ស្រកទម្ងន់តាមបែបធម្មជាតិគ្រាន់ផឹកទឹកបរិសុទ្ធ តែត្រូវអនុវត្តតាមចំណុចទាំងនេះ
- 2019-10-06 03:00:00
- ចំនួនមតិ 0 | ចំនួនចែករំលែក 0
ស្រកទម្ងន់តាមបែបធម្មជាតិគ្រាន់ផឹកទឹកបរិសុទ្ធ តែត្រូវអនុវត្តតាមចំណុចទាំងនេះ
ជាធម្មតា អ្នកត្រូវផឹកទឹកឲ្យបាន ៨ ទៅ ១០ កែវក្នុងមួយថ្ងៃ។ ចុះត្រូវធ្វើរបៀបណាខ្លះ ដើម្បីគ្រាន់តែផឹកទឹក ក៏អាចជួយសម្រកទម្ងន់បាន ជាពិសេសទទួលបានសុខភាពល្អទៀតផង។ ទាំងនេះជាគន្លឹះមួយចំនួន ដោយគ្រាន់តែផឹកទឹកឲ្យបានត្រឹមត្រូវ នោះអ្នកនឹងស្រកទម្ងន់បានដូចចិត្ត៖
១. ផឹកទឹក ១កែវ ក្រោយក្រោកពីគេង
ភ្ញាក់ពីព្រឹកព្រលឹម កុំទាន់លុបមុខឬដុសធ្មេញ ផឹកទឹក ១កែវ សិន ព្រោះពេលនោះទឹកនឹងជួយឲ្យប្រព័ន្ធរំលាយអាហារមានដំណើរការល្អ ប្រដាប់រំលាយអាហារក៏បានត្រៀមរូចរាល់ជាស្រេចដើម្បីទទួលយកអាហារដែលអ្នកនឹងបរិភោគក្នុងមួយថ្ងៃៗ។
២. ផឹកទឹក ២ ឬ ៣កែវបន្ថែមទៀត អំឡុងពេលព្រឹក
ដើម្បីឲ្យប្រព័ន្ធផ្សេងៗក្នុងរាងកាយមានដំណើរដូចគ្នា អ្នកត្រូវផឹកទឹក ២ ឬ ៣ កែវទៀត អំឡុងពេលព្រឹក។
៣. ផឹកទឹកមុនពេលបរិភោគអាហារថ្ងៃត្រង់
មុនពេលញ៉ាំអាហារថ្ងៃត្រង់ អ្នកត្រូវផឹកទឹកជាមុនសិន ព្រោះវាជួយធ្វើឲ្យអ្នកញ៉ាំតិច។ អ្នកគួរផឹកទឹក ១ កែវ ១ម៉ោងមុនពេលញ៉ាំអាហារពេល។
៤. ផឹកទឹក ២ ឬ ៣ កែវ អំឡុងពេលថ្ងៃរសៀល
នៅពេលរសៀល ជារយៈពេលអ្នកនឹងចាប់ផ្ដើមចង់ញ៉ាំអាហារទៀត អីច៊ឹង អ្នកត្រូវផឹកទឹកជំនួសវិញ យ៉ាងតិច ២ ឬ ៣ កែវ ហើយវាក៏ជួយកុំឲ្យស្បែកយើងស្ងួតផងដែរ។
៥. ផឹកទឹកមុនពេលញ៉ាំអាហារពេលល្ងាច
វាសំខាន់ណាស់កាលដែលអ្នកផឹកទឹកមុនអាហារពេលល្ងាច ព្រោះវាជួយកុំឲ្យអ្នកញ៉ាំច្រើនពេក មួយវិញទៀត អ្នកក៏ញ៉ាំពេញមួយថ្ងៃមកហើយដែរ។
៦. ផឹកទឹកមុនពេលចូលគេង ដើម្បីជួយលាងកាកសំណល់ក្នុងពោះវៀនតូច
ផឹកទឹកមុនពេលចូលគេង ជួយលាងសម្អាតកាកសំណល់ក្នុងពោះវៀនតូច ប៉ុន្តែមិនត្រូវផឹកច្រើនពេកនោះទេ វាធ្វើឲ្យចូលបន្ទប់ទឹកញឹកនៅពេលយប់ដែលប៉ះពាល់ដល់ដំណេកអ្នក។ ទន្ទឹមនឹងការញ៉ាំទឹកនេះផងដែរ ដើម្បីឲ្យកាន់តែមានប្រសិទ្ធភាពថែមទៀតនោះ អ្នកត្រូវញ៉ាំអាហារសុខភាពផងដែរ។
ចុចអានបន្ត៖
អាហារ ៣ ប្រភេទ ការពារជំងឺមហារីកហើយជួយឲ្យសុខភាពកាន់តែរឹងមាំ