កំហុសឆ្គងពេលសង់ទ្វារទាំង៤ ធ្វើឲ្យលុយហូរចេញដូចទន្លេ គ្មានថ្ងៃសល់លុយ

2020-01-08 03:00:00
ចំនួនមតិ 0 | ចំនួនចែករំលែក 0

យោងតាមក្បួនហុងស៊ុយ ទ្វារធំមុខផ្ទះ គឺជារបស់ដែលរក្សាទ្រព្យសម្បត្តិរបស់ក្រុមគ្រួសារទាំងមូល ដូចនេះបើសង់ខុសក្បួននោះ ទ្រព្យនឹងចែកជើងគ្នាហូរចេញដូចទឹក។ ខាងក្រោមនេះគឺជាកំហុសឆ្គងមួយចំនួននៅពេលសង់ទ្វារផ្ទះដែលអ្នកគួរជៀសវាង។

រូបតំណាង

**១. ទ្វារនៅទល់មុខជ្រុងស្រួច**

តាមតម្រាហុងស៊ុយ បើទ្វារនៅទល់មុខជ្រុងស្រួចគឺជាការឆុងដ៏កាចបំផុត។ ជ្រុងស្រួចមុខផ្ទះដូចជាច្រមុះជ្រូក ផ្លូវបំបែកជា២ ផ្លូវបំបែកជាបី ត្រូវបានគេចាត់ទុកថាជាអ្នកបំផ្លាញទ្រព្យផ្ទះ។ អាស្រ័យហេតុនេះហើយ នៅពេលទិញដី ទិញផ្ទះ អ្នកគួរជៀសវៀងកន្លែងដែលមានចំណុចទាំងនេះ។ បើប៉ះចំមានកន្លែងទាំងនេះហើយ យើងអាចជៀសវាងវិញដោយការបង្វែរទិសផ្ទះ

រូបតំណាង

២. ទ្វារមុខ និងទ្វារក្រោយស្របគ្នា

ទ្វារមុខ និងក្រោយដែលមានលក្ខណៈស្របគ្នា ឬមើលពីមុខ ធ្លាយដល់ក្រោយគឺសុទ្ធសឹងតែជារបៀបទ្វារដែលត្រូវតមទាំងអស់។ ទ្វារបែបនេះ ត្រូវគេហៅថាផ្លូវដែកធ្លុះ និងមានហុងស៊ុយមិនល្អឡើយ។ វាបង្ហាញឲ្យឃើញថា លុយរកចូលច្រកមុខ និងចេញអស់តាមច្រកក្រោយ។ ដើម្បីជៀសវាង យើងគួរធ្វើទ្វារមុខក្រោយ នៅលើជ្រុងខុសគ្នា ឧទាហរណ៍ទ្វារមុខធ្វើខាងស្ដាំផ្ទះ ទ្វារក្រោយគួរធ្វើខាងឆ្វេងផ្ទះ។

រូបតំណាង

៣. ទ្វារមុខកញ្ឆត ហើយបែកកញ្ចក់

ទ្វារមុខនៅក្នុងក្បួនហុងស៊ុយត្រូវបានប្រៀបថាជាអ្នកយាមទ្រព្យសម្បត្តិនៅក្នុងផ្ទះ។ ដូចនេះបើទ្វារមានលក្ខណៈកញ្ឆត ពុក ឬបែកកញ្ចក់នោះ ប្រាក់កាក់របស់ម្ចាស់ផ្ទះ ក៏ហូរចេញតាមចន្លោះទាំងអស់នោះដែរ។ អាស្រ័យហេតុនេះ ទ្វារធំមុខផ្ទះ គួរជ្រើសយកលក្ខណៈដែលរឹងមាំ ធន់នឹងទឹកភ្លៀង ក៏ដូចជាកម្ដៅថ្ងៃ និងគួរជួសជុលភ្លាមៗបើមានការបាក់បែកជៀសវាងទុកឲ្យខូចយូរ៕

អានបន្ត៖ ៤ វត្ថុតំណមដាច់ខាតមិនឲ្យដាក់នៅក្បាលដំណេក បើមិនចង់ឲ្យយកគ្រោះដាក់ខ្លួន

ប្រភព៖ Eva ប្រែសម្រួល៖ Caramel