ទៅមើលខនសឺតជាមួយកូន អ្នកម្ដាយត្រូវយល់ច្រឡំថាជាសង្សាររបស់កូនព្រោះក្មេងស្អាតពេក

2019-12-31 02:30:00
ចំនួនមតិ 0 | ចំនួនចែករំលែក 0

ពេលខ្លះក្មេងជាងអាយុពិតខ្លាំងពេកក៏មិនមែនជារឿងងាយស្រួលឡើយ ដ្បិតអ្នកអាចត្រូវគេយល់ច្រឡំដោយរឿងប្លែកៗជាច្រើន។

មុននេះបន្តិច អ្នកម្ដាយមួយរូបបានល្បីពេញបណ្ដាញសង្គមនៅពេលចុះផ្សាយរូបភាពរបស់ខ្លួនរួមជាមួយកូន។ តាមនោះដែរ ម្ដាយកូនមួយគូនេះ មកពីទីក្រុង Dao Yuan កោះតៃវ៉ាន់ ហើយពួកគេបានចូលរួមក្នុងកម្មវិធីប្រគំតន្ត្រីរបស់ ក្រុមចម្រៀង Mayday។ តាមកម្រងរូបដែលអ្នកម្ដាយរូបនេះបង្ហោះលើបណ្ដាញសង្គម គេពិបាកជឿណាស់ថា នាងមានអាយុបងកូនរបស់ខ្លួនដល់ទៅ២០ឆ្នាំ។

ដោយអ្នកទៅមើលខនសឺតជាមួយគ្នាបានសួរថា តើអ្នកទាំង២ជាសង្សារនឹងគ្នា មែនឬមិនមែន? តាមការស្រាវជ្រាវ អ្នកម្ដាយរូបស្រស់នេះគឺជាជាងផាត់មុខ ដូចនេះហើយ នាងពូកែថែរក្សាសម្រស់របស់ខ្លួនណាស់ បើទោះបីជានាងមានអាយុ៤០ប្លាយហើយក្ដី ក៏នៅតែមានមុខក្មេង និងរាងខ្ញង់នៅឡើយ។ ក្រៅពីកូនប្រុសដែលកំពុងរៀនវិទ្យាល័យទៅមើលខនសឺតជាមួយគ្នានេះ នាងក៏មានកូនម្នាក់ទៀតដែលកំពុងរៀនបឋមសិក្សាផងដែរ៕

អានបន្ត៖ Jun Ji Hyun ក្លាយជាកំពូលសេដ្ឋីនីអចលនទ្រព្យថ្មី វ៉ាមុខតារាប្រុសជាច្រើន

ប្រភព៖ Kenh14 ប្រែសម្រួល៖ Caramel