វិធីថែទាំសុខភាព ពេលធ្វើដំណើរ ចៀសឆ្ងាយពីវីរុសកូរ៉ូណា
- 2020-01-30 10:05:00
- ចំនួនមតិ 0 | ចំនួនចែករំលែក 0
វិធីថែទាំសុខភាព ពេលធ្វើដំណើរ ចៀសឆ្ងាយពីវីរុសកូរ៉ូណា
តាមការណែនាំពីក្រសួងសុខាភិបាល ដើម្បីចៀសឲ្យបាននូវការឆ្លងវីរុសដែលកំពុងផ្ទុះខ្លាំងក្នុងពិភពលោកនាពេលបច្ចុប្បន្ន គឺវីរុស កូរ៉ូណា នៅពេលត្រៀមធ្វើដំណើរត្រូវថែទាំសុខភាពដោយប្រការខាងក្រោម៖
១. ចៀសវាងការធ្វើដំណើរ ឬផ្អាក ប្រសិនមានគ្រុនក្ដៅ ឬក្អក
២. ប្រសិនមានគ្រុនក្ដៅ ក្អក និងពិបាកដកដង្ហើម ត្រូវស្វែងរកការព្យាបាលជាបន្ទាន់ និងប្រាប់ពីប្រវត្តិរបស់អ្នក ដល់គ្រូពេទ្យ
៣. ចៀសវាងការប៉ះពាល់ជាមួយអ្នកដែលមានគ្រុនក្ដៅ និងក្អក
៤. លាងដៃឲ្យបានញឹកញាប់ ជាមួយសាប៊ូនិងទឹកស្អាត ឬអាល់កុលហ្សែល
៥. ចៀសវាងប៉ះពាល់ភ្នែក ច្រមុះ ឬមាត់
៦. នៅពេលក្អកឬកណ្តាស់ ត្រូវខ្ទប់មាត់និងច្រមុះអ្នកដោយប្រើកែងដៃ ឬក្រដាស រួចបោះចោលក្នុងធុងសំរាមភ្លាម និងលាងដៃរបស់អ្នក
៧. ប្រសិនបើអ្នកពាក់ម៉ាសត្រូវប្រាកដថាពាក់គ្របលើមាត់ និងច្រមុះ ប៉ុន្តែចៀសវាងការប៉ះម៉ាសផ្ទៃខាងក្រៅនៅពេលកំពុងពាក់និងពេលដោះ
៨. ត្រូវបោះចោលភ្លាមនូវម៉ាសដែលបានប្រើរួច និងលាងដៃឲ្យស្អាតបន្ទាប់ពីដោះម៉ាស
៩. ប្រសិនអ្នកចាប់ផ្ដើមឈឺពេលកំពុងធ្វើដំណើរ ត្រូវប្រាប់អ្នកដំណើរលើយន្តហោះ និងស្វែងរកការព្យាបាលឲ្យបានឆាប់និងប្រាប់ពីប្រវត្តិនៃការធ្វើដំណើរដល់គ្រូពេទ្យ
១០. បរិភោគតែអាហារណាដែលឆ្អិនល្អ
១១. មិនត្រូវខាកស្ដោះនៅទីសាធារណៈ
១២. ចៀសវាងការប៉ះពាល់ និងធ្វើដំណើរជាមួយសត្វដែលឈឺ៕
អានបន្ត៖ ពិតទេ? កុម្មង់ទំនិញពីចិន អាចឆ្លងវីរុសកូរ៉ូណាមកជាមួយដែរ?
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
