មាត់​បេះដូង​មិន​ទាន់​ហួស​សម័យ​ផង ឥលូវ​មាន​មាត់​រូប​ផ្លែ​រណា​រ អារឈើ​ទៀត

  • 2019-12-03 04:00:00
  • ចំនួនមតិ 0 | ចំនួនចែករំលែក 0

រដូវ​បុណ្យ​ណូអែល និង​ចូល​ឆ្នាំ​សកល​ខាង​មុខ​នេះ ប្រសិន​បើ​អ្នក​មិន​ទាន់​មាន​គម្រោងថា​ត្រូវ​តែង​ខ្លួន​យ៉ាង​ម៉េច​ឲ្យ​លេចធ្លោ​ទេ អ្នក​អាច​សាក​ស្ដាយ​គូរ​មាត់​រាង​ផ្លែ​រណារ​អារ​នេះ​បាន។

ពិភពលោក ពី​មួយ​ថ្ងៃ​កាន់​តែ​វិវឌ្ឍន៍​ទៅ​ៗ រហូត​ដល់​ថ្នាក់​មាន​រឿង​ខ្លះ​ធ្វើ​ឲ្យ​យើង​នឹក​ស្មាន​មិន​ដល់។ ជាក់​ស្ដែង រយៈ​ពេល​កន្លង​មក គឺ​មាន​ស្ដាយ​តែង​ខ្លួន​ប្លែក​ៗបាន​លេច​ឡើង​លើ​បណ្ដាញ​សង្គម​ដែល​ធ្វើ​ឲ្យ​មនុស្ស​គ្រវី​ក្បាល​គ្រប់​គ្នា។

ខណៈ​ឆ្នាំ​នេះ​ជិត​ឈាន​ដល់​ទី​បញ្ចប់​ហើយ ហើយ​គេ​រំពឹង​ថា​នឹង​មិន​មាន​អ្វី​ប្លែក​កើត​ឡើង​ទៀត​នោះ ស្រាប់តែ​ថ្មី​ៗ​នេះ  មាន​ស្ដាយ​ផាត់​មុខ​ចម្លែក​មួយ​ទៀត បាន​ផុស​ឡើង​ពេញ​បណ្ដាញ​សង្គម។ នៅ​ពេល​ក្រឡេក​មើល​ភ្លាម គេ​អាច​គិត​ថា​នេះ​គឺ​ជា​ស្នាដៃ​របស់​ការ​កាត់​ត​រូប​ភាព តែ​តាម​ពិត​គឺ​ពិត​១០០%​តែ​ម្ដង។

ការ​តែង​ខ្លួន​បែប​ចម្លែក​គ្មាន​២​នេះ គឺ​គូរ​បបូរ​ឲ្យ​មាន​រាង​ស្រួចៗ​ ដូច​នឹង​ផ្លែ​រណារ​អារ។ មនុស្ស​ជា​ច្រើន​បាន​រិះគន់​ស្ដាយ​គូរ​មាត់​នេះ ត្បិត​វា​មិន​បាន​លើក​សម្រស់​ដល់​ម្ចាស់​បបូរ​មាត់​ឡើយ។ មុន​នោះ​ដែរ ស្ដាយ​បបូរ​មាត់​បេះដូង តែ​គូរ​ចេញ​ជា​រាង​បេះដូង​ជ្រុល ក៏​ទទួល​បាន​មតិ​អវិជ្ជមាន​មិន​តិច​ដែរ ដោយ​ត្រូវ​បាន​គេ​លើក​ឡើង​ថា​ក្លែងក្លាយ​ពេក មិន​ធម្មជាតិ៕

ចុចអានបន្ត៖ វិធីធម្មជាតិកម្ចាត់មុនខ្សាច់និងមុនក្បាលខ្មៅ ចេញពីមុខខ្ទេចគ្មានសល់

ប្រភព៖ Kenh14 ប្រែ​សម្រួល៖ Caramel

អត្ថបទពេញនិយម