បើញ៉ាំម្នាស់ស្បែកក៏ស្អាត សុខភាពក៏ល្អ ចាំអីទៀត ម៉េចមិនញ៉ាំពីថ្ងៃនេះទៅ

2019-12-17 05:05:00
ចំនួនមតិ 0 | ចំនួនចែករំលែក 0

ផ្លែម្នាស់មិនត្រឹមតែមានរសជាតិឈ្ងុយឆ្ងាញ់សម្រាប់អ្នកចូលចិត្តរសជាតិជូរនោះទេ ផ្លែឈើប្រភេទតំបន់ត្រូពិកមួយនេះក៏ជួយដល់រាងកាយមនុស្សជាច្រើនជំពូកផងដែរ។

រូបតំណាង

**១. ល្អសម្រាប់ប្រព័ន្ធភាពស៊ាំ**

នៅពេលអ្នកឧស្សាហ៍ផឹកទឹកចំរាញ់ចេញពីផ្លែម្នាស់ ប្រព័ន្ធភាពស៊ាំរបស់អ្នកនឹងមាំជាងមុន ។ ប្រសិនបើអ្នកមានរបួស នោះដំបៅរបស់អ្នកនឹងឆាប់ជាជាង អ្នកដែលមិនផឹកទឹកម្នាស់។ យោងតាមការពិសោធន៍របស់អ្នកជំនាញ នៅក្នុងផ្លែម្នាស់សំបូរទៅដោយវីតាមីន C, A, E ដែលធ្វើឲ្យអង់ទីគ័ររបស់អ្នកខ្លាំងជាងមុន។

២. ជំនួយប្រព័ន្ធរំលាយអាហារ

នៅក្នុងផ្លែម្នាស់មានផ្ទុកសារជាតិ bromelain និង enzyme ដែលធ្វើឲ្យប្រព័ន្ធរំលាយអាហាររបស់អ្នកដើរបានល្អជាងមុន។ ក្រៅពីនោះ bromelain ក៏បង្ហាញឲ្យឃើញថា អាចកាត់បន្ថយស្នាមជាំ និងខ្ទាំ កាត់បន្ថយរយៈពេលព្យាបាលជំងឺផងដែរ។

រូបតំណាង

៣. ជួយឲ្យស្បែកស្អាត

នៅក្នុងទឹកម្នាស់មានវីតាមីន C និង beta-carotene ដែលសុទ្ធតែជាសារជាតិទប់ស្កាត់នឹងភាពចាស់ជរាបានល្អបំផុត។ សារជាតិ២នេះ អាចជួយឲ្យស្បែកប្រឆាំងជាមួយនឹងស្នាមជ្រួញ បរិយាកាសអាក្រក់ ក៏ដូចជាកំដៅថ្ងៃបានល្អបំផុត។ វីតាមីន C ក៏ជួយឲ្យស្បែកបង្កើត collagen ធ្វើឲ្យស្បែកមិនយារធ្លាក់៕

អានបន្ត៖ ភេសជ្ជៈទាំង ៤ ប្រភេទញុំាប៉ូវទាំងសុខភាពនិងល្អសម្រាប់ការបញ្ចុះទម្ងន់

ប្រភព៖ Phunutoday ប្រែសម្រួល៖ Caramel