ពិបាកមើលចិត្តគេមែនទេ? សញ្ញាទាំង ៧ នេះនឹងបង្ហាញថាគេមានចិត្តលើអ្នក ឬ អត់

2020-01-15 06:40:00
ចំនួនមតិ 0 | ចំនួនចែករំលែក 0

នារីៗធ្លាប់ឆ្ងល់ទេថា តើបុរសម្នាក់នោះមានចិត្តលើអ្នកឬអត់? ពេលខ្លះ មានអារម្មណ៍ថាច្បាស់ជាគេមានចិត្តលើយើងហើយ តែពេលខ្លះទៀត កាយវិការរបស់គេដូចជាមិនមែន។ មនុស្សម្នាក់ៗបញ្ចេញកាយវិការផ្សេងៗគ្នានៅពេលពួកគេចាប់អារម្មណ៍លើនរណាម្នាក់ ជាហេតុធ្វើឱ្យពេលខ្លះពិបាកក្នុងការវិនិច្ឆយថា គេមានចិត្តលើអ្នកពិត ឬ មិនពិត។ ដូច្នេះ ដល់ពេលហើយដែលអ្នកឈប់ទស្សន៍ទាយអារម្មណ៍របស់គេ ឬ មានភាពស្រពេចស្រពិលក្នុងចិត្តទៀតហើយ។ មកដឹងអំពីសញ្ញាខ្លះៗដែលបុរសតែងតែបង្ហាញនៅពេលគេមានចិត្តលើអ្នក៖

រូបតំណាង

**១. គេបង្ហាញថាគេមានចំណាប់អារម្មណ៍លើអ្នក**៖ មនុស្សដែលចូលចិត្តអ្នក ជានិច្ចកាលតែងតែបង្ហាញឱ្យដឹងថាគេមានចំណាប់អារម្មណ៍លើអ្នក ដូចជា ការឃ្លាំមើល ឬ សួរនាំ ចង់ដឹងចង់ឮពីអ្នកជាដើម។

២. គេនឹងបញ្ចេញនូវកាយវិការឱ្យអ្នកដឹង៖ មនុស្សដែលចាប់អារម្មណ៍លើអ្នក តែងតែបញ្ចេញតាមរយៈកាយវិការ ហើយ គេនឹងមិនខ្លាចនូវការបញ្ចេញវាឱ្យអ្នកដឹងនោះទេ ព្រោះថាគេកំពុងចាប់ចិត្តយ៉ាងខ្លាំងលើអ្នក និង កំពុងសាកចិត្តអ្នកវិញដូចគ្នា។

៣. គេនឹងព្យាយាមស្លៀកពាក់ស្អាតៗដើម្បីអ្នក ៖ បុរសដែលពេញចិត្តអ្នកនឹងព្យាយាមយកចិត្តអ្នកវិញដូចគ្នា ហើយ តែងចង់បង្ហាញពីភាពទាក់ទាញរបស់ខ្លួនឱ្យអ្នកបានឃើញ។ គេអាចបង្ហាញវា តាមរយៈការស្លៀកពាក់ ឬ ការតែងខ្លួនមុនគេ ព្រោះមើលមកមានភាពទាក់ទាញពីខាងក្រៅ មុននឹងឈានចូលដល់ការសន្ទនាជាបន្ទាប់។

រូបតំណាង

៤. គេនឹងប្រាប់អ្នកពីជីវិតប្រចាំថ្ងៃរបស់គេ៖ នៅពេលអ្នកទាំងពីរ បានចាប់ផ្តើមមានការទាក់ទង និង សន្ទនា គេនឹងចាប់ផ្តើមរៀបរាប់ពីអ្វីដែលកើតឡើងចំពោះគេពីមួយថ្ងៃទៅមួយថ្ងៃ។ ការរ៉ាយរ៉ាប់ប្រាប់បែបនេះសបញ្ជាក់ឱ្យឃើញថា អ្នកគឺជាមនុស្សដែលគេចង់ចែករំលែករឿងរ៉ាវទាំងឡាយរបស់គេ និង ជាមនុស្សពិសេសសម្រាប់គេ។

៥. គេនឹងមានការអត់ធន់សម្រាប់អ្នក៖ បើនិយាយពីរឿងស្នេហានេះគឺមិនអាចបង្ខំបានឡើយ ហើយ អ្វីៗក៏មិនអាចចាប់ផ្តើមលឿនពេកដែរ។ យ៉ាងណាមិញ បើគេស្រឡាញ់ និង ពេញចិត្តអ្នកពិតប្រាកដ គេនឹងមិនធ្វើអ្វីដែលផ្តល់សំពាធដល់អ្នកឡើយ។ បើអ្នកត្រូវការពេលវេលាគ្រប់គ្រាប់ក្នុងការបើកចិត្ត នោះគេប្រាកដជារង់ចាំរហូតដល់អ្នកត្រៀមខ្លួនជាស្រេច។

៦. គេនឹងស្កាត់មកជួបអ្នកទោះជាលំបាកក្តី៖ ជាធម្មតា មនុស្សដែលមានចិត្តលើអ្នកប្រាកដជាចង់ឃើញ និង ចង់នៅក្បែរអ្នកញឹកញាប់ណាស់។ ដូចនេះ បើគេសុខចិត្តចំណាយពេលវេលារបស់គេ ទោះតិចតួចក្តី ដើម្បីមកជួបអ្នក នោះក៏បង្ហាញថាបុរសម្នាក់នោះស្រឡាញ់ និង ពេញចិត្តអ្នកមែនហើយ។

រូបតំណាង

៧. គេនឹងបបួលអ្នកទៅមើលកុន ឬ ដើរលេង៖ ពេលអារម្មណ៍ស្រឡាញ់កាន់តែជ្រាលជ្រៅហើយ ត្រឹមតែការ call ឬ chat គឺមិនគ្រប់គ្រាន់ទេ។ បុរសម្នាក់ដែលចង់ចាប់ផ្តើមស្នេហាជាមួយអ្នកនឹងព្យាយាមរកឱកាសហៅអ្នកទៅដើរលេង ញុំាំអី ឬ មើលគុនជាដើម ដើម្បីកាន់តែស្គាល់ចិត្តគ្នាឱ្យច្បាស់។

គួរបញ្ជាក់ផងដែរថា មនុស្សប្រុសមានចរិតផ្សេងៗគ្នា ការបង្ហាញក្តីស្រឡាញ់ និង ចំណាប់អារម្មណ៍ក៏ខុសគ្នាដែរ។ ដូចនេះ ភាគរយអាចថាបុរសខ្លះគាត់មានចិត្តស្រឡាញ់អ្នក តែគាត់មិនហ៊ានបញ្ចេញសកម្មភាពខាងលើព្រោះ គេមិនចង់ឱ្យអ្នកដឹង ឬ គេជាមនុស្សអៀនច្រើន និង គ្មានភាពក្លាហានជាដើម៕