ចង់បានស្បែកមុខមដ្ឋរលោងដូចតារាកូរ៉េ ៤ ចំណុចនេះនឹងជួយសម្រេចបំណង

2019-10-25 08:05:00
ចំនួនមតិ 0 | ចំនួនចែករំលែក 0

នារីម្នាក់ៗតែងប្រាថ្នាចង់បានស្បែកស្អាតនិងមដ្ឋរលោងប៉ុន្តែមិនដឹងថាត្រូវចាប់ផ្តើមពីចំណុចណា។តោះ!អស់ចម្ងល់ហើយនៅពេលនេះដោយគ្រាន់តែអនុវត្តនូវចំណុចតូចៗទាំងអស់នេះ៖

រូបតំណាង

**១. ព្យាយាមផឹកទឹកឱ្យបានច្រើន**

អ្នកប្រហែលជាមិនចាប់អារម្មណ៍ទេថាទឹកមានអត្ថប្រយោជន៍ជាច្រើនហើយក្នុងនោះក៏រួមមានស្បែកផងដែរ។ការដែលក្នុងខ្លួនយើងមានផ្ទុកជាតិទឹកគ្រប់គ្រាន់គឺជួយកំចាត់នូវរាល់ជាតិកខ្វក់នៅក្នុងកោសិកាស្បែកធ្វើឱ្យស្បែកមានសំណើមភ្លឺមដ្ឋរលោងនិងក្មេងជាងវ័យទៀតផង។

រូបតំណាង

២. លាងសម្អាតផ្ទៃមុខឱ្យបានស្អាត

នារីៗពេលខ្លះឆ្ងល់ថាហេតុអ្វីទើបស្បែកមុខតែងមានមុនហើយស្រអាប់មិនស្រស់ស្រាយសោះ។នោះមកពីការលាងសម្អាតស្បែកមុខដោយមិនសួវយកចិត្តទុក្ខដាក់។អ្នកខ្លះបានត្រឹមលាងសម្អាតមុខជាមួយទឹកធម្មតារួចគិតថារួចរាល់ហើយទាំងដែលផ្ទៃមុខបានទទួលរងនូវធូលីដីយ៉ាងច្រើនក្នុងមួយថ្ងៃៗ។អ្នកខ្លះវិញថែមទាំងលាបឡេនិងផាត់មុខពេញមួយថ្ងៃហើយមិនបានជូតទឹកសម្អាតឬលាងហ្វូមឱ្យបានស្អាតនោះទេ។

រូបតំណាង

៣.បិទម៉ាសមុខឱ្យបានជាប្រចាំ

ក្រោយពីចេញទៅក្រៅធ្វើការឬប្រកបរបរផ្សេងៗអស់មួយថ្ងៃផ្ទៃមុខរបស់យើងតែងទទួលរងនូវកម្តៅថ្ងៃនិងខ្យល់ដែលមើលទៅស្បែកមានសភាពនឿយហត់។ដូច្នេះហើយយើងគួរធ្វើការបិទមុខជាមួយនឹងម៉ាសដើម្បីជាជំនួយដល់ការផ្តល់សំណើមនិងសារជាតិចិញ្ចឹមផ្សេងៗដល់ស្បែកមុខរបស់យើង។

រូបតំណាង

៤. ពិនិត្យឱ្យបានម៉ត់ចត់ទៅលើរបបអាហារ

ពិតណាស់អាហារជាផ្នែកមួយដ៏សំខាន់ផងដែរក្នុងការថែរក្សានូវសុខភាពស្បែករបស់យើង។ការបរិភោគនូវអាហារមួយចំនួនដែលមានជាតិខ្លាញ់ច្រើនឬជាតិហិលខ្លាំងគឺបណ្តាលឱ្យប៉ះពាល់ដល់សុខភាពស្បែកដូចជាការកើតមុនឬមុខស្រអាប់ជាដើម។ដូចនេះហើយយើងគួរងាកមកបរិភោគនូវអាហារដែលផ្តល់នូវជីវជាតិគ្រប់គ្រាន់ដល់ស្បែកដែលក្នុងនោះរួមមានបន្លែនិងផ្លែឈើជាដើម៕