កុំឲ្យក្រញាញ់ខួរពេលចេញវិក័យបត្រភ្លើងអស់លុយច្រើន គួរដឹងល្បិចសំចៃប្រើកំសៀវអគ្គីសនី
- 2019-10-11 03:45:00
- ចំនួនមតិ 0 | ចំនួនចែករំលែក 0
កុំឲ្យក្រញាញ់ខួរពេលចេញវិក័យបត្រភ្លើងអស់លុយច្រើន គួរដឹងល្បិចសំចៃប្រើកំសៀវអគ្គីសនី
ដើម្បីសន្សំសំចៃភ្លើងពេលប្រើប្រាស់កំសៀវអគ្គីសនី អ្នកអាចអនុវត្តតាមវិធីងាយៗ៤យ៉ាងដូចខាងក្រោមបាន។ កុំឲ្យដល់ពេលចេញវិក័យបត្រភ្លើងមក ក្រញាញ់ខួរវិលមុខនឹងតួលេខលុយច្រើនសន្ធឹក ហើយតាំងរអ៊ូថាអត់សូវប្រើភ្លើងច្រើនផង ម៉េចអស់លុយច្រើនម្ល៉េះ។
១. ទិញកំសៀវមានលោតសញ្ញា
នៅពេលអ្នកទិញកំសៀវ គួរតែជ្រើសយកកំសៀវណាមានប៊ូតុងបង្ហាញសញ្ញានៅពេលដោតភ្លើងដាំទឹក។ វានឹងងាយស្រួលដឹងថា ទឹកកំពុងដាំ ហើយពេលពុះនឹងបិទអូតូម៉ាទិច។ តែអ្នកក៏ត្រូវដកឌុយចេញពីព្រីភ្លើងដែរ។ វិធីនេះជួយសន្សំសំចៃភ្លើង និងមិនខាតពេលមកមើលថាពេលណាទឹកពុះ។
២. កុំដាក់ទឹកច្រើនឬតិចពេក
កុំដាក់ទឹកច្រើនពេក ហើយក៏មិនត្រូវដាក់តិចពេកដែរ។ គួរដាក់បរិមាណទឹកសមល្មមតាមតម្រូវការ។
៣. លាងកំបោរជាប់កំសៀវចេញពេលប្រើយូរ
ជាធម្មតា កំសៀវអគ្គិសនីប្រើយូរឆ្នាំទៅតែងមានជាប់កំបោរនៅបាតមិនខាន។ ម្ល៉ោះហើយពេលដាំទឹកទៅ អ្នកផឹកក៏មិនល្អចំពោះសុខភាពដែរ។ លុបបំបាត់បញ្ហាទាំងនេះ អ្នកអាចយកទឹកខ្មេះពណ៌សមួយភាគលាយជាមួយទឹកធម្មតាមួយភាគដាំចូលគ្នាមួយពុះ បន្ទាប់មកលាងកំសៀវចេញដោយទឹកត្រជាក់។
៤. បិទគម្របពេលដាំទឹក
ត្រូវចាំថា ពេលដាំទឹកកុំភ្លេចបិទគម្របកំសៀវផង ព្រោះវានឹងធ្វើឲ្យទឹកឆាប់ពុះ មិនសូវខាតភ្លើង។ ម្យ៉ាងទៀត ពេលអ្នកបិទគម្រប កុងតាក់លោតឡើងលើកំសៀវនឹងរលត់ដោយស្វ័យប្រវត្តិនៅពេលសីតុណ្ហភាពទឹកពុះឈានដល់១០០ អង្សារសេ៕
ចុចអាន៖ ពេលស្នាក់នៅសណ្ឋាគារ ហាមដាច់ខាតប្រើរបស់ទាំងនេះ ប្រយ័ត្នយករោគដាក់ខ្លួន