ទាល់តែឆ្លងកាត់រឿង ៣យ៉ាងនេះជាមួយគ្នាទើបបុរសម្នាក់នោះអាចក្លាយជាគូជីវិតអ្នកពិតប្រាកដ
- 2020-01-09 07:55:00
- ចំនួនមតិ 0 | ចំនួនចែករំលែក 0
ទាល់តែឆ្លងកាត់រឿង ៣យ៉ាងនេះជាមួយគ្នាទើបបុរសម្នាក់នោះអាចក្លាយជាគូជីវិតអ្នកពិតប្រាកដ
ហៅថាមិត្តប្រុសបាន ដរាបណាអ្នកព្រមស្រឡាញ់ ស្វែងយល់ពីគ្នា រាប់អានគ្នាជាគូស្នេហ៍។ អ្នកអាចឈ្លក់វង្វេង ងប់ងុល ឬស្រឡាញ់គាត់ខ្លាំង ប៉ុន្តែដរាបណាអ្នកនិងគាត់មិនបានឆ្លងកាត់រឿង៣យ៉ាងខាងក្រោមទេ គាត់មិនមែនជាគូជីវិតរបស់អ្នកពិតប្រាកដនោះឡើយ៖
**១. មើលឃើញអនាគតជាមួយគ្នា**
មិនមែនត្រឹមតែពីរឬបីឆ្នាំនោះតែ អ្នកទាំងពីរត្រូវមើលឃើញអនាគត ដែលត្រូវនៅក្បែរគ្នា រហូតអស់មួយជីវិតដូចជា រៀបការ សង់ផ្ទះ មានកូន មានចៅ និងចាស់ទៅជាមួយគ្នា។ អ្នកចែករំលែកគោលដៅជីវិតរួមគ្នា និងមានឆន្ទៈក្នុងការឆ្លងកាត់ឧបសគ្គនានាជាមួយគ្នា។
២. ឈ្លោះគ្នាច្រើនយ៉ាងណាក៏មិនបោះបង់គ្នា
គូស្នេហ៍ល្អឥតខ្ចោះមិនមែនដោយសារមិនឈ្លោះគ្នានោះទេ ប៉ុន្តែគឺជាគូស្នេហ៍ដែលឈ្លោះប្រកែកគ្នាច្រើនប៉ុណ្ណា ក៏នៅតែអាចសុំទោស អត់អោន និងត្រលប់ត្រូវរ៉ូវគ្នាវិញ។ នេះមានន័យថាក្តីស្រឡាញ់ ការព្រួយបារម្ភ ក្តីអាណិតអាសូរ ចំពោះគ្នាពិតជាខ្លាំងមិនអាចគណនាបាន ដូច្នេះប្រាកដណាស់គាត់ពិតជាគូព្រេងដែលទេវតាប្រទានសម្រាប់អ្នកហើយ។
៣. ជួយជ្រោមជ្រែងគ្នាទៅវិញទៅមក
អ្នកទាំងពីរមើលឃើញចំណុចល្អរបស់គ្នា ចេះជួយកែប្រែគ្នាទៅវិញទៅមក និងតែងលើកទឹកចិត្តគ្នា រាល់ពេលបរាជ័យ ឬអស់សង្ឃឹម។ គាត់តែងធ្វើឲ្យអ្នកក្លាយជាមនុស្សស្រីដែលមានទំនុកចិត្ត ម្ចាស់ការ រឹងមាំ និងស្រឡាញ់អ្នកជាអ្នក មិនដែលប្រៀបធៀបអ្នកជាមួយស្រីផ្សេងឡើយ ៕
អានបន្ត៖ មនោសញ្ចេតនាដែលគេងាយទទួលយកបានពេក គឺមិនមានតម្លៃពិតមែនទេ?