ស្រលាញ់​គ្នា​តាម​អនឡាញ​១​ឆ្នាំ ស្រី​ម្នាក់​បះសក់​ពេល​ឃើញ​សង្សារ​នៅ​ក្រៅ​សង្ហា​កប់​ខុស​ក្នុង​រូប

  • 2019-10-04 02:55:00
  • ចំនួនមតិ 125 | ចំនួនចែករំលែក 316

មនុស្ស​ស្រី​ម្នាក់​ទៀត​ដែល​ត្រូវ​បោក​ដូច​គ្នា​ពេល​ស្រលាញ់​គ្នា​តាម​អ៊ីនធឺណិត តែ​បើ​ត្រូវ​បោក​ដូច​ជា​នាង​បែប​នេះ ប្រហែល​ជា​អ្នក​ណា​ក៏​ចង់​ត្រូវ​គេ​បោក​ដែរ។

សម្រាប់​ករណី​ដែល​ពេល​ស្រលាញ់​គ្នា​តាម​អនឡាញ ឃើញ​រូប​ស្អាត តែ​ពេល​ជួប​ខាង​ក្រៅ មិន​ដូច​រូប​នោះ គឺ​មាន​ច្រើន​ករណី​មក​ហើយ។ យ៉ាងណាមិញ ពេល​ឃើញ​រូប​អាក្រក់ តែ​ឃើញ​នៅ​ក្រៅ​ស្អាត​ដូច​ជា​កម្រ​រក​ឃើញ​ណាស់។

យ៉ាងណាក៏ដោយ មុន​នេះ​បន្តិច នារី​ម្នាក់​​មាន​សំណាង នៅ​ពេល​ជួប​ករណី​ទី​២​ដោយ​ផ្ទាល់។ តាម​នោះ​ដែរ នារី​ខាង​លើ ជា​មនុស្ស​បែប​មិន​សូវ​ចេះ​និយាយ​ស្ដី ជា​ពិសេស​គឺ​នៅ​ចំពោះ​មុខ​មនុស្ស​ប្រុស​តែ​ម្ដង។ ដោយ​សារ​តែ​ហេតុ​នេះ​ហើយ ទើប​នាង​សម្រេច​ចិត្ត​រក​សង្សារ​តាម​អនឡាញ​វិញ។ ក្រោយ​ពេល​រក​ឃើញ​បុរស​ម្នាក់ ដែល​និយាយ​ស្ដី​ត្រូវ​គ្នា ពួក​គេ​ក៏​សម្រេច​ចិត្ត​ដោះដូរ​រូប​ថត ហើយ​ក្លាយ​ជា​សង្សារ​នឹង​គ្នា។

នៅ​ក្នុង​រូប ខាង​ប្រុស​មាន​រូបរាង​សាមញ្ញ រាង​ធាត់​បន្តិច មិន​មាន​អ្វី​លេច​ធ្លោ​ឡើយ។ ខុស​ពី​គូ​ស្នេហ៍​អនឡាញ​ដទៃ​ដែល​តែង​ណាត់​ជួប​គ្នា ក្រោយ​រយៈ​ពេល​ខ្លី​នោះ ពួក​គេ​ទាំង​២​បាន​ចំណាយ​ដល់​តែ​១​ឆ្នាំ ទើប​សម្រេច​ចិត្ត​ជួប​គ្នា។

​ថ្ងៃ​ដែល​ជួប​ដំបូង​នោះ ខាង​ស្រី​ក៏​ទើប​តែ​ដឹង​ថា នាង​ត្រូវ​គេ​បោក​ហើយ ដ្បិត​នៅ​ខាង​ក្រៅ សង្សារ​របស់​នាង ស្អាត​ជាង​ក្នុង​រូប​ឆ្ងាយ​ណាស់ ហើយ​ក៏​មិន​ធាត់​អី​ដែរ។ ក្រោយ​ពេល​រឿងរ៉ាវ​របស់​នាង​ត្រូវ​បាន​បង្ហោះ​លើ​បណ្ដាញ​សង្គម មនុស្ស​ជា​ច្រើន​បាន​ជួយ​អរ​នាង ព្រោះ​មិន​មែន​អ្នក​ណា​ក៏​មាន​សំណាង​បែប​នេះ​នោះ​ទេ ដ្បិត​ភាគ​ច្រើន គឺ​មនុស្ស​ខាង​ក្រៅ​មិន​ស្អាត​ដូច​ក្នុង​រូប​ឡើយ៕

ចុចអាន៖ ​​ ស្មាន​តែ​ស្រលាញ់​ប៉ះ​ចំ​កំពូល​ស្រី​ស្អាត​ បុរស​ម្នាក់​ដាច់​ផ្ងារ​ពេល​ឃើញ​មុខ​ពិត​សង្សារ​លើក​ទី​១

ប្រភព៖ Kenh14 ប្រែ​សម្រួល៖ Caramel

អត្ថបទថ្មី