ស្អាតប្លែក! ស្ទីលផាត់មុខបែបពេញនិយមទាំងនេះនឹងធ្វើឱ្យអ្នកលេចធ្លោគ្រប់កម្មវិធី

2019-12-13 04:30:00
ចំនួនមតិ 0 | ចំនួនចែករំលែក 0

សុភាពនារីយើងតែងជួបប្រទះផលវិបាកពេលមានកម្មវិធីម្តងៗ ទាំងសម្លៀកបំពាក់ ទាំងសក់ ហើយជាពិសេសគឺ ការផាត់មុខទៀតផង។ ស្របពេលកំពុងរវល់នឹងកម្មវិធីជាប់ៗគ្នាច្រើនហើយនៅមកអង្គុយរកនឹកម៉ូដសក់ ឬ ស្ទីលផាត់មុខទៀត គឺកាន់តែចំណាយពេលច្រើនទៀតហើយ។ ដូច្នេះ អ្នកអាចក្រឡេកមកជ្រើសរើសនូវស្ទីលផាត់មុខទាំងនេះ ដែលកំពុងពេញនិយមគ្រប់ស្រទាប់ អាចផាត់បានមិនថាអ្នកមានវ័យក្មេង ឬ ចំណាស់នោះទេ៖

រូបតំណាង

ដូចដែលអ្នកបានឃើញស្រាប់ ស្ទីលផាត់មុខទាំងនេះសុទ្ធសឹងតែមិនប្រើពណ៌ក្រែមដុតខ្លាំង ឬ ក្រម៉ៅពេកនោះទេ ព្រោះវាអាចមិនសូវធ្វើឱ្យផ្នែកផ្សេងទៀតលេចធ្លោ។ ការជ្រើសរើសពណ៌ក្រែមស្រាលៗល្មម ជួយឱ្យគេចាប់អារម្មណ៍ផ្ទៃមុខទាំងមូល ជាពិសេសគឺភ្នែក។ មិនថែមតែប៉ុណ្នោះ វាជួយធ្វើឱ្យមើលទៅបែបសុភាពផងដែរ ជាមួយនឹងការផាត់ភ្នែកពណ៌ស្រាលៗដូចគ្នា ហើយមិនគូរកន្ទុយភ្នែកឡើងខ្លាំងពេកនោះទេ។

រូបតំណាង

រីឯរោមភ្នែកក៏មិនចាំបាច់ពាក់រោមភ្នែកដែលមានលក្ខណៈក្រាស់ ឬ ខ្មៅខ្លាំងពេកដែរ គឺវែងល្មមសមនឹងភ្នែក មិនស្តើងពេក មិនក្រាស់ពេក រួមជាមួយការគូរចិញ្ចើមពណ៌ស្រាលល្មមដែលស័ក្តិសមនឹងពណ៌សក់របស់អ្នកទៀតនោះ វានឹងធ្វើឱ្យការផាត់មុខមើលទៅស្អាតបែបធម្មជាតិ ហើយអាចចូលរួមបានគ្រប់កម្មវិធីតែម្តង៕