រៀន​សំអាង​ការ​តែ​អត់​អ្នកអនុវត្ត​ផាត់​មុខ យក​ប្អូន​ប្រុស​មក​សាក ប៊ិះ​បាត់​ប្អូន​ប្រុស​ព្រោះ​ស្អាត​ពេក

  • 2019-10-06 01:00:00
  • ចំនួនមតិ 0 | ចំនួនចែករំលែក 0

ដោយ​សារ​តែ​ចង់​ឲ្យ​ទឹក​ដៃ​ផាត់​មុខ​របស់​ខ្លួន​បាន​កើន​ឡើង ព្រោះ​ជ្រុល​ចំណាយ​លុយ​រៀន​សំអាងការ​ដូច​គេ​ដែរ តែ​ដោយ​សារ​តែ​អត់​មាន​អ្នក​ស្ម័គ្រ​ចិត្ត​ឲ្យ​ផាត់​មុខ​នោះ បង​ស្រី​ក៏​គិត​ដល់​ប្អូន​ប្រុស​របស់​ខ្លួន​ភ្លាម។

អ្នក​ណា​ក៏​ដឹង​ដែរ​ថា ដើម្បី​ដុះ​ខាត់​ជំនាញ​អ្វី​មួយ យើង​ត្រូវ​អនុវត្ត​ឲ្យ​បាន​ច្រើន​ដង ប្រៀប​ដូច​ជា​ការ​សំលៀង​កាំបិត​ដែរ ទាល់​តែ​សំលៀង​ទើប​មុត។ ជាក់​ស្ដែង រៀន​សំអាងការ និង​ផាត់​មុខ​គឺ​តម្រូវ​ឲ្យ​ហ្វឹកហាត់​ជាក់​ស្ដែង​លើ​មុខ​មនុស្ស​ពិត ទើប​ដឹង​ថា​ស្នាដៃ​របស់​ខ្លួន​កំពុង​ស្ថិត​នៅ​កម្រិត​ណា។

តាម​នោះដែរ មុន​នេះ​បន្តិចនៅ​លើ​បណ្ដាញ​សង្គម​វៀតណាម​បាន​ល្បី​រឿង​បង​ស្រី​រៀន​សំអាងការ​តែ​រក​អ្នក​ស្ម័គ្រ​ចិត្ត​ផាត់​មុខ​មិន​បាន​ ក៏​គិត​ដល់​ប្អូន​ប្រុស​របស់​ខ្លួន​មួយ​រំពេច។ ទោះ​បី​ជា​មិន​សូវ​ពេញ​ចិត្ត​ក៏​ដោយ តែ​ដោយ​សារ​ចិត្ត​អាណិត​ស្រលាញ់​បង​ស្រី ប្អូន​ប្រុស​រូប​នេះ​ចុង​បញ្ចប់​ក៏​យល់​ព្រម។

ក្រោយ​ពេល​ផាត់​មុខ​ស្អាត​បាត​រួចហើយ បង​ស្រី​គិត​ថា បើ​ស្លៀក​ពាក់​ជា​ប្រុស​ដូច​មិន​សូវ​សម ក៏​ប្ដូរ​ឲ្យ​ស្លៀក​រ៉ូប​ពាក់​សក់​តែ​ម្ដង។ ក្រោយ​ពេល​កម្រង​រូបភាព​ប្អូន​ប្រុស​របស់​នាង​ត្រូវ​បាន​បង្ហោះ​លើ​បណ្ដាញ​សង្គម មិត្ត​ប្រុស​ៗ​របស់​នាង​បាន​តាម​សុំ​ព័ត៌មាន​ប្អូន​រូប​នេះ​ជា​ច្រើន​នាក់ ដោយ​មិន​ដឹង​ឡើយ​ថា​ជា​មនុស្ស​ប្រុស ហើយ​ទោះ​បី​ជា​ប្រាប់​ហើយ​ក៏​នៅ​តែ​មិន​ជឿ។ បង​ស្រី​រូប​នេះ​ក៏​បន្ថែម​ថា ប្អូន​របស់​ខ្លួន​គឺ​ស្រលាញ់​មនុស្ស​ស្រី​ទេ៕

ចុចអាន៖ ​​ ស្រលាញ់​គ្នា​តាម​អនឡាញ​១​ឆ្នាំ ស្រី​ម្នាក់​បះសក់​ពេល​ឃើញ​សង្សារ​នៅ​ក្រៅ​សង្ហា​កប់​ខុស​ក្នុង​រូប

ប្រភព៖ Kenh14 ប្រែ​សម្រួល៖ Caramel