ស្មានមិនដល់! អាហារ៥មុខនេះសម្បូរជាតិកាល់ស្យូមច្រើនជាងទឹកដោះគោទៅទៀត

2019-10-09 06:45:00
ចំនួនមតិ 0 | ចំនួនចែករំលែក 0

នៅពេលគិតដល់កាល់ស្យូម មនុស្សជាច្រើនប្រាកដជានឹកដល់ទឹកដោះគោមិនខាន។ ប៉ុន្តែតាមពិតទៅ មានអាហារមួយចំនួនសម្បូរជាតិកាល់ស្យូមច្រើនជាងទឹកដោះគោទៀតផង។

១. Cheese

Cheese ជាអាហារផលិតចេញពីប្រូតេអ៊ីនទឹកដោះគោ។ ដូច្នេះបរិមាណកាល់ស្យូមក្នុង Cheese ស្មើនឹង២ដងបើធៀបបរិមាណកាល់ស្យូមក្នុងទឹកដោះគោ។ បន្ថែមពីនេះ សារជាតិ lactose ក៏មានកម្រិតតិចជាងទឹកដោះគោដែរ។ ម្ល៉ោះហើយ បើអ្នកចូលចិត្តអាហារបរទេសដោយប្រើ Cheese នោះពេលបរិភោគអ្នកប្រាកដជាទទួលបានកាល់ស្យូមដល់រាងកាយមិនខាន។ តែកុំហូប Cheese ច្រើនពេកព្រោះនឹងធ្វើឲ្យធាត់យ៉ាងរហ័ស។

២. ទឹកដោះគោជូ

ទឹកដោះគោជូ មានជាតិ Fermented ដែលល្អចំពោះសុខភាព ផ្ដល់ប្រូតេអ៊ីននិងកាល់ស្យូមខ្ពស់។ ក្នុងទឹកដោះគោជូ មានម៉ូលីគុលតូចៗដែលងាយបំបែកដើម្បីស្រូបជីវជាតិចូលក្នុងរាងកាយ ដូច្នេះអ្នកមិនចាំបាច់ផឹកទឹកដោះគោជូក្នុងបរិមាណដូចផឹកទឹកដោះគោទេ។ ដើម្បីទទួលបានបរិមាណកាល់ស្យ៉ូម អ្នកគ្រាន់តែផឹកទឹកដោះគោជូមួយកែវតូចក្នុងមួយថ្ងៃ តែព្យាយាមជ្រើសរើសយកទឹកដោះគោជូរសជាតិធម្មតា ដែលគ្មានស្ករ។ .

៣. គ្រាប់ធញ្ញជាតិ

បើសិនជាមាននរណាម្នាក់មានបញ្ហាអាឡែហ្សី គួរតែហូបល្ញខ្មៅ ល្ញស រួមទាំងគ្រាប់ Chia ឲ្យបានច្រើន។ ធញ្ញជាតិទាំងនេះផ្ទុកនូវកាល់ស្យ៉ូមច្រើនជាងទឹកដោះគោដែលមានបរិមាណស្មើគ្នា។ ពិសេស ល្ញខ្មៅ គឺមានបរិមាណច្រើនជាង៨ដងបើធៀបនឹងទឹកដោះគោ។

៤. ត្រីសាឌីន

មានមនុស្សជាច្រើនមិនដឹងទេថា ត្រីសាឌីនសម្បូរជាតិកាល់ស្យ៉ូម។ តាមរយៈត្រីខសាឌីនកំប៉ុង ឬសូម្បីតែឆ្អឹងរបស់ត្រីនេះ ក៏ជាប្រភពនៃកាល់ស្យូមយ៉ាងល្អផងដែរសម្រាប់រាងកាយ។

៥. បន្លែស្លឹកបៃតង

បន្លែស្លឹកបៃតង ជាប្រភពចាំបាច់នៃកាល់ស្យូមដែលមិនអាចអត់បាន។ ក្នុងនោះមានដូចជា ខាត់ណា ផ្លែឃ្លោក ស្ពៃប្រូខូលី ជាដើម។ ញ៉ាំរាល់ថ្ងៃ នឹងទទួលបានជីវជាតិសម្រាប់ចិញ្ចឹមដល់គោលិកាឈាមក្រហម រួមទាំងកាត់បន្ថយភាពស្លេកស្លាំងផងដែរ។៕

ចុចអាន៖ គុណសម្បត្តិខ្ពស់! ជំងឺអាចកាត់បន្ថយបាន ដោយគ្រាន់តែលាងដៃ

ប្រភព៖ Sanook ប្រែសម្រួល៖ លឹម សុនា