រឿងសំខាន់ពីក្តីស្រលាញ់ដែលអ្នក Single យូរទើបមានស្នេហាដំបូង គួរដឹង

2020-01-08 09:30:00
ចំនួនមតិ 0 | ចំនួនចែករំលែក 0

ក្នុងទំនាក់ទំនងស្នេហា មានរឿងខ្លះមានភាពមិនច្បាស់លាស់ រហូតដល់ស្រលាញ់គ្នាបានមួយភ្លែតក៏មិនអាចបន្តទៀត។ ចៀសវាងស្នេហាលើកទី១ ត្រូវប្រេះឆា អ្នកគួរដឹងពីចំណុចសំខាន់ៗខ្លះពីស្នេហាដូចខាងក្រោម។

រូបតំណាង

**១. ស្នេហាមិនអាចល្អបានយូរអង្វែងឡើយ បើពេលជួបរឿងឈឺចាប់កុំនៅទ្រាំទ្រ**

ជាការពិត ស្នេហានិងទំនាក់ទំនងវាមិនដូចគ្នាទេ។ មិនមែនគ្រប់ស្នេហាទាំងអស់សុទ្ធតែមានទំនាក់ទំនងល្អនោះដែរ។ ពេលខ្លះ មនុស្សពីរនាក់ស្រលាញ់គ្នា តែទំនាក់ទំនងរបស់ពួកគេពោរពេញដោយការឈឺចាប់ គ្រាំគ្រា បេះដូងយំដោយសារមនុស្សម្នាក់។ បើសិនអ្នកត្រូវប្រទះនឹងរឿងអាក្រក់បែបនេះ អ្នកធ្លាប់គិតទេថា បើរស់នៅម្នាក់ឯងតើជាការប្រសើរឬអត់?

រូបតំណាង

២. កុំស្រលាញ់គេអស់ពីពោះ

ឪពុកម្ដាយខំចិញ្ចឹមអ្នកតាំងពីតូចក្រូចឆ្មា ហើយបំណងតែមួយគត់ដែលលោកចង់បានជាងគេ គឺឃើញអ្នកចេះស្រលាញ់ខ្លួនឯង។ ចំពោះក្តីស្រលាញ់ដ៏មហិមាដែលអ្នកមានគុណរំពឹងនេះ ដូច្នេះមុនពេលស្រលាញ់បុរសណាអស់ពីបេះដូង គួរគិតឲ្យម៉ត់ចត់។ គិតពីខ្លួនឯង កុំបូជាគ្រប់យ៉ាងរហូតដល់ចំណុចធ្វើឲ្យខ្លួនឯងមានបញ្ហា។ កុំបណ្ដោយឲ្យជីវិតនិងរាងកាយអ្នកឈឺចាប់ មិនស្រាកស្រាន្ត។

រូបតំណាង

៣. បើស្រលាញ់ មិនគួរមានអាថ៌កំបាំង

ប្រសិនបើជាស្នេហាពិតមែន មិនត្រូវលាក់បាំងសកម្មភាពជាមួយគ្នា រឹតតែមិនលាក់ពីទំនាក់ទំនងរបស់អ្នកទាំងពីរ។ នេះជាការមិនបង្ហាញពីភាពស្មោះត្រង់ដាក់គ្នា ។ គូស្នេហ៍មួយចំនួនយល់ថា ការលាក់បាំងសិនគឺជាការផ្ដល់លក្ខខណ្ឌឲ្យគ្នា ផ្ដល់ទំនុកចិត្តលើគ្នាជាមុនសិន។ ប៉ុន្តែបើស្រលាញ់ពិតមែន មិនគួរមានអាថ៌កំបាំងឡើយ។

រូបតំណាង

៤. ក្តីស្រលាញ់គឺជាការបំពេញបន្ថែម មិនមែនជាការផ្លាស់ប្ដូរ

ថ្វីដ្បិតមនុស្សពីរនាក់ស្រលាញ់គ្នា មិនអាចមានចំណុចខ្លាំងព្រមគ្នា ប៉ុន្តែការយល់ពីគ្នា នឹងធ្វើឲ្យអ្នកទាំងពីរមានភាពប្រហាក់ប្រហែលគ្នា។ ការលៃលកបំពេញបន្ថែមឲ្យគ្នានេះ គឺជាការពង្រឹងចំនុចខ្វះខាត តែមិនមែនប្តូរផ្លាស់ឲ្យក្លាយជាមនុស្សផ្សេងនោះទេ។ បង្ហាញពីការស្រលាញ់នៅខាងក្នុង មិនតែភាពខាងក្រៅ។ កុំឲ្យការស្ទាក់ស្ទើរ អន់ចិត្តបង្កើតជារឿងមិនសប្បាយចិត្ត រហូតមិនអាចដើរជាមួយគ្នាបានយូរ ម្ល៉ោះហើយបញ្ហានេះត្រូវចេះយល់ពីគ្នា។

រូបតំណាង

៥. ចេះទទួលស្គាល់ តែកុំអត់ធ្មត់

ទម្លាប់អាក្រក់ គឺជាបញ្ហាធំណាស់ក្នុងទំនាក់ទំនងស្នេហា។ ដូចជា គាត់ស្រាប់តែមានទម្លាប់គេងយូរៗទើបក្រោក ទម្លាប់ដើរលេងផឹកស៊ីជាមួយមិត្តភក្កិ ទម្លាប់ចុចទូរសព្ទពេលដើរលេងជាមួយអ្នក ទាំងនេះមិនអាចអត់ធ្មត់បានឡើយ។ ដូច្នេះ អ្នកត្រូវហ៊ានប្រាប់គាត់ពីទង្វើរទាំងនេះ ដើម្បីពង្រឹងចំណងស្នេហា ក៏ដូចជាពង្រឹងអត្តចរិតគាត់ផងដែរ។

រូបតំណាង

៦. បើស្រលាញ់ ត្រូវតែផ្ដល់កិត្តិយសឲ្យគ្នា

ការគោរពចំពោះគ្នា ជារឿងសំខាន់មិនអាចខ្វះបានឡើយ មិនថាតែផ្លូវចិត្ត ផ្លូវកាយ។ រឹតតែមិនមែនគ្រាន់សម្ដែងនៅនឹងមុខ កឺត្រូវធ្វើទាំងនៅក្រោយខ្នង ហើយក៏មិនមែនធ្វើដោយបង្ខំចិត្តដែរ។ កុំដើម្បីតែស្នេហា សុខចិត្តឲ្យគេជាន់ឈ្លីកិត្តិយស គេមើលងាយម្ដងហើយម្ដងទៀត។

រូបតំណាង

៧. កុំខ្ជះខ្ជាយពេលវេលា លើស្នេហាដែលគ្មានលទ្ធផល

ស្នេហា អាចបណ្ដាលឲ្យមនុស្សបាត់ភាពជាខ្លួនឯង រហូតពេលខ្លះ ច្បាប់ទម្លាប់ដែលខំប្រឹតប្រៀបតាំងពីដើមមក បែរជាម្នាក់ទៀតមិនឃើញតម្លៃ។ មិនថាអ្នកបានលះបង់ធំធេងយ៉ាងណា ក៏គាត់មិនអាចកែប្រែអត្តចរិត និងគ្មានក្តីសង្ឃឹមថាពេលវេលាមិនអាចឲ្យគាត់ត្រលប់មកដូចដើម។ ដល់ពេលនោះ អ្នកគួរតែឈប់ស្រលាញ់គេ ហើយមកស្រលាញ់ខ្លួនឯងវិញទៅ ព្រមឲ្យគេទៅចុះ ទទួលស្គាល់ការពិតទៅថាគេមិនបានគិតដូចអ្នកគិតឡើយ។ កាត់ចិត្តហើយបើកបេះដូងស្វែងរកអ្នកថ្មី ជាការល្អជាង។

រូបតំណាង

បុរសល្អ នឹងនាំអ្នកទៅរស់នៅក្នុងជីវិតមួយកាន់តែប្រសើរ កាន់តែសប្បាយ និងមានសុខភាពល្អ ព្រមទាំងរួមគ្នាដោះស្រាយបញ្ហាផ្សេងៗ។ បុរសម្នាក់នោះ ចេះលើកទឹកចិត្ត ផ្ដល់ដំបូន្មាន និងឲ្យអ្នកសើចទោះជួបថ្ងៃដ៏អស់សង្ឃឹមបំផុតក៏ដោយ។ មិនមែនជាបុរសដែលចូលមកផ្ដល់តែបញ្ហា នាំតែការកើតទុក្ខ ឈឺចាប់មិនចប់មិនហើយ នោះទេ៕

អានបន្ត៖ ស្នេហាគឺពិបាកយល់បែបនេះ ទោះឈឺចាប់យ៉ាងណា តែនៅមិនអាចបោះបង់បាន

ប្រភព៖ Spiceee ប្រែសម្រួល៖ លឹម សុនា