ស្រីៗត្រូវប្រុងប្រយ័ត្ន នូវទង្វើ ៥ យ៉ាង ដែលមាននៅក្នុងខ្លួនប្រុសព្រាន

2019-11-22 10:15:00
ចំនួនមតិ 0 | ចំនួនចែករំលែក 0

មនុស្សប្រុសមិនមែនសុទ្ធតែខូចទាំងអស់គ្នានោះទេ ប៉ុន្តែមានមួយចំនួនធំ ដែលតែងតែប្រើចរិតព្រាននារី ដើម្បីបោកប្រាស់ស្រីៗ សឹងតែក្លាយជាទម្លាប់អាក្រក់ កែមិនឡើង។ ក្នុងនាមជាមនុស្សស្រីឆ្លាតមួយរូប អ្នកត្រូវតែចេះសង្កេតពីទង្វើ ៥ យ៉ាង ដើម្បីប្រុងប្រយ័ត្នឲ្យបានល្អ។

១. មនុស្សប្រុសអួត

រូបតំណាង

មនុស្សប្រុសប្រភេទនេះ ចង់ទាមទារចំណាប់អារម្មណ៍ពីស្រីៗ ដោយការអួតនេះអួតនោះឥតឈប់ឈរ។ មិនថាពេលអ្នកនិយាយសន្ទនាពីប្រធានបទអ្វីក៏ដោយ គាត់តែងតែលើកពីខ្លួនឯង ចង់បង្ហាញពីចំណុចលេចធ្លោ ព្រមទាំងអ្វីដែលធ្លាប់ទទួលបានពីមុន។ ដោយសារគិតចង់ទាក់ទាញចិត្តមនុស្សស្រី ទើបបានគាត់ព្យាយាមខំប្រឹងនិយាយអួត រហូតដល់ពេលខ្លះពន្លើសពីការពិតក៏មាន។

២. ចូលចិត្តសន្យាច្រើនជាងធ្វើ

រូបតំណាង

នេះគឺជាចរិតមួយដែលនារីគ្រប់រូបត្រូវប្រុងប្រយ័ត្នឲ្យបានខ្ពស់។ មនុស្សប្រុស ដែលបានតែសម្តី ចូលចិត្តសន្យាឬស្បថស្បែ ប៉ុន្តែមិនអាចធ្វើបានដូចមាត់ អ្នកអាចស្តាយក្រោយខ្លាំង ប្រសិនបើដាក់ចិត្តដាក់កាយ ជឿជាក់លើគេខ្លាំងពេក។

៣. និយាយកុហកសូម្បីតែរឿងតូចតាច

ប្រសិនបើអ្នកសង្កេតឃើញថា គាត់តែងនិយាយកុហកញឹកញាប់សូម្បីតែរឿងតូចតាច វាជាសញ្ញាគ្រោះថ្នាក់មួយហើយ។ ដរាបណា អ្នកទទួលយកមនុស្សប្រុសបែបនេះចូលមកក្នុងជីវិត បញ្ហាស្មុគស្មាញរាប់មិនអស់ នឹងរត់ចូលមកអ្នកដូចគ្នា។

៤. យកមិត្តភ័ក្តិជាធំ

គ្រាន់តែជួបជុំគ្នាយូរៗម្តង មិនមែនជាបញ្ហាធំណាស់ណាទេ ប៉ុន្តែបើគាត់ឲ្យតម្លៃ យកមិត្តភ័ក្តិជាធំ ហើយសឹងតែគ្មានពេលគ្រប់គ្រាន់នៅក្បែរអ្នកនោះ កុំយកខ្លួនបៀតល្អជាង។ មនុស្សរវល់យ៉ាងណាក៏ដោយ បើមានក្តីស្រលាញ់ពិត គេនៅតែអាចបែងចែពេលវេលាសម្រាប់អ្នក។

៥. មនុស្សប្រុសតែងខ្លួនហួសហេតុ

រូបតំណាង

មនុស្សប្រុសបើបារម្ភខ្វល់ខ្វាយពីសម្រស់ហួសហេតុពេកក៏មិនកើតដែរ។ ដោយសារមនុស្សប្រុសប្រភេទនេះ ត្រូវការឲ្យស្រីៗចាប់អារម្មណ៍ខ្លាំងមកលើខ្លួនឯង ដូច្នេះឲ្យតែពេលទៅណាមកណាម្តងៗបើមិនភ្លឹងគឺមិនចេញដាច់ខាត៕

ចុចអានបន្ត៖ បើអ្នកស្ថិតក្នុង Friend Zone កុំធ្វើរឿងទាំងនេះឲ្យសោះ

ប្រភព៖ Phunutoday ប្រែសម្រួល៖ ដេត ឈុនអ៉ី