បើគិតថាខ្លួនកំពុងហែលកណ្ដាលសមុទ្រទុក្ខ សូមប្រាប់ខ្លួនឯងរឿង៣ទាំងនេះ

2019-10-09 07:45:00
ចំនួនមតិ 0 | ចំនួនចែករំលែក 0

សុភមង្គលពេលខ្លះគឺទទួលយក និងពេញចិត្តនឹងអ្វីដែលខ្លួនកំពុងមាន។ សំពាធសង្គមពេលខ្លះ ធ្វើឲ្យយើងស្ទើរតែស្ទះទ្រូងម្ដងៗ តែក្នុងសង្គមបច្ចប្បន្នសួរថា មានមនុស្សប៉ុន្មាននាក់ដែលគ្មានសំពាធនោះ។ នៅពេលដែលបាក់ទឹកចិត្តខ្លាំង អ្នកអាចប្រាប់ខ្លួនឯងចំណុចទាំងនេះដើម្បីលើកទឹកចិត្តខ្លួនឯង។

១. សុភមង្គលគឺនៅពេលដែលមិនខ្វល់នឹងអ្នកដទៃ

បើអ្នកកំពុងឈឺក្បាលដោយសម្ដីអ្នកផងដែលគ្មានតម្លៃនោះ សូមចងចាំថា យើងមិនបានរស់ដោយសារសម្ដីគេឡើយ ហើយគេក៏មិនដែលចិញ្ចឹមបាយយើងមូយពេលដែរ ដូចនេះសូមកុំកើតទុក្ខនឹងសម្ដីមនុស្សដែលមើលមិនឃើញតម្លៃយើង។ ពេលខ្លះត្រូវធ្វើហីៗនឹងមនុស្សមួយចំនួនទើបអាចរស់បាន។

២. បើរឿងខ្លះមិនទាន់ត្រូវចិត្ត សូមគិតថាទេវតាកំពុងមានការទុកដាក់ល្អជាងនេះ

នៅពេលខ្លះ ទោះបីជាយើងព្យាយាមអស់ពីកាយចិត្តក៏ដោយ ក៏មានរឿងមួយចំនួននៅតែមិនដូចចិត្តយើងរំពឹង។ តែសូមកុំទាន់ប្រញាប់អស់សង្ឃឹម ឬបាក់ទឹកចិត្តអី ព្រោះគេតែងនិយាយថា ទ្វារមួយបិទ នឹងមានទ្វារមួយទៀតបើកឡើងមក។ អ្វីដែលប្រសើរ គឺកំពុងរង់ចាំអ្នកនៅខាងមុខ។

៣. កុំស្អប់មនុស្សដែលគួរឲ្យស្អប់ទៀត

នៅក្នុងសង្គមដ៏ប្រកួតប្រជែងបែបនេះ ប្រាកដជាមានមនុស្សដែលឈ្នានីស បៀតបៀនយើងមិនតិចឡើយ។ តែសូមចងចាំថា គេឈ្ននីស ឬបៀតបៀនយើង គឺមកពីយើងពូកែជាងគេ ល្អជាងគេ ទើបធ្វើឲ្យគេទើសបែបនេះ។ សូមយកពេលដែលស្អប់អ្នកទាំងនេះ មកស្រលាញ់មនុស្សដែលស្រលាញ់យើងវិញ ទើបមិនខាតពេលឥតប្រយោជន៍៕

ចុចអាន៖ ចាស់ទុំមែនទែនគឺនៅពេលដែល គ្រប់ទុក្ខសោកលែងបង្ហាញចេញក្រៅ តែលាក់ក្នុងចិត្ត

ប្រភព៖ Guu ប្រែសម្រួល៖ Caramel