តារា​អ៊ីនធឺណិតស្រី​យក​ទឹក​ជូត makeup មក​ផឹក និង​បន្តក់ភ្នែក​ដើម្បីផ្សព្វផ្សាយ​ផលិតផល

  • 2019-10-08 02:00:00
  • ចំនួនមតិ 0 | ចំនួនចែករំលែក 0

ដើម្បី​ទាក់ទាញ​ចំណាប់​អារម្មណ៍ ក៏ដូច​យក​បាន​លុយ​ផ្សព្វផ្សាយ​ឲ្យ​ផលិតផល​មួយ​លក់​ដាច់ តារា​អ៊ីនធីណិត​មក​ពី​ចិន​ម្នាក់​បាន​ធ្វើ​សក​ម្មភាព​ធ្វើ​ឲ្យ​គេ​រិះគន់​ជា​ខ្លាំង។

ដើម្បី​រក​ប្រាក់​ចំណូល​ចូល​គ្រួសារ មនុស្ស​ជា​ច្រើន​ត្រូវ​ឆ្លង​កាត់​ភាព​លំបាក​មិន​តិច​ឡើយ ដោយ​ខ្លះ​ធ្វើ​ពលកម្ម​ពី​ព្រលឹម​ទល់​ព្រលប់​ទើប​មាន​លុយ​ផ្គត់ផ្គង់​គ្រួសារ​ ហើយ​នៅ​មាន​ការងារ​ធ្ងន់​ធ្ងរ​ជា​ច្រើនទៀត។

យ៉ាងណាក្ដី​ មាន​វិធីរក​លុយ​មួយ​ចំនួន​ដែល​មិន​គួរ​ប្រើ​ឡើយ ព្រោះ​​វា​មិន​សម​នឹង​​ក្រម​សីលធម៌។ ជាក់​ស្ដែង​មុន​នេះ​បន្តិច បណ្ដាញ​ព័ត៌មាន ETToday បាន​ចុះ​ផ្សាយ​ថា តារា​អ៊ីនធឺណិត​ល្បី​ឈ្មោះ​ម្នាក់​ឈ្មោះ Luo Luo រស់​នៅ​ទីក្រុង Hangzhou ប្រទេស​ចិន​ បាន​ធ្វើ​រឿង​នឹក​ស្មាន​មិន​ដល់​ដើម្បី​រក​លុយ។

តាម​នោះ​ដែរ ស្រី​ស្អាត​វ័យ​២៥​ឆ្នាំ បាន​យក​ទឹក​ជូត​គ្រឿង​សំអាង​មក​ផឹក ក៏​ដូច​ជា​យក​មក​បន្តក់​ភ្នែក​របស់​ខ្លួន​ដើម្បី​អះអាង​ថា ទឹក​នេះ​គ្មាន​សារធាតុ​អាក្រក់។ យ៉ាងណាក្ដី គ្រាន់​តែ​ផឹក​ទឹក​នេះ​ចូល​ភ្លាម នាង​ទ្រាំ​មិន​បាន ក៏​ខ្ជាក់​ចេញ​មក​វិញ​ភ្លែត។

នៅ​ក្រោម​​វីដេអូ​របស់ Luo Luo ទស្សនិកជន​ជា​ច្រើន​បាន​ចេញ​មុខ​រិះគន់​នាង​ជា​ខ្លាំង ដោយ​បាន​លើក​ឡើង​ថា ទង្វើ​របស់​នាង​ហាក់​ដូច​គ្មាន​ការ​គិត ដោយ​សារ​តែ​លុយ​ហ៊ាន​លះបង់​សុខភាព​ខ្លួន​ឯង។ ទឹក​ជូត​គ្រឿង​សំអាង​នេះ អាច​ធ្វើ​ឲ្យ​នាង​ស្លាប់​ក៏​ថា​បាន។ គួរ​បញ្ជាក់​ផង​ដែរ​ថា នារី​រូប​នេះ​មាន​អ្នក​គាំទ្រ​ជាង​១​លាន​នាក់​នៅ​លើ​គណនី​បណ្ដាញ​សង្គម​របស់​ខ្លួន៕

ចុចអាន៖ ​ រៀន​សំអាង​ការ​តែ​អត់​អ្នកអនុវត្ត​ផាត់​មុខ យក​ប្អូន​ប្រុស​មក​សាក ប៊ិះ​បាត់​ប្អូន​ប្រុស​ព្រោះ​ស្អាត​ពេក

ប្រភព៖ Kenh14 ប្រែ​សម្រួល៖ Caramel

អត្ថបទពេញនិយម