Zhao Li Ying និង Angelababy អត់មានរឿងសម្ដែងក្រោយសម្រាលកូនរួច

2019-11-04 04:30:00
ចំនួនមតិ 0 | ចំនួនចែករំលែក 0

ក្រោយពេលកើតកូនរួច តារាស្រីជួរមុខជាច្រើនរបស់ចិន មានភាពលំបាកច្រើនដើម្បីត្រលប់មកកាន់ទូរទស្សន៍វិញ ចំនួនរឿងរបស់ពួកគេក៏ធ្លាក់ចុះដូចគ្នា។

ក្រោយពេលសម្រាលកូនបាន៤ខែ កំពូលតារាសម្ដែងស្រីចិន Zhao Li Ying ចាប់ផ្ដើមត្រលប់មកកាន់ពិភពសិល្បៈវិញ។ យ៉ាងណាក្ដី បណ្ដាញព័ត៌មាន 163 បានឲ្យដឹងថា ប្រពន្ធរបស់តារាសម្ដែង Feng Shao Feng បានជួបផលវិបាកមួយចំនួន ដោយទទួលបានសំណើរថតរឿងថ្មីតិចជាងមុន ទោះបីជានាងជារាជនីទូរទស្សន៍ម្នាក់ក៏ដោយ។ មិនត្រឹមតែប៉ុណ្ណោះ រឿង The Story of Minglan ដែលជាគម្រោងមុននាងសម្រាលកូននោះ ក៏ទទួលបានការចាប់អារម្មណ៍ក៏ដោយ តែផលិតករក៏ក្រែងរអាក្នុងការជ្រើសយកនាងដែរ។

មុន Zhao Li Ying តារាស្រីជាច្រើនក៏ជួបប្រទះរឿងដូចគ្នាដែរ ជាក់ស្ដែង សាន់ឆាយ Barbie Hsu បានត្អូញត្អែរថា ក្រោយកើតកូនគឺនាងគ្មានរឿងថតតែម្ដង។ នៅក្នុងបទសម្ភាសន៍មួយ តួរឿង ស្នេហាបួនដួងបានឲ្យដឹងថា ខ្លួនធ្លាប់តែដើរតួឯក ស្រាប់តែពេលនេះ នាងត្រូវគេអញ្ជើញដើរតួម៉ែរបស់តួស្រីដែលមានអាយុតិចជាងនាង១៥ឆ្នាំទៅវិញ។

ដូចគ្នានឹង Zhao Li Ying និង សាន់ឆាយ គឺតារាសម្ដែងស្រីជួរមុខ Angelababy ដោយមុនពេលសម្រាលកូន ក្នុងរយៈពេល២ឆ្នាំ នាងថតបាន១២រឿង ទាំងរឿងភាគ និងភាពយន្ត តែក្រោយសម្រាលកូនរួច គឺនាងមានស្នាដៃរឿងភាគតែមួយគត់គឺរឿង entrepreneurial age។

បើតារាជួរមុខជើងចាស់ដូចជា Zhao Wei ក្រោយពេលកើតកូនរួច គឺសឹងតែគ្មានរឿងថ្មីចេញតែម្ដង។ និយាយពីបញ្ហានេះ អ្នកជំនាញបានឲ្យដឹងថា ក្រោយពេលសម្រាលកូនរួច ប្រជាប្រិយភាពរបស់តារាស្រីមួយចំនួនត្រូវបានធ្លាក់ចុះ ដូចនេះចំនួនរឿងរបស់ពួកគេក៏ធ្លាក់ចុះដូចគ្នា៕

ចុចអានបន្ត៖ កំពុងកើតគ្រុនមែនពិត តែចៀវៃ នៅតែត្រូវគេរិះគន់ខ្លាំងដោយសកម្មភាពមួយនេះ

ប្រភព៖ ngoisao ប្រែសម្រួល៖ Caramel