ពួកគាត់នឹងសប្បាយចិត្តទោះបីជាអំណោយនោះតិចតួចក្តីធំក្តី។

៤. កាបូបនិងស្បែកជើង

រូបតំណាង

អ្នកម្តាយរបស់អ្នកតែងតែផ្គត់ផ្គង់តម្រូវការរបស់អ្នកជាប្រចាំ ដូច្នេះក្នុងនាមជាកូនគប្បីគួរចេះលៃលកចំពោះអំណោយសម្រាប់អ្នកមានគុណ។ អ្នកអាចជូនអំណោយជាស្បែកជើងឬកាបូបដែលស័ក្តិសមនឹងលោកអ្នកពីរ។

៥. បាច់ផ្កា

រូបតំណាង

អ្នកម្តាយរបស់អ្នកជានារីដែលស្រស់ស្អាតខ្លាំងជាងគេបំផុតលើលោក គាត់ហ៊ានលះបង់អ្វីគ្រប់យ៉ាងដើម្បីឲ្យតែកូនៗបានក្តីសុខ។ ជូនអំណោយជាបាច់ផ្កាមួយបាច់ទៅកាន់អ្នកម្តាយអ្នកដើម្បីបង្ហាញពីក្តីស្រឡាញ់របស់អ្នក ទោះបីជាអ្នកនៅឆ្ងាយពីគាត់ក៏ដោយ។

៦. អាហារបំប៉នសុខភាព

រូបតំណាង

ឪពុកម្តាយរបស់អ្នកអាចនឹងមានវ័យរាងជ្រេបន្តិចហើយ ដូច្នេះសុខភាពលោកទាំងពីរអាចនឹងរឹងមាំដូចអ្នកទេ។ក្នុងនាមជាកូន បើមានលទ្ធភាពគ្រប់គ្រាន់គួរតែជូនកាដូជាប្រភេទអាហារសុខភាពមិនថាចំណីអាហារ ឬភេសជ្ជៈនោះទេ។

នៅមានប្រភេទអំណោយជាច្រើនទៀតដែលអ្នកអាចជ្រើសរើសជូនជាអំណោយសម្រាប់អ្នកមានគុណទាំងពីរ ខាងលើនេះគ្រាន់តែជាគំនិតខ្លះៗតែប៉ុណ្ណោះ។ កុំភ្លេចបង្ហាញក្តីស្រឡាញ់របស់អ្នកទៅកាន់ម្តាយឪពុកអ្នកណា!

រូបភាព៖ Pinterest

ចុចអានបន្ត៖

ជំនួសឲ្យការលេងទូរសព្ទឬប្រដាប់ប្រដាផ្សេងៗ ម្តាយឪពុកគួរបណ្តុះភាពរីកច្រើនរបស់កូន តាមរយៈបទពិសោធល្អៗ

ប្រភព៖ Goodhousekeeping ប្រែសម្រួល៖ សុវណ្ណ ស្រីពីន