អ្នកខ្វះវីតាមីនC កុំសង្វាតហូបតែផ្លែក្រូច សាកផ្លែឈើទាំងនេះសម្បូរច្រើនលើសលប់

2020-02-07 07:30:00
ចំនួនមតិ 0 | ចំនួនចែករំលែក 0

មានមនុស្សមិនតិចទេ ដែលយល់ថា វីតាមីន C សម្បូរច្រើនបំផុតតែក្នុងផ្លែក្រូចប៉ុណ្ណោះ។ តាមពិត មិនដូច្នេះទេ មានផ្លែឈើច្រើនប្រភេទទៀត ដែលសម្បូរវីតាមីននេះ។ វីតាមីន C មានសារៈសំខាន់ណាស់សម្រាប់រាងកាយ ជួយឲ្យប្រព័ន្ធភាពស៊ាំរឹងមាំល្អមិនងាយឈឺ មិនងាយផ្ដាសាយ ព្រមទាំងជួយឲ្យព្យាបាលការឈាមអញ្ចាញធ្មេញបានយ៉ាងល្អ។

រូបតំណាង

**១. ម្ទេសហាវ៉ៃពណ៌លឿង**

កំពូលស្ដេចវីតាមីន C គឺម្ទេសហាវ៉ៃនេះហើយ។ អ្នកដឹងទេ ត្រឹមម្ទេសហាវ៉ៃពណ៌លឿងមួយចំហៀង ផ្ទុក ១៥៥ មីលីក្រាមនៃវីតាមីន C ។

រូបតំណាង

២. ល្ហុង

ល្ហុងមួយចំហៀងមានផ្ទុកវីតាមីន C អាចលើសពី ២៣៨ មីលីក្រាម ដែលនេះពិតជាចំនួនយ៉ាងច្រើននិងល្អសម្រាប់សុខភាព។ ក្រៅពីជាប្រភពដ៏សម្បើមនៃវីតាមីន C ហើយ ល្ហុងក៏សម្បូរដោយវីតាមីន A និងជាតិសរសៃផងដែរ។

រូបតំណាង

៣. ត្របែក

ត្របែក១ខាំផ្ទុកវីតាមីន C អាចលើសពី ២០០ មីលីក្រាម ដែលជាចំនួនច្រើនជាង៤ដងនៅក្នុងផ្លែក្រូច។ ដោយសារតែបែបនេះហើយ អ្នកជំនាញតែងណែនាំឲ្យគ្រប់គ្នាញ៉ាំផ្លែត្របែកយ៉ាងហោច១ផ្លែជាប្រចាំ ដើម្បីប្រព័ន្ធភាពស៊ាំធន់និងចៀសឆ្ងាយពីជំងឺ។

រូបតំណាង

៤. Black currant

ផ្លែឈើមានដើមកំណើតពីប៉ែកអឺរ៉ុបនេះ ភាគច្រើនមានលក់នៅផ្សារទំនើប ហើយវាសម្បូរដោយវីតាមីន C ណាស់។ ក្នុង១០០ក្រាមរបស់ផ្លែនេះ យ៉ាងហោចណាស់ក៏ផ្ទុក ១៩៥ មីលីក្រាមនៃវីតាមីន C ដែលខ្ពស់ជាង៤ដងក្នុងផ្លែក្រូចទៅទៀត។ ដោយសារតែបែបនេះហើយ វាត្រូវបានគេយកទៅធ្វើជាឱសថសម្រាប់បំបាត់អាការៈឈឺកផងដែរ។

រូបតំណាង

៥. ផ្លែគីវី

អ្នកជំនាញបាននិយាយថា ក្នុងផ្លែគីវី ១០០ក្រាម មានផ្ទុក ១៥០មីលីក្រាមនៃវីតាមីន C ។ នេះជាចំនួនយ៉ាងច្រើនលើស៣ដងក្នុងផ្លែក្រូចទៅទៀត។ ម្ល៉ោះហើយ វាពិតជាជួយពង្រឹងប្រព័ន្ធភាពស៊ាំបានយ៉ាងល្អ ការពារជំងឺផ្ដាសាយ ពិសេសពេលមានបរិយាកាសពេញដោយផ្សែងពុល និងអាប់អួល៕