ឡូយមែន! ខ្ទឹមបារាំងមិនសម្រាប់តែចម្អិនម្ហូបតែមួយមុខឡើយ

2019-10-24 03:55:00
ចំនួនមតិ 0 | ចំនួនចែករំលែក 0

ខ្ទឹមបារាំងជាប្រភេទបន្លែម្យ៉ាងដែលមានក្លិនហាងក្រហាយ។ នរណាៗក៏ដឹងថាខ្ទឹមបារាំងអាចយកមកធ្វើជាបន្លែទៅតាមមុខម្ហូបនីមួយៗ។ ដូច្នេះតើអ្នកមានធ្លាប់ដឹងទេថាខ្ទឹមបារាំងអាចយកមកធ្វើអ្វីផ្សេងទៀតក្រៅតែពីម្ហូបនោះ? អត្ថប្រយោជន៍នៃខ្ទឹមបារាំងដែលអ្នកមិនធ្លាប់ដឹងនោះរួមមាន៖

១. ប្រើប្រាស់សម្រាប់សម្អាតចង្អើរអាំងសាច់

ការសម្អាតបន្ទះដែកសម្រាប់អាំងសាច់ឬចង្អើរជារឿងពិបាកដែរសម្រាប់ស្ត្រីមេផ្ទះ។ ប៉ុន្តែប្រសិនបើអ្នកបានដឹងពីវិធីនៃការប្រើប្រាស់ខ្ទឹមបារាំងនោះគឺលែងជាបញ្ហាទៀតហើយ។ ងាយៗទេ អ្នកគ្រាន់តែពុះខ្ទឹមបារាំងទៅតាមទំហំដែលអ្នកចង់ដុសសម្អាតរួចយកសមទៅចាក់ហើយដុសសម្អាតទៅជាការស្រេច។

២. ជួយកាត់បន្ថយក្លិនថ្នាំលាបផ្ទះ

ពេលលាបថ្នាំផ្ទះ អ្នកតែងតែធំក្លិនមិនល្អដូច្នេះអ្នកអាចកាត់បន្ថយក្លិនទាំងនោះបានតាមរយៈការលាយខ្ទឹមបារាំងដូចជាអ្នកត្រូវយកខ្ទឹមប្រហែលពី ៣ ទៅ ៥ រួចកាត់វាជាចំណែកៗដាក់ចូលក្នុងធុងដែលខ្លួនត្រូវការលាបហើយដាក់ចូលក្នុងកន្លែងផ្សេងទៀតដើម្បីបំបាត់ក្លិននោះ។

៣. សម្អាតប៉ុងលាងចាន

ប៉ុងលាងចានប្រើសម្រាប់លាងចានស្អាត ចុះអ្នកមានដែលសម្អាតប៉ុងលាងចានដែរឬទេ? បើចង់សម្អាតនោះអ្នកគ្រាន់តែយកខ្ទឹមបារាំងទៅកិនឲ្យបានមួយពែងរួចយកប៉ុងមកត្រាំជាមួយខ្ទឹមបារាំងប្រហែល ១០ នាទី។ បន្ទាប់មកទៀតនោះ លាងសម្អាតវាម្តងទៀតជាការ ស្រេច។

៤. ព្យាបាលសក់ជ្រុះ

ខ្ទឹមបារាំងមានសារធាតុស្ពាន់ធ័រជួយហាមឃាត់នៃកោសិកាមហារីក។វាជួយជម្រុញការលូតលាស់របស់សក់ដោយគ្រាន់តែជ្រលក់ខ្ទឹមបារាំងចូលទៅក្នុងទឹក rum (ជាតិអាល់កុលត្រូវបានគេយកចេញពីសំណល់ស្ករអំពៅឬជាតិស្ករ)។ រួចទុកវារយៈពេល ១ ទៅ ២ ថ្ងៃចាំលាងសម្អាតក្បាលជាមួយទឹក ចុងក្រោយនោះសម្អាតជាមួយទឹកឃ្មុំក្នុងមួយថ្ងៃធ្វើបែបនេះជារឿយៗអ្នកនឹងឃើប្រសិទ្ធភាពជាក់ជាមិនខាន។

៥. ជួយសម្អាតសម្ភារៈដែកផ្សេងៗ

ប្រសិនបើអ្នកគ្មានសាប៊ូសម្រាប់សម្អាតវត្ថុដែកផ្សេងៗនោះ អ្នកក៏អាចយកខ្ទឹមបារំាងមកសម្អាតបានដែរ។ ដំបូងត្រូវកិនវាឲ្យម៉ដ្ឋលាយជាមួយទឹក បន្ទាប់មកទៀតយកក្រណាត់ស្អាតមួយមកជូតដុសខាត់រហូតទាល់តែស្នាមប្រឡាក់ចេញអស់ជាការស្រេច៕