ជិតសម្រាលកូន ជួបរឿងអត់សប្បាយចិត្ត នារីម្នាក់កើតកូនក្នុងក្លឹបតែម្ដង

2019-11-25 03:05:00
ចំនួនមតិ 0 | ចំនួនចែករំលែក 0

នារីវ័យ១៩ឆ្នាំ មិនបាននឹកស្មានឡើយថា កន្លែងដែលខ្លួនមកសប្បាយនេះ ក៏ជាកន្លែងដែលនាងសម្រាលកូនតែម្ដង។

មុននេះបន្តិច បណ្ដាញព័ត៌មាន Foxnews បានឲ្យដឹងថា វេលាម៉ោង៥កន្លះភ្លឺ នៅក្លឹបកំសាន្តក្នុងទីក្រុង Toulouse ប្រទេសបារាំង។ នៅពេលនោះ ក្លឹបបានបិទទ្វារសំរាកទៅហើយ ស្រាប់តែបុគ្គលិកម្នាក់បានប្រទះឃើញនារីម្នាក់ដេកនៅលើឥដ្ឋក្នុងអាការៈជិតសម្រាលកូន។ បុគ្គលិកនេះក៏ប្រញាប់ប្រាប់អ្នកគ្រប់គ្រងរបស់ខ្លួន។

រូបតំណាង

អ្នកគ្រប់គ្រងហាង Marie-Helene បានឲ្យដឹងថា ៖ "នៅពេលនោះបុគ្គលិកនៅច្រើន ក៏មានបុគ្គលិកម្នាក់រត់មកប្រាប់ថា មានករណីបន្ទាន់មួយ។ នៅពេលខ្ញុំទៅដល់ ក៏ឃើញនារីវ័យក្មេងម្នាក់កំពុងជិតសំរាលកូន។ ពួកខ្ញុំក៏ប្រញាប់ហៅឡានពេទ្យ តែទារកបានជិតចេញមកហើយ។ បុគ្គលិកស្រី២នាក់ក៏ជួយសម្រាលកូនតែម្ដង”។

រូបតំណាង

ក្រោយនោះបន្តិច ឡានពេទ្យទើបមកដើម្បីជូនម្ដាយ និងទារកទៅបន្តថែទាំនៅពេទ្យ។ ប្រធានក្លឹបបានឲ្យដឹងថា នារីវ័យក្មេងរូបនេះ ទោះបីជាជិតកើតកូនក៏ដោយ តែនៅមកលេងក្លឹបដោយសារមានរឿងមិនសប្បាយចិត្ត ប៉ុន្តែនាងមិនបានផឹកស្រានោះឡើយ៕

ចុចអាន៖ អស់ទាំងលុយ អស់ទាំងកម្លាំងរៀបចំកម្មវិធី សារភាពប្រាប់ Crush តែសារភាពច្រឡំមនុស្សទៅវិញ

ប្រភព៖ Phunuonline ប្រែសម្រួល៖ Caramel