សុខចិត្តអត់សើច អត់ញញឹម៤០ឆ្នាំ ព្រោះខ្លាចមានស្នាមជ្រួញ
- 2019-10-21 10:35:00
- ចំនួនមតិ 0 | ចំនួនចែករំលែក 0
សុខចិត្តអត់សើច អត់ញញឹម៤០ឆ្នាំ ព្រោះខ្លាចមានស្នាមជ្រួញ
ដើម្បីរក្សាបានស្បែកមុខម៉ដ្ឋរលោង គ្មានស្នាមជ្រីវជ្រួញ នារីម្នាក់បានលាក់ស្នាមញញឺមរបស់ខ្លួនតាំងពីមានអាយុ១០ឆ្នាំ ហើយការព្យាយាមរបស់នាងបានសម្រេច ដោយទោះមានវ័យចាស់ ហើយមិនដែលឆ្លងកាត់ការវះកាត់ក៏ដោយ តែនាងនៅតែមានមុខគ្មានស្នាមជ្រួញ។
ដើម្បីអូសទាញភាពវ័យក្មេងរបស់ខ្លួន មនុស្សស្រីត្រូវប្រើវិធីជាច្រើនដើម្បីកុំឲ្យចាស់ដោយក្នុងនោះរួមមានប្រើគ្រឿងសំអាង ចាក់ថ្នាំ លេបថ្នាំ នេះបើគិតដល់វិធីស្រាលៗ។ បើនិយាយពីវិធីខ្លាំងៗវិញមានដូចជា អ៊ុតស្បែកមុខ បាញ់កាំរស្មី ឬវះកាត់បន្តឹងស្បែកមុខជាដើម។
យ៉ាងណាក្ដី នារីម្នាក់បានទម្លាយវិធីដែលធ្វើឲ្យស្បែកចាំ ដោយមិនចាំបាច់ឆ្លងកាត់វិធីទាំងអស់ខាងលើឡើយ។ ជាក់ស្ដែង នារីឈ្មោះ Tess Christian វ័យ៥០ឆ្នាំ មកពីសហរដ្ឋអាមេរិក បានបង្ហើបតិចនិកកុំឲ្យមុខជ្រួញនោះគឺកុំសើច គឺសូម្បីតែញញឺមក៏មិនបានដែរ។
នារីខាងលើបានបន្ថែមថា នាងបានរស់នៅដោយមិនសើចចាប់តាំងពីអាយុ១០មកមកម៉្លេះ ហើយនៅពេលនេះ ពេលដែលមានអាយុ៥០ឆ្នាំហើយក៏នាងមិនចាំបាច់វះកាត់អ្វីក៏មុខនៅតែរលោង មិនជ្រួញ។ វិធីនេះគឺធ្វើឲ្យសាច់ដុំមុខមិនកំរើកនាំឲ្យមិនមានស្នាមផ្នត់លើមុខ ដែលគេហៅថាស្នាមជ្រួញនេះឯង។
យ៉ាងណាក្ដី មនុស្សជាច្រើនបានប្រឆាំងនឹងវិធីនេះ ត្បិតពួកគេគិតថាស្នាមញញឺមគឺជាសុភមង្គលរបស់មនុស្ស មិនគួរណាដោយសារខ្លាចជ្រួញហើយមិនញញឺមនោះឡើយ៕
ចុចអាន៖ ប្លែកមែន! សិស្សនៅឥណ្ឌាត្រូវយកប្រអប់គ្របក្បាល ដើម្បីកុំឲ្យលួចមើលគ្នាបានពេលប្រឡង
ចុចអាន៖ ប្លែកមែន! សិស្សនៅឥណ្ឌាត្រូវយកប្រអប់គ្របក្បាល ដើម្បីកុំឲ្យលួចមើលគ្នាបានពេលប្រឡង