រើសឆ្មាមួយដើម្បីដឹងថា អ្នកដទៃវាយតម្លៃបែបណាចំពោះអត្តចរិតរបស់អ្នក

2019-11-15 03:25:00
ចំនួនមតិ 0 | ចំនួនចែករំលែក 0

រូបឆ្មាចំនួន៥ខាងក្រោមនេះ បើអ្នករើសមួយនឹងអាចបង្ហាញច្បាស់ៗពីអត្តចរិត ព្រមទាំងការគិតរបស់អ្នកដទៃមកលើអ្នកថាគេគិតបែបណា។ តោះ! បន្ទាប់ពីរើសរូបមួយ ផ្ទៀងផ្ទាត់ចម្លើយមួយទាំងអស់គ្នា៖

ឆ្មាលេខ១

នៅក្នុងភ្នែកអ្នកដទៃ អ្នកជាមនុស្សពូកែអៀនប្រៀន មិនហ៊ាននិយាយអ្វីដែលអ្នកគិតចេញមកឡើយ។ តែចូលចិត្តញញឹមដាក់អ្នកដទៃជំនួសវិញ។ ម្យ៉ាងទៀត អ្នកក៏ជាមនុស្សទន់ភ្លន់ ចូលចិត្តគិតពីអ្នកដទៃ ហើយព្យាយាមផ្លាស់ប្តូរខ្លួនឯងដោយសារសម្តីរបស់គេ ព្រោះមិនចង់ឲ្យគេគិតថាអ្នកជាមនុស្សទន់ខ្សោយ និងមានបុគ្គលិកលក្ខណៈមិនល្អ។

តែតាមពិត នៅខាងក្នុងអ្នកជាមនុស្សអត់ធ្មត់ រឹងមាំ ដោយគ្រាន់តែលាក់បាំងតែប៉ុណ្ណោះ។ ចំពោះមនុស្សដែលអ្នកទើបតែស្គាល់វិញ អ្នករក្សាបាននូវគម្លាតយ៉ាងសមរម្យមួយ លុះត្រាតែជិតដិតនឹងគ្នាទើបអ្នកកសាងទំនុកចិត្តជាមួយ។ មុនរាប់អាននរណាម្នាក់ អ្នកច្រើនចំណាយពេល បន្ទាប់មកអ្នកនឹងចាត់ទុកគេជាមិត្តល្អ។

ឆ្មាលេខ២

នៅក្នុងកែវភ្នែករបស់អ្នកដទៃ អ្នកត្រូវគេចាត់ទុកជាមនុស្សរឹងមាំ គួរឲ្យស្រលាញ់តែចូលចិត្តភាពស្ងៀមស្ងាត់។ លើសពីនេះ ជាមនុស្សពិបាកទាយចិត្ត ច្រើនលាក់អារម្មណ៍ សូម្បីតែជាមួយមិត្តជិតស្និទ្ធ។ អ្នកតែងបង្ហាញអារម្មណ៍ងាយៗ ហើយពេលធ្វើអ្វីមួយច្រើនអ្នកផងទុកចិត្តខ្លាំងណាស់។

តែតាមពិត អ្នកគ្រាន់ធ្វើពុតជាមនុស្សរឹងមាំប៉ុណ្ណោះ មានពេលខ្លះអ្នកក៏ចេះទន់ជ្រាយ នៅពេលនរណាម្នាក់មិនយល់ពីអ្នក មិនព្រមបង្ហាញការបកស្រាយច្បាស់លាស់មួយដល់អ្នក។ ជួនកាលគ្រាន់តែរឿងតូចមួយសោះ ក៏អាចធ្វើឲ្យអ្នកប្រែប្រួលអារម្មណ៍ភ្លាមមួយរំពេច ប្រែជាមនុស្សស្ងៀមស្ងាត់។ ពេលជួបរឿងមិនសប្បាយចិត្ត អ្នកកម្រចែករំលែកទៅមិត្តភក្កិណាស់ ព្រោះខ្លាចគេមិនស្តាប់ មិនខ្វល់ ដូច្នេះសុខចិត្តលួចពួនយំម្នាក់ឯង។

ឆ្មាលេខ៣

អ្នកដទៃបានគិតមកលើអ្នកថាជាមនុស្សសុទិដ្ឋិនិយម ទោះស្ថិតក្នុងកាលៈទេសៈបែបណា ក៏អ្នកតែងគិតអ្វីវិជ្ជមានជាមុនដែរ។ សម្រាប់អ្នកចូលចិត្តរៀបចំគម្រោង ជាមនុស្សឧស្សាហ៍ព្យាយាម ហើយបើសម្រេចចិត្តធ្វើអ្វីត្រូវតែពុះពារឲ្យបានល្អបំផុត។ អ្នកតែងចង់ឲ្យជីវិតរស់នៅសុខស្រួល មានសុភមង្គល។ ម្ល៉ោះហើយ ក្នុងកែវភ្នែកអ្នកដទៃ អ្នកជាមនុស្សស្រលាញ់និងចេះមើលថែខ្លួនឯងបានយ៉ាងល្អ និងថែមទាំងដឹងពីរបៀបបង្កើតឲ្យជីវិតសប្បាយរីករាយទៀតផង។

សម្រាប់អារម្មណ៍ផ្ទាល់ខ្លួនអ្នកវិញ គឺមានផែនការមួយ មិនចូលចិត្តការបរាជ័យ តែក៏មិនចូលចិត្តប្រកួតប្រជែងនឹងអ្នកដទៃដែរ ព្រោះយល់ថាអ្វីដែលជារបស់អ្នកមិនចាំបាច់ប្រជែងដើម្បីបានវាមកនោះទេ។ អ្នកប្រឹងគ្រប់យ៉ាងដើម្បីរកប្រាក់ឲ្យបានច្រើន ហើយក៏ស្អប់ការកុហក មិនសមហេតុផល។ បើគេមិនបំពានអ្នក អ្នកក៏មិនឈ្លានពានគេដូចគ្នា គ្រប់យ៉ាងអ្នកសុខចិត្តរក្សាចិត្តគិតតែម្នាក់ឯង។

ឆ្មាលេខ៤

ក្នុងភ្នែកអ្នកដទៃ អ្នកប្រៀបដូចកូនក្មេងដែលមិនទាន់ដឹងអី ជាមនុស្សត្រង់ ហើយក៏ចូលចិត្តញញឹមថែមទៀត។ ពេលខ្លះសូម្បីតែរឿងតូចមួយ ក៏អ្នករំភើបចិត្តដែរ ហើយច្រើនតែមិនអាចលាក់រឿងទាំងនោះបាន ដោយសារមុខរបស់អ្នក។ តែពេលខ្លះវិញ ជាមនុស្សគិតច្រើន រហូតធ្វើឲ្យខ្លួនឯងឆោតល្ងង់។

ការពិតមួយ គឺអ្នកជាមនុស្សឆ្លាត ព្រមទាំងចេះបែងចែកបានច្បាស់លាស់រវាងក្តីស្រលាញ់និងស្អប់យ៉ាងច្បាស់លាស់។ អ្នកមិនឲ្យឱកាសដល់មនុស្សដែលធ្លាប់ធ្វើខុសដាក់អ្នកឡើយ។ មើលទៅអ្នកដូចជាចិត្តដាច់ណាស់ តែធាតុពិតអ្នកជាមនុស្សមានបេះដូងទន់ជ្រាយ គ្រាន់តែគេលួងលោមបន្តិច អ្នកចិត្តទន់បាត់ទៅហើយ។ ដោយសារតែមិនចង់ឲ្យអ្នកដទៃពិបាក អ្នកសុខចិត្តលាក់អារម្មណ៍ខ្លួនឯង បង្ហាញតែរឿងសប្បាយចិត្ត ហើយលាក់ភាពក្រៀមក្រំនៅក្នុងចិត្ត។

ឆ្មាលេខ៥

អ្នកដទៃច្រើនគិតមកលើអ្នកជាមនុស្សរាក់ទាក់ រ៉ូមែនទិក ចេះខ្វល់ខ្វាយ និងតែងតែចិត្តល្អជួយយកអសារ។ អ្នកអាចសម្របខ្លួននឹងមជ្ឈដ្ឋានថ្មីបានយ៉ាងល្អ និងឆាប់រហ័សទៀតផង។ អ្នកក៏ជាមនុស្សដែលពូកែ និងចូលចិត្តរាប់អានមិត្តភក្កិមានភាពឆ្លាតវៃ មុននិយាយអ្វីចេះគិតគូល្អិតល្អន់។

បើនិយាយអំពីខ្លួនអ្នកផ្ទាល់ មិនខ្វល់ខ្វាយច្រើននាំឲ្យអំពល់ដល់ជីវិតឡើយ ចូលចិត្តគិតអីងាយៗ ដែលធ្វើឲ្យអ្នកដទៃស្រលាញ់អ្នកដោយមិនដឹងខ្លួន។ អ្នកជាមនុស្សស្មោះត្រង់ខ្លាំងណាស់ ហើយក៏មិនសូវឆាប់ខឹងពេកដែរ។ តែពេលខ្លះអ្នកជាមនុស្សស៊ាំញ៉ាំច្រើនបន្តិច មិនដឹងគួររើសមួយណាសូម្បីតែរឿងតូចតាច។ បើមើលពីសម្បកក្រៅ អ្នកដូចជាមនុស្សមានភាពកក់ក្តៅ និងមានភាពសប្បាយរីករាយណាស់ តែខាងក្នុងវិញ ចិត្តរបស់អ្នកកំពុងស្វែងរកទីណាដែលធ្វើឲ្យជីវិតមានផាសុកភាពជាងនេះ៕

ចុចអាន៖ ចង់ដឹងអ្នកជាមនុស្សរឹងមាំ ឬទន់ជ្រាយក្នុងភ្នែកអ្នកដទៃ សាកល្បងរើសរូបមួយ

ប្រភព៖ 108resources ប្រែសម្រួល៖ លឹម សុនា