ទម្លាប់របស់អ្នកម្តាយទាំង​៩ នេះហើយផ្តល់ទុក្ខទោសដល់ទារកក្នុងផ្ទៃដោយមិនដឹងខ្លួន

  • 2019-12-17 02:40:00
  • ចំនួនមតិ 7 | ចំនួនចែករំលែក 165

ការ​សិក្សាមួយ​បាន​បង្ហាញ​ឲ្យដឹង​ថាការ​បាក់​ទឹកចិត្ត​និង​ការថប់​បារម្ភ​ចំពោះស្ត្រី​មាន​ផ្ទៃ​ពោះ​អាច​បង្កើន​ឱកាស​នៃការ​កើត​មិនគ្រប់​ខែ​និង​ទម្ងន់​ទារក​ទាប ប៉ុន្តែក៏​មានរឿង​ខ្លះ​ទៀត​ដែល​អា​ច​ប៉ះ​ពាល់​ដល់អនាគត​កូន​អ្នក។ បន្ទាប់ពី​អាន​អត្ថបទ​នេះ​អ្នក​នឹង​រៀន​អំពី​ឥរិ​យា​បទ​និង​សកម្ម​ភាព​មួយ​ចំនួន​ដែលជា​ការប្រសើរ​ក្នុង​ការចៀសវាង​អំឡុង​ពេល​ពពោះរួមមាន៖

១. ការស្រែកនិង​វាយ​ប្រតប់គ្នា

ការ​វាយ​ប្រតប់​គ្នា​បណ្តាល​ឲ្យមាន​ការបាក់​ទឹក​ចិត្ត​និងការ​ថប់​អារម្មណ៍​ចំពោះ​ទារក​ក្នុង​ផ្ទៃ​ដោយវា​មានផល​ប៉ះពាល់​ដល់ទារក​ទៅថ្ងៃ​អនាគត។ ជា​ពិសេស​ប្រព័ន្ធ​ភាពស៊ាំ​ខួរ​ក្បាល​របស់​ពួក​គេ។ ក្រៅ​ពីនេះ​ការស្រែក​អាច​មិន​ល្អ​សម្រាប់​ម្តាយ​និងនាំ​ឱ្យឈឺ​ក្បាល​ក្អតចង្អោរ​និង​បញ្ហា​ដំណេកជាដើម។

អ្វីគួរ​ធ្វើ៖

សម្រាក​ឲ្យគ្រប់​គ្រាន់ និងគេង​ឲ្យបាន​ទៀងទាត់ ធ្វើ​សមាធិ ពិភាក្សា​ជាមួយ​គ្រូពេទ្យ ដើរ​លេង​ស្រូបយក​ខ្យល់​បរិសុទ្ធ​ជាដើម។

រូបតំណាង

២. ទទួលទាន​អាហារមាន​ជាតិស្ករ​ច្រើនពេក

ការសិក្សា​មួយបាន​ឲ្យដឹងថា ចំពោះអ្នក​ម្តាយណា​ដែល​ទទួលទាន​អាហារ​ដែលមា​នជា​តិ​ស្ករ​ច្រើនពេក​ធ្វើឲ្យ​ទារក​មាន​បញ្ហា​ការចង​ចាំ។

អ្វីគួរ​ធ្វើ៖

ញុំាផ្លែឈើ​ច្រើនជាង​អាហារ​មានជាតិស្ករ​និង​បន្ថយ​ការទទួល​​ទានសូដា។

រូបតំណាង

៣. ការផ្លាស់​ប្តុរអារម្មណ៍

ការផ្លាស់​ប្តូរអារម្មណ៍​អំឡុង​ពេល​មាន​ផ្ទៃពោះ​គឺជា​រឿង​ធម្មតា។ ដំបូង​អ្នក​តែង​មាន​អារ​ម្មណ៍​រំភើប​ប៉ុន្តែ​បន្ទាប់​មកភាព​តានតឹង​និងការរំភើប​ពេក។ វាអាច​ទាក់​ទង​ទៅនឹង​ការ​ត្រៀមខ្លួន​ក្លាយជា​ឪពុកម្តាយ​របស់គេ​លើក​ដំបូង។

អ្វីគួរ​ធ្វើ៖

សម្រាក​ឲ្យបាន​គ្រប់គ្រាន់ ដើរលេង​ស្រូបយក​ខ្យល់ឱកាស ទៅមើល​កុនជា​មួយ​មិត្ត​ភក្តិ​ឬ​ធ្វើសមាធិ។

រូបតំណាង

៤. គេង​សម្រាក​នៅក្នុង​អាងទឹក​ក្តៅ​ឬ​សូណា

កម្តៅខ្លាំង​នៅក្នង​អាងទឹក​ឬបន្ទប់​សូណាអាច​ជាក្តីបារម្ភ​សម្រាប់​ស្ត្រីព​ពោះ។ វា​អាចជា​ការ​សម្រាក​ស្រួលសម្រាប់​អ្នក តែ​សម្រាប់​កូនរបស់​អ្នកពិត​ជាមិន​អាច​ឡើយ។

អ្វីគួរ​ធ្វើ៖

មិនគួរ​ដាក់កម្តៅ​ខ្លាំង​និង​មុជយូរ​ជាង ១០ នាទី​នោះ​ទេ មុជ​ទឹក​ក្តៅឧណ្ហៗ​ដែល​ស្មើទៅ​នឹង​សីតុណ្ហភាព​ខ្លួនរ​បស់អ្នក ក្នុង​ករណីណាក៏​ដោយសូម​ជជែក​ជាមួយ​គ្រូពេទ្យ បើមាន​កា​រអនុញ្ញាត​អ្នក​អាច​កំណត់​ពេលវេលា​ចំណាយ​នៅក្នុង​បន្ទប់​សូណា​បាន។

រូបតំណាង

៥. ការយំ

ជាធម្មតា​បើអ្នកយំ​អំឡុង​ពេល​ពពោះតែវា​នឹងធ្វើឲ្យ​អ្នកឆាប់​មាន​អារម្មណ៍​រំជួប​រំជួល​ជាង​មុន។ តែអ្នកគួរ​កត់​សម្គាល់​អាការ​មួយ​ចំនួន​ដូចជា ការបាត់​បង់​ចំណង់​អាហារ មាន​អារម្មណ៍​ងងុយ​គេង និង​មិន​មាន​អារម្មណ៍​ធ្វើ​សកម្មភាព​ផ្សេងៗ។

អ្វីគួរ​ធ្វើ៖

បើមាន​អាការបែប​នេះច្រើន​ជាង ២ សប្តាហ៍ សូមនិយាយ​ទៅកាន់​គ្រូពេទ្យ ឬក៏ព្យាយាម​និយាយ​ជាមួយ​ស្ត្រីមាន​ផ្ទៃពោះ​ដទៃ។

រូបតំណាង

៦. បញ្ហាវិ​កលចរិក

ក្នុងអំឡុង​ពេល​មាន​ផ្ទៃពោះ​អារម្មណ៍​របស់ស្ត្រី​អាចមាន​ភាពច្របូក​ច្របល់។ នេះមិន​អាច​កើត​​ឡើង​ញឹកញាប់​ទេ​ប៉ុន្តែវា​អាច​វិវត្តទៅ​ជាជំងឺ​វិកល​ចរិកបាន។

អ្វីគួរ​ធ្វើ៖

ប្រសិន​បើមាន​នរណា​ម្នាក់​បង្ហាញ​សញ្ញា​ទាំង​នេះសូម​កុំស្ទាក់​ស្ទើរ​ក្នុង​ការពិគ្រោះ​យោបល់​ជា​មួយ​វេជ្ជ​ផ្ទាល់់​ស្វែងរក​ជំនួយ​ផ្នែក​វេជ្ជសាស្ត្រ​ភ្លាមៗ។

រូបតំណាង

៧. បញ្ហាគេង

យោងតាម​អ្នកស្រាវជ្រាវ​បានឲ្យ​ដឹងថា មានស្ត្រី​ប្រមាណ​ជាង ៧៨% មាន​បញ្ហាក្នុង​ការ​សម្រាន្ត​អំឡុង​ពេលមាន​ផ្ទៃពោះជាង​ធម្មតា។ នេះ​បណ្តាល​មកពី​អរម៉ូន​របស់ស្ត្រី​ផ្ទាល់។

អ្វីគួរ​ធ្វើ៖

ព្យាយាម​គេងតាម​ការ​កំណត់ ធ្វើលំហាត់​ប្រាណ​ឲ្យបាន​យ៉ាង​តិច ៣០ នាទីក្នុង​មួយថ្ងៃ ញុំា​រ​បស់រាវ​ឲ្យច្រើន និង​ពិភាក្សា​ជាមួយ​គ្រូពេទ្យ​ថាគេង​របៀប​ម៉េច​ទើបល្អ។ា

រូបតំណាង

៨. ធ្វើ​សកម្មភាព​តិច

ការឡើង​ទម្ងន់ក្នុង​អំឡុងពេលព​ពោះអាច​មានផល​វិបាក​ចំពោះ​ការលូត​លាស់របស់​ទារក​និងការ​ថែរក្សា​ទម្ងន់រ​បស់ម្តាយ​ក្រោយ​សម្រាល​កូនរួច។ លើសពី​នេះវា​អាច​បង្កឲ្យ​មាន​ការ​ធាត់លើស​ទម្ងន់​របស់ក្មេង​ទៀត​ផង។ សកម្មភាព​រាងកាយ​វាមាន​អត្ថ​ប្រយោជន៍​សម្រាប់រា​ងកាយ​ដល់ម្តាយ​និង​ទារក។

អ្វីគួរ​ធ្វើ៖

វេជ្ជបណ្ឌិត​ណែនាំឲ្យធ្វើ​​លំហាត់​ប្រាណ​ឲ្យបាន ៣០ នាទី​ក្នុង​មួយថ្ងៃ​និងដើ​រស្រូប​យក​ខ្យល់​ឱកាស​ដើម្បីស្រូប​យកអុក​ស៊ីសែន។

រូបតំណាង

៩. ការទទួលទាន​ជាតិ​កាហ្វេអ៊ីន​ច្រើន

ជាទូទៅ​មិនមាន​ការ​សិក្សា​ណាដែល​និយាយថា​វាត្រូវ​បាន​ហាម​ឃាត់មិន​ឱ្យផឹក​ជាតិ​កាហ្វេ​អ៊ីន​ជាពិសេស​ក្នុង​កម្រិត ៣០០ មីលីក្រាម​​ក្នុងមួយថ្ងៃឬ​លើសនេះទេ វាមិន​បណ្តាលឱ្យ​មាន​ពិការ​ភាពពី​កំណើតទេ។ ប៉ុន្តែក្នុង​អំឡុងពេល​មានផ្ទៃពោះ​វាគួរតែត្រូវ​បាន​កំណត់។ អ្នក​គួរ​ចងចាំ​ថាជាតិកាហ្វេអ៊ីន​ក៏ឆ្លងកាត់​សុកដែរ​ហើយចូលក្នុង​ចរន្តឈាម​របស់ទារក។

អ្វីគួរ​ធ្វើ៖

គួរតែ​ទទួល​ទាន ១ ទៅ ២ កែវក្នុង​មួយ​ថ្ងៃបាន។

រូបតំណាង

ចុចអានបន្ត៖

មូលហេតុទាំង ៦ ដែលអ្នកគួរតែឈប់គេងទៅខាងស្តាំឬលើក្រពះរបស់អ្នក

ប្រភព៖ Brightside ប្រែ​សម្រួល៖ សុវណ្ណ ស្រីពីន