ខ្លាចខ្លួនទៅការអត់អ្នកបង្រៀនសិស្ស អ្នកគ្រូម្នាក់សុខចិត្តរៀបការនៅសាលាតែម្ដង
- 2019-11-27 03:10:00
- ចំនួនមតិ 0 | ចំនួនចែករំលែក 0
ខ្លាចខ្លួនទៅការអត់អ្នកបង្រៀនសិស្ស អ្នកគ្រូម្នាក់សុខចិត្តរៀបការនៅសាលាតែម្ដង
ពិធីមង្គលការសាមញ្ញនៅតំបន់ស្រុកស្រែកបានធ្វើឲ្យមនុស្សជាច្រើនរំជួលចិត្តជាខ្លាំង ដោយសារទឹកចិត្តរបស់អ្នកគ្រូម្នាក់។
កាលពីពេលថ្មីៗនេះ ពិធីមង្គលការមួយត្រូវបានប្រព្រឹត្តឡើងនៅសាលាបឋមសិក្សានៅស្រុក Yin Tan ស្រុក Hunan ប្រទេសចិន។ កូនក្រមុំមានឈ្មោះថា Liu Mei Di ជាអ្នកគ្រូថ្នាក់ទី២ បង្រៀនមុខវិជ្ជាភាសាចិន នៅសាលាខាងលើ។ នៅពេលនោះដែរ អ្នកគ្រូ Mei Di បានគ្រងឈុតកូនក្រមុំយ៉ាងស្រស់ស្អាត តែជំនួសឲ្យការកាន់បាច់ផ្កាចំរុះពណ៌នោះ កូនក្រមុំរូបនេះបែរជាកាន់សៀវភៅពុម្ពទៅវិញ។
តាមនោះដែរ កូនក្រមុំចិត្តធម៌បានបានឲ្យដឹងថា តាមការពិតនាងមានច្បាប់រៀបការ ប៉ុន្តែនាងមិនបានប្រើឡើយ ដោយសារសាលាទាំងមូលមានគ្រូតែ៧នាក់ ដូចនេះបើនាងឈប់ សិស្សប្រាកដជាគ្មានអ្នកបង្រៀនឡើយ។ ដូចនេះ នាងក៏បង្រៀនដូចធម្មតា ហើយឲ្យកូនកំលោះមកទទួលកូនក្រមុំនៅសាលាតែម្ដង។ គួរឲ្យភ្ញាក់ផ្អើល ម្ដាយក្មេករបស់នាងក៏យល់ព្រមនឹងគម្រោងនេះដែរ។
អ្វីដែលមានសុភមង្គលបំផុតនោះគឺ សិស្សរបស់អ្នកគ្រូ Mei Di បានឈរតាមសងខាងផ្លូវនៅពេលស្វាមីអ្នកគ្រូមកទទួល។ អ្នកប្រើបណ្ដាញសង្គម បានសរសើរនូវទឹកចិត្តរបស់អ្នកគ្រូវ័យក្មេងនេះជាខ្លាំង៕
ចុចអាន៖ ជិតសម្រាលកូន ជួបរឿងអត់សប្បាយចិត្ត នារីម្នាក់កើតកូនក្នុងក្លឹបតែម្ដង